Gözəl Bayramova

AXCP sədrinin müavininin saxlanılması ilə bağlı rəsmi açıqlama verildi

284
(Yenilənib 16:07 26.05.2017)
"Gözəl Bayramova özünü şübhəli apardığına görə əl yükünə baxış keçirilərkən, bəyan edilməmiş 12 min ABŞ dolları məbləğində pul vəsaiti aşkar olunaraq götürülüb"

BAKI, 26 may — Sputnik. 25 may 2017-ci il tarixdə saat 22 radələrində Azərbaycan Respublikasının vətəndaşı Bayramova Gözəl Oruc qızı Gürcüstandan Azərbaycan ərazisinə keçərkən Qazax rayonunun Şıxlı sərhəd nəzarət buraxılış məntəqəsində Dövlət Gömrük Komitəsinin əməkdaşları ilə birgə keçirilmiş tədbirlər nəticəsində saxlanılıb. Bu barədə Sputnik Azərbaycan-a Dövlət Sərhəd Xidmətinin Mətbuat Mərkəzindən məlumat verilib.

"G.Bayramova özünü şübhəli apardığına görə əl yükünə baxış keçirilərkən, bəyan edilməmiş 12 min ABŞ dolları məbləğində pul vəsaiti aşkar olunaraq götürülüb" — DSX bildirir.

Faktla bağlı Dövlət Sərhəd Xidmətinin İstintaq və Təhqiqat İdarəsində Cinayət Məcəlləsinin 206.1-ci (qaçaqmalçılıq) maddəsi ilə cinayət işi başlanıb. İlkin araşdırmalarla G. Bayramovanın 24 may 2017-ci il tarixdə Azərbaycandan Gürcüstana gedərkən üzərində bəyan edilməli olan nağd pul vəsaiti olması müəyyən edilməyib. Hazırda cinayət işi üzrə zəruri istintaq tədbirləri davam etdirilir.

Qeyd edək ki, Gözəl Bayramlı AXCP sədrinin müavinidir.

284
Teqlər:
Bayramova Gözəl Oruc qızı, Qazax rayonu, Dövlət Sərhəd Xidməti, Gürcüstan, Azərbaycan Respublikası
Əlaqədar
AXCP ilə bağlı Ali Məhkəməyə müraciət edilib
AXCP Ali Məclisinin sədri Həsən Kərimov vəfat edib
Ədliyyə Nazirliyi AXCP mübahisəsi ilə bağlı qərar verib
Ədliyyə Nazirliyi iki AXCP arasında qalıb
Əli Kərimli AXCP-nin qurultayında yenidən sədr seçilib