Leysan

Üç rayonumuzdan həyacan siqnalı gəldi

7816
(Yenilənib 17:01 17.05.2017)
Təbiət şimal-qərb bölgəsinə qarşı bütün gücünü işə salıb

İlham Əhmədov, Sputnik Azərbaycan

BAKI, 17 may — Sputnik. Respublikanın əksər bölgələrində müşahidə olunun leysan xarakterli yağıntılar, şimal-qərb bölgəsinə xüsusilə ziyan vurub. Sputnik Azərbaycan-ın bölgə müxbiri xəbər verir ki, dünən gecə saat 20.30 radələrində Qəbələyə güclü leysan və dolu yağıb. Küləklə müşayiət olunan böyük dolu dənələri bəzi ərazilərdə şəxsi təsərrüfatlara və meyvə ağaclarına, habelə avtomobillərə ziyan vurub.

Dolunun ardınca isə leysan xarakterli güclü yağış yağmağa başlayıb. Nəticədə bəzi küçə və yolları su basıb. Həmçinin, meyvə ağacları, tərəvəz sahələri ziyan görüb. Xoşbəxtlikdən dolu Qəbələ rayonunun mərkəzi hissəsində olub və digər ərazilərdə, xüsusilə dağlıq kəndlərdə ciddi fəsadlara yol açmayıb.

Leysan xarakterli yağışlar Şamaxı rayonunda da müşahidə olunub. Bu rayonda təsərrüfatlara ciddi ziyan dəyməsə də, çaylarda sululuq artıb. Sel təhlükəsi yaranıb.

Güclü yağışlar, Şamaxıdan fərqli olaraq, Qobustan rayonunda bəzi kəndlərə və şəxsi təsərrüfatlara ciddi ziyan vurub. Rayonunun Poladlı kəndini su basıb, sel suları fərdi yaşayış evlərinin zirzəmilərinə dolub və ev quşları tələf olub. Evlərdə və təsərrüfatlarda fəsadlar meydana çıxıb.

Hazırda aidiyyəti qurumlar əraziyə baxış keçirir, əhaliyə dəyən ziyan müəyyənləşdirilir. Rayonun Təsi, Poladlı və Yekəxana kəndləri çay kənarında yerləşdiyi üçün, bu kəndlərdə də təbii fəlakət yaşanması təhlükəsi var.

Tökülən leysan Pirsaatçay çayında daşqınlara səbəb olub və çay məcrasını dəyişib. Çayın məcrasının dəyişməsi bir sıra fəsadlar yaradıb.

7816
Teqlər:
ziyan, Respublika, yağıntı, daşqın, dolu, Şamaxı, təbiət, kənd, Qəbələ, sakin, bölgə, əhali, Qobustan, çay, rayon, leysan, sel, külək, yağış
Əlaqədar
Leyla Əliyeva: "İnsan fəaliyyəti təbiətin qanunlarını pozur"
Təbiət daha bir bölgəmizə amansız üzünü göstərdi
"Azərsu" təbiətin acığını vətəndaşdan çıxır
Sabah leysan olacaq
Şimşək çaxacaq, leysan yağacaq, dolu düşəcək
Yenə leysan yağacaq
Beyrutda partlayış

Minlərlə insanın yaralanmasına 78 nəfərin ölümünə məsuliyyətsizlik səbəb olub

30
(Yenilənib 08:21 05.08.2020)
Partlayışın səbəblərinə gəldikdə isə, Beyrut limanında qaynaq işləri aparılan zaman orada saxlanılan 2750 ton ammonium nitrat duzu partlayıb.

BAKI, 5 avqust - Sputnik. Beyrut limanında baş vermiş güclü partlayış nəticəsində ölənlərin sayı 78 nəfərə çatıb.

Bu barədə ölkənin Səhiyyə Nazirliyi açıqlama yayıb.

Məlumata görə, partlayış zamanı, həmçinin 4 minədək insan xəsarət alıb.

Partlayışın səbəblərinə gəldikdə isə, Beyrut limanında qaynaq işləri aparılan zaman orada saxlanılan 2750 ton ammonium nitrat duzu partlayıb.

Bunu Livanın Təhlükəsizlik Xidmətinin rəhbəri Abbas İbrahim bildirib. Həmin yükün Afrika ölkələrindən birinə məxsus olduğu bilinir.

ABŞ prezidenti Donald Tramp isə Livanın paytaxtı Beyrutda onlarla insanın ölümünə, eləcə də böyük dağıntılara səbəb olan güclü partlayışın “dəhşətli bir hücum”a bənzədiyini deyib.

30
Beyrutda partlayış

Beyrutdakı partlayışda baş nazirin ailəsi xəsarət alıb - VİDEO

2235
(Yenilənib 22:52 04.08.2020)
Hadisə zamanı həmçinin yüzlərlə insanın xəsarət aldığı bildirilir. Xəsarət alanlar arasında Qazaxıstanın bu ölkədəki konsulu da var.

BAKI, 4 avqust - Sputnik. Livanın paytaxtı Beyrutda baş verən ard-arda iki partlayışda baş nazir Həsən Diabın həyat yoldaşı və qızı xəsarət alıblar. Bu barədə Sputnik Azərbaycan xarici mətbuata istinadən xəbər verir..

Partlayışda azı 11 nəfər ölüb. Ölənlər aeasında "Əl-Kataib" partiyasının baş katibi Nazar Nacaryan da var.

Hadisə zamanı həmçinin yüzlərlə insanın xəsarət aldığı bildirilir. Xəsarət alanlar arasında Qazaxıstanın bu ölkədəki konsulu da var.

Bildirilib ki, partlayışın səsi Kiprdə belə eşidilib. Partlayış episentrinə yaxın olan binaların şüşələri dağılıb.

Hadisənin terror aktı olmadığı bildirilir.

2235
Azərbaycan Respublikası Milli Məclisinin binası

Milli Məclis toplanır - Büdcəyə dəyişiklik ediləcək

0
(Yenilənib 10:29 05.08.2020)
Parlamentin növbədənkənar sessiyasında 6 məsələyə baxılacaq, bunların sırasında büdcə, işsizlik və məşğulluq da var

Xalid Məmmədov, Sputnik Azərbaycan

BAKI, 5 avqust — Sputnik. Bu gün Milli Məclisin növbədənkənar sessiyasının plenar iclası keçirilir.

Sputnik Azərbaycan xəbər verir ki, saat 11-ə planlaşdırılan iclasın gündəliyinə 6 məsələ daxil edilib.

Bunlar aşağıdakılardır:

1. "Azərbaycan Respublikasının 2020-ci il dövlət büdcəsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

2. "Sosial təminat və müdafiəni həyata keçirən müvafiq icra hakimiyyəti orqanının müəyyən etdiyi orqanın (qurumun) 2020-ci il büdcəsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

3. "İşsizlikdən sığorta fondunun 2020-ci il büdcəsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

4. "Məşğulluq haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

5. "İşsizlikdən sığorta haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

6. Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

0