Su altında qalmış küçə, arxiv şəkli

Cənub bölgəsində bir kənd çay daşqınının altında qaldı

502
(Yenilənib 16:24 08.06.2017)
Çay yolu yuyub apardığından sakinlər öz pay torpaqlarına gedə bilmirlər

Rahim Zakiroğlu, Sputnik Azərbaycan

BAKI, 8 iyun — Sputnik. Astara rayonu ərazisində, Pensər çayında su səviyyəsinin artması nəticəsində, eyni adlı kənddə ciddi fəsadlar meydana çıxıb. Belə ki, çayın daşması ətrafda yaşayan sakinlər üçün problemlər yaradıb.

Sputnik Azərbaycan-ın bölgə müxbiri xəbər verir ki, ötən il də Astaranın Şiyəkəran kəndində çay torpaq qatının alt hissəsini yuyub dağıdıb. Buna görə də ərazidə yaşayan 45 ailə təhlükə ilə üzləşib. Çayın suyu torpaq qatını yuduğu üçün, bir neçə ev uçmaq təhlükəsi ilə üzləşib. Nəticədə həmin ev sakinlər kəndin başqa ərazisində ev tikərək oraya köçüblər.

Bu dəfə isə daha bir neçə ev qəzalı vəziyyətə düşüb. Çay daşqını Pensər kəndinin ərazisində olan sitrus bağlarına və otlaq ərazilərə də ciddi ziyan vurub. Ayrıca, çay kənd yolunu yuyub apardığından, sakinlər öz pay torpaqlarında saldıqları sitrus bağlarına və zəmilərə gedib gələ bilmirlər.

Astara Rayon İcra Hakimiyyətindən Sputnik Azərbaycan-a verilən məlumata görə, İcra Hakimiyyəti və Fövqəladə Hallar Nazirliyinin (FHN) əməkdaşları əraziyə baxış keçiriblər. Yekun rəy aidiyyatı qurumlara təqdim olunub.

Yekun rəydə bildirilir: "Ərazidə beton səddin tikilməsinə ehtiyac var. Vəsait ayrılarsa, problem aradan qaldırılacaq".

502
Teqlər:
su səviyyəsi, Pensər çayı, Pensər kəndi, Astara rayonu, daşqın, Sputnik Azərbaycan
Əlaqədar
Təbiət inadından dönmür
Moskvada təbii fəlakət qurbanlarının sayı artır
Təbii fəlakət daha bir bölgəmizdə dağıntılar törətdi
Şimal-qərb bölgəsində təbiətlə qarşıdurma yaşanır
Leyla Əliyeva: "İnsan fəaliyyəti təbiətin qanunlarını pozur"
Təbiət daha bir bölgəmizə amansız üzünü göstərdi

Masallıda qadın keçmiş əri tərəfindən bıçaqlanıb

9
Xəsarət alan qadın Lənkəran Rayon Mərkəzi Xəstəxanasına çatdırılıb. Onun müalicəsi Reanimasiya şöbəsində davam edir.

BAKI, 14 may - Sputnik. Masallı rayonunda 27 yaşlı qadın bıçaqlanıb.

APA-nın məlumatına əsasən, bıçaqlanma hadisəsi rayonun Öncəqala kəndində qeydə alınıb.

Kənd sakini 1994-cü il təvəllüdlü Zəhra Əzizovanı keçmiş həyat yoldaşı bıçaqlayıb. Xəsarət alan qadın Lənkəran Rayon Mərkəzi Xəstəxanasına çatdırılıb.

Hazırda onun müalicəsi Reanimasiya şöbəsində davam edir.

Faktla bağlı araşdırma aparılır.

9
Qəza, arxiv şəkli

Paytaxtın Heydər Əliyev prospektində qəza olub, yolda sıxlıq yaranıb

8
Bildirilib ki, qəza səbəbindən hazırda hadisə baş verən ərazidə nəqliyyat vasitələrinin hərəkətində sıxlıq yaranıb.

BAKI, 14 may - Sputnik. Bakıda Heydər Əliyev prospektində hava limanına gedən yolda ağır yol-nəqliyyat hadisəsi baş verib.

Bu barədə Sputnik Azərbaycan-a Bakı Nəqliyyat Agentliyindən məlumat verilib.

Bildirilib ki, qəza səbəbindən hazırda hadisə baş verən ərazidə nəqliyyat vasitələrinin hərəkətində sıxlıq yaranıb.

8

Rusiyalıların 55%-i Vladimir Putinə etibar edir - SORĞU

0
Bu sorğu mayın 6-8-də Rusiya Federasiyasının 53 subyektində 104 yaşayış məntəqəsində 18 yaşdan yuxarı 1,5 min respondentin arasında keçirilib.

BAKI, 14 may — Sputnik. Rusiyalıların yarıdan çoxu (55%) RF prezidenti Vladimir Putinə etibar edir. RİA Novosti xəbər verir ki, bunu Rusiyanın "İctimai fikir" fondunun keçirdiyi sorğunun nəticələri göstərir.

Sorğunun nəticələinə görə, respondentlərin 55%-i prezidentə inandıqlarını, 32%-i isə inanmadıqlarını bildiriblər. 13% rspondent cavab verməkdə çətinlik çəkib.

Rəyi soruşulanların 58%-i hesab edirlər ki, Putin öz vəzifəsinin öhdəsindən yaxşı gəlir. 26% əks fikirdədir. 16% respondent bu suala cavab verməkdə çətinlik çəkib.

Bu sorğu mayın 6-8-də Rusiya Federasiyasının 53 subyektində 104 yaşayış məntəqəsində 18 yaşdan yuxarı 1,5 min respondentin arasında keçirilib. Statistik xəta 3,6%-də yuxarı deyil.

0