Falabaxan qadın. Arxiv şəkli

Bakıda falçı qadın tutuldu

270
(Yenilənib 11:40 06.06.2017)
Onun digər analoji cinayətlərdə iştirak etdiyini də istisna edilmir

BAKI, 6 iyun — Sputnik. Respublikanın daxili işlər orqanlarının əməkdaşları, dələduzluq yolu ilə vətəndaşları aldadan və bununla da zərərçəkənlərin külli miqdarda pullarını mənimsəyən şəxslərə qarşı növbəti əməliyyat tədbiri keçiriblər. Bu barədə Sputnik Azərbaycan-a Daxili İşlər Nazirliyinin (DİN) mətbuat xidmətindən məlumat verilib.

Bildirilir ki, iyunun 1-də Bakı şəhər sakinləri olan iki nəfər polisə müraciət edərək, bir qadın tərəfindən fala baxmaq adı ilə aldadılaraq, ümumilikdə 1100 manat pullarının alındığını bildirib. Təxirəsalınmadan keçirilən əməliyyat tədbirləri nəticəsində, həmin dələduzluq əməlini törədənin Bakı şəhər sakini Roziya Jelandinovna olması müəyyən edilib və görülən tədbirlərlə o tutulub.

Faktla bağlı Cinayət Məcəlləsinin 178-ci (dələduzluq) maddəsi ilə cinayət işi başlanılıb, araşdırmalar aparılır. Polis əməkdaşları dələduzluq etməkdə şübhəli bilinən Roziya Jelandinovnanın digər analoji cinayətlərdə iştirak etdiyini də istisna etmir. Onun əməllərindən zərərçəkən başqa vətəndaşlar varsa, bu barədə Daxili işlər Nazirliyinin "102" Zəng Mərkəzinə müraciət edə bilərlər.

270
Teqlər:
fala baxmaq, əməkdaş, daxili işlər orqanları, DİN, cinayət işi, dələduzluq, polis
Əlaqədar
Məşhur falçı Ərdoğanın başına gələcəkləri açıqladı
Salvador Dali falçı idimi?
Məşhur ekstrasensdən Azərbaycandakı falçılarla bağlı ilginc açıqlamalar
Rəml atıram, fala baxıram - əsrlərin fırıldağı
"Falçı yeri"nin yaradılmasına razılıq verildi
Falçı “Həzrəti Sabir” məhkəmə zalından azadlığa buraxılıb