Sumqayıt şəhərinin girişi

Sumqayıtda valideynlər etiraz aksiyası keçiriblər

2473
(Yenilənib 12:28 13.06.2017)
Qəbul edilən yeni qərar sakinlərin ciddi narazılığına səbəb olub

BAKI, 13 iyun — Sputnik. Bu gün Sumqayıt şəhəri 5 saylı məktəbin qarşısında etiraz aksiyası keçirilib. Belə ki, valideynlər məktəbin önündə etirazlarını ifadə edərək, oradan Sumqayıt Təhsil Şöbəsinin qarşısına gələrək öz şikayətlərini bildiriblər.

Övladı məktəbin 2-ci sinifində oxuyan Aynurə Əsədovanın Sputnik Azərbaycan-a verdiyi məlumata görə, baş verənlərə səbəb, məktəbdə ibtidai siniflərin oxuduğu korpusun Regional Maliyyə İdarəsinə verilməsidir. Valideyn bildirib ki, uzun illərdir bütün ibtidai siniflər həmin korpusda təhsil alıb.

"Bu gün isə bizə deyirlər ki, uşaqlar artıq həmin korpusda oxumayacaqlar. Biz illərlə çalışmışıq, pul yığımışıq, həmin korpusu təmir etdirmişik ki, uşaqlarımız yaxşı şəraitdə təhsil alsınlar. İndi qalxıb elan edirlər ki, həmin korpus Maliyyə İdarəsinə verilir" — A. Əsədova qeyd edib.

O, ibtidai sinifdə oxuyan bütün şagirdlərin valideynlərinin buna qarşı olduğunu diqqətə çatdırıb: "Bizim uşaqlar həmin korpusda çox rahat şəkildə təhsil alırdılar. Biz də arxayın idik ki, uşaqlarımız təhlükəsiz şəraitdə təhsil alırlar. Bu korpusun hansısa idarəyə verilməsi bizi qorxudur. Uşaqlarımızın durumundan narahatlıq verir".

"Biz o korpusu özümüz təmir etdirmişik. İkinci korpus isə təmirsizdir. Deyirlər, guya dövlət təmir üçün pul ayırıb. Amma hər tədris ilinin sonunda bizə bildirilir ki, "dövlət təmir üçün bir mismar da ayırmır". Guya məktəb rəhbərliyi öz hesabına təmir etməlidir" — valideyn vurğulayıb.

A.Əsədovanın sözlərinə görə, Sumqayıt Təhsil Şöbəsindən onlara bildirilib ki, korpus əvvəldən məktəbə aid olmayıb: "Bizə dedilər ki, o korpus məktəbin deyil. Deyilsə, necə olub ki, uşaqlarımızı illərlə həmin korpusda təhsil alıb? Biz pul yığıb təmir etdirmişik. Biz aidiyyatı qurumlardan xahiş edirik ki, bizim uşaqlarımızın təhsil aldığı korpusu hansısa idarəyə verməsinlər".

Qeyd edək ki, hazırda aksiya başa çatıb. Amma valideynlər tələblərini aidiyyatı qurumlara çatdırmağı və məsələnin araşdırılmasını xahiş edirlər.

2473
Teqlər:
Regional Maliyyə İdarəsi, Sumqayıt Təhsil Şöbəsi, Sumqayıt şəhəri, korpus, valideyn, şagird, məktəb, uşaq
Əlaqədar
Ekspert: “Məktəbəqədər hazırlıq istənilən səviyyədə deyil”
"Bu məsələdə ailə və məktəb günahkardır"
“Ali məktəblərin təhsil haqqını endirməsi gözlənilən idi”
İnternat məktəbinin itkin düşmüş şagirdi tapılıb
IX sinif şagirdlərinin buraxılış imtahanının nəticələri elan olundu
91 şagirdin yazıb-oxumağı bacarmamasının səbəbi nədir?
 Bıçaq əlində kişi, arxiv şəkil

Bakıda 31 yaşlı qadını bıçaqladılar

13
(Yenilənib 21:54 01.03.2021)
1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

BAKI, 1 mart - Sputnik. Bakıda bıçaqlanma hadisəsi baş verib.

"Report"un məlumatına görə, hadisə Sabunçu rayonu ərazisində qeydə alınıb.

Belə ki, 1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

Yaralı təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırma aparılır.

13

Xətai rayonunda 22 yaşlı oğlan qətlə yetirilib

11
(Yenilənib 19:30 01.03.2021)
Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

BAKI, 1 mart - Sputnik. Martın 1-də saat 13 radələrində paytaxtın Xətai rayonu, N.Tusi küçəsi 18 ünvanında yerləşən binanın qarşısında 1999-cu il təvəllüdlü Nəsibov Bəxtiyar Əli oğlunun üzərində xəsarət izləri olan meyitinin aşkar edilməsi barədə rayon prokurorluğuna məlumat daxil olub.

Xətai rayon prokurorluğundan APA-ya verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla Bakı şəhər sakini, 2002-ci il təvəllüdlü Abbasov Əli Allahverdi oğlunun şəxsi münasibətlər zəminində aralarında yaranmış mübahisə zamanı Bəxtiyar Nəsibovun döş qəfəsinin sol nahiyəsinə kəsici-deşici alətlə xəsarət yetirərək sonuncunu qəsdən öldürməsinə əsaslı şübhələr müəyyən edilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Hazırda Əli Abbasovun yerinin müəyyən edilərək şübhəli şəxs qismində tutulması istiqamətində intensiv əməliyyat-axtarış tədbirləri və istintaq hərəkətləri davam etdirilir.

11
Türkiyə Prezidenti Rəcəb Tayyib Ərdoğan, arxiv şəkli

Ərdoğan: “Yuxarı sinif şagirdləri üçün əyani təhsil bərpa olunacaq”

0
Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”. 

APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.

Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq. 

Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək. 

Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq. 

Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq. 

Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq. 

Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk,  Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.

0