Qəza

Maşın dərəyə aşdı, sərnişin həlak oldu

50
(Yenilənib 17:27 11.05.2017)
39 yaşlı Namiq Əmirağa oğlu Balaşov aldığı xəsarətdən xəstəxanada keşinib

Leyla Abdullayeva, Sputnik Azərbaycan

BAKI, 11 may — Sputnik. Qusar rayonunda ölümlə nəticələnən yol nəqliyyat hadisəsi baş verib.

Sputnik Azərbaycan-ın bölgə müxbirinin verdiyi məlumata görə,  qəza rayonunun Köhnə Xudat kəndi ərazisində baş verib.

Belə ki, İmamqulukənd istiqamətinə gedən, Gədəzeyxur sakini Yaşar Zöhrabbəy oğlu Haqverdiyevin idarə etdiyi VAZ 21115 markalı avtomobil yol kənarındakı ağaca dəyərək dərəyə aşıb.

Dərə iki metrlik olsa da, avtomobildəki sərnişin, Gədəzeyxur kənd sakini, 39 yaşlı Namiq Əmirağa oğlu Balaşov ağır xəsarət alıb.

Balaşov Qusar rayon Mərkəzi Xəstəxanasına çatdırılıb. Lakin aldığı xəsarətlər çox ağır olduğundan, onun həyatını xilas etmək mümkün olmayıb.

Faktla bağlı Qusar rayon Polis İdarəsində araşdırma başlanılıb.

50
Əlaqədar
Səfir qəza nəticəsində vəfat etdi
Prokuror və sürücüsü yol qəzasında öldü
Paytaxt yaxınlığında ağır qəza
Azərbaycanda daha bir avtobus qəzası
Rus hərbi gəmisi Türkiyə sahillərində qəzaya uğradı
Hirkan Milli Parkında yanğın

Yanğını ram etmək çox çətindir: Hirkandan VİDEOgörüntülər

3
(Yenilənib 18:11 16.01.2021)
Yanğınla mübarizəyə FHN-in "BE-200ÇS" tipli amfibiya təyyarəsi də cəlb olunub, bəzi yerlərdə yanğınsöndürənlər kürəklə işləyirlər

BAKI, 16 yanvar - Sputnik. Astara rayonu ərazisində, Hirkan Milli Parkında baş vermiş yanğının bir istiqamətdə söndürülməsi Fövqəladə Hallar Nazirliyi tərəfindən təmin edilib. Yanğının davam etdiyi digər istiqamətdə isə təxirəsalınmaz tədbirlər davam etdirilir.

Sputnik Azərbaycan FHN-in saytına istinadən xəbər verir ki, yanğının söndürülməsinə relyef şəraitinin mürəkkəbliyi, habelə havanın küləkli olması mane olur. Bununla belə, yanğının daha geniş əraziyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər davam etdirilir.

Yanğınla mübarizəyə Fövqəladə Hallar Nazirliyi Aviasiya dəstəsinin "BE-200ÇS" tipli amfibiya təyyarəsi, Cənub Regional Mərkəzi, Dövlət Yanğından Mühafizə Xidməti, Mülki müdafiə qoşunları və Xüsusi Riskli Xilasetmə Xidmətinin müvafiq qüvvələri, eləcə də Ekologiya və Təbii Sərvətlər Nazirliyinin yerli qurumlarının əməkdaşları cəlb olunublar.

3
 Yevlaxda üzərinə ağac aşan “Ford” markalı yük avtomobili

Yevlaxda körpüyə girməyə hazırlaşan avtomobilin üzərinə ağac aşdı

23
(Yenilənib 20:38 15.01.2021)
Təbiətin şıltaqlığı bu gün Yevlax şəhərində az qala insanların xəsarət alması ilə nəticələnə bilərmiş.

Rahim Məmmədov, Sputnik Azərbaycan

BAKI, 15 yanvar — Sputnik. Günorta saatlarında güclənən külək Yevlaxda iki iri gövdəli qovaq ağacını aşırıb. Təbiət hadisəsi zamanı ağaclardan biri yük avtomobilin üzərinə düşüb. Sputnik Azərbaycan xəbər verir ki, hadisə Yevlax rayonu ərazisində, Kür çayının üzərində yerləşən körpünün yaxınlığında qeydə alınıb.

© Sputnik / Rahim Mammadov
Yevlax rayon sakini Vüsal Ələkbərov

Rayon sakini Vüsal Ələkbərov idarə etdiyi “Ford” markalı yük avtomobili ilə körpüyə daxil olmaq üçün növbə gözləyən zaman quru ağac onun avtomobilinin üzərinə aşıb. Hadisə zamanı sürücü və yanında olan sərnişin xəsarət almasa da avtomobilə ciddi ziyan dəyib. Sürücü hadisənin qəfildən baş verdiyini, maşını hərəkətə gətirməyə çalışan zaman artıq ağacın düşdüyünü bildirib:

© Sputnik / Rahim Mammadov
Yevlaxda üzərinə ağac aşan “Ford” markalı yük avtomobili

“Xaldan qəsəbəsindən gəlirdim. Körpüyə çatanda qarşıdan gələn maşın gördüm, ona görə körpüdən bir az aralı dayandım. Bərk külək əsirdi, qəfildən quru ağac maşının üstünə düşdü. Ön şüşəni sındırdı, maşının üstünü əzdi. Şüşə qırıqları içəri tökülüdü. Yaxşı ki, hələ özümüzə heç nə olmadı”.

Qeyd edək ki, bölgədə külək günorta saatlarından şiddətlənib.

23