Охотник, фото из архива

İki yüz nəfərə iki yüz min manatlıq cəza kəsildi

120
(Yenilənib 14:32 10.05.2017)
İnzibati Xətalar Məcəlləsinin 230-cu maddəsinə əsasən fiziki şəxslər 200-500 manat məbləğində, vəzifəli şəxslər 2000-2500 məbləğində, hüquqi şəxslər 5000-7500 məbləğində cərimə edilir

BAKI, 7 may — Sputnik. Ovçuluq və heyvanat aləmi haqqında Azərbaycan Respublikası qanunlarının tələblərinə əməl olunması vəziyyətinin araşdırılması məqsədilə Ekologiya və Təbii Sərvətlər Nazirliyinin (ETSN) ətraf mühitin mühafizəsinə dövlət nəzarəti həyata keçirən qurumlarının əməkdaşları tərəfindən ölkə ərazisində mütəmadi olaraq reydlər keçirilir. Ötən il keçirilən reydlər zamanı ümumilikdə 229 qanunsuz ov edən yerli və əcnəbi vətəndaş saxlanılıb.

Ekologiya və Təbii Sərvətlər Nazirliyi Ətraf mühitin mühafizəsi departamentinin sektor müdiri Raqub Mirzəyev Sputnik Azərbaycan-a açıqlamasında bildirib ki, həmin vətəndaşlardan ümumilikdə 193 ov tüfəngi, 632 patron, 44 qanunsuz ovlanmış quş və heyvan götürülüb, faktla bağlı 200 nəfər 193317 manat məbləğində inzibati qaydada cərimə edilib. 29 nəfərin şəxsiyyətinin müəyyənləşdirilməsi üçün isə yerli rayon polis şöbələrinə müraciət edilib. Həmin şəxslərin şəxsiyyətləri müəyyənləşdirildikdən sonra onlar barəsində qanunvericiliyə uyğun olaraq tədbirlər görülüb.

"Eyni zamanda, Beyləqan, İmişli, Hacıqabul, Biləsuvar, Xızı, Xaçmaz və Quba inzibati rayonları ərazisində və Ağgöl Milli Parkında qadağan olunmuş alətlərlə (tələ, cələ, ilgək) qanunsuz ov edən 16 əcnəbi, o cümlədən BƏƏ, Türkiyə Respublikası, Pakistan, İraq və Suriya vətəndaşları da saxlanılıb. Onlar ölkədən deportasiya edilib və gələcəkdə Azərbaycan Respublikası ərazisinə buraxılmaması üçün Dövlət Miqrasiya Xidmətinə məktub göndərilib" — Mirzəyev bildirib.

Sektor müdirinin sözlərinə görə, 2017-ci ilin yanvar-mart ayları ərzində çöl quşlarının qanunsuz ovlanması və satılması hallarının qarşısının alınması məqsədilə keçirilən reydlər zamanı 65 vətəndaş saxlanılıb. Onlardan 61 ov tüfəngi, 147 patron, qanunsuz ovlanmış 11 baş quş və 4 baş heyvan götürülüb.

"İnzibati Xəta törətmiş, qanun pozmuş şəxslər haqqında protokol tərtib edilib, 56 nəfərə 58136 manat məbləğində cərimə yazılıb və iddia qaldırılıb. 9 fakt üzrə isə qanun pozuntuları üzrə şəxsiyyətlərini müəyyən edilməsi üzrə adiyyatı polis orqanlarına müraciət edilib" — ETSN rəsmisi vurğulayıb.

Bununla yanaşı, Nazirliyin əməkdaşları tərəfindən aprel ayında keçirilən reydlər zamanı Ağstafa rayonu "Yaşıl göl" İstirahət Mərkəzində bir baş qonur ayının, Xaçmaz rayonu "Çənlibel" istirahət mərkəzində iki baş Dağıstan turu və Fizuli rayonunun "Qarabağ" istirahət mərkəzində iki baş qonur ayının və 3 baş ceyranın qeyri-qanuni şəkildə təbiətdən götürülərək, qeyri-sərbəst şəkildə qəfəslərdə saxlanılması aşkar edilib. Faktlar üzrə həmin istirahət mərkəzlərinin sahibləri haqqında protokollar tərtib edilib və hər biri inzibati qaydada 500 manat cərimə edilib. İstirahət mərkəzlərində qanunsuz saxlanılan heyvanlar götürülərək Altıağac Milli Parkının nəzdindəki vəhşi təbiətin bərpası və reabilitasiyası mərkəzinə təhvil verilib. R. Mirzəyevin sözlərinə görə, bu il hələ ki, qanunsuz ov edənlər arasında əcnəbilər qeydə alınmayıb.

Qeyd edək ki, qanunsuz ov edən şəxslər İnzibati Xətalar Məcəlləsinin 272.3-cü maddəsinə əsasən 1000-2000 manat məbləğində inzibati qaydada cərimə edilir. Qanunsuz olaraq ov edilmiş quşa, heyvana görə onlara iddialar qaldırılır. Qanunvericiliyə uyğun olaraq icazə sənədi olmadan heyvan və quşun götürülərək, istirahət mərkəzlərində qeyri-sərbəst şəkildə saxlanılmasına görə, İnzibati Xətalar Məcəlləsinin 230-cu maddəsinə əsasən fiziki şəxslər 200-500 manat məbləğində, vəzifəli şəxslər 2000-2500 məbləğində, hüquqi şəxslər 5000-7500 məbləğində cərimə edilir.

120
Teqlər:
Ov, Ekologiya və Təbii Sərvətlər Nazirliyi, Raqub Mirzəyev, Beyləqan, Xaçmaz, İmişli
Əlaqədar
Heyvan ovlamağa çıxmışdı, özünü vurdu
Timsah ovunun faciəli sonu
Görün, siçanı ovlamaq istəyən pişiyin başına nə gəldi
Prezident ova çıxdı
Azərbaycanda qanunsuz ov edən daha iki ərəb saxlanıldı
Yolçuları ovsunlayan balaca tacirlər
 Azərbaycana yeni gətirilən təcili tibbi yardım avtomobilləri

Bir təpiklə can aldı

6
(Yenilənib 19:42 21.10.2020)
Faktla bağlı Tovuz rayon Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

BAKI, 21 oktyabr — Sputnik. Tovuz rayon sakini Həsənov Aqil Ələkbər oğlunun "nazik bağırsağın zədələnməsi" diaqnozu ilə 18 oktyabr 2020-ci il tarixdə Tovuz rayon mərkəzi xəstəxanasına daxil olması, oktyabrın 20-də isə ölməsi barədə rayon prokurorluğuna məlumat daxil olub.

Sputnik Azərbaycan Tovuz rayon Prokurorluğunun məlumatına istinadla xəbər verir ki, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış araşdırmalarla hadisənin zərərçəkmişin tanışı Hüseynov Bahadur Cəfər oğlu tərəfindən şəxsi münasibətlər zəminində aralarında yaranmış mübahisə zamanı Aqil Həsənovun qarın nahiyəsinə təpiklə zərbə vurularaq törədilməsinə əsaslı şübhələr müəyyən edilib.

Faktla bağlı Tovuz rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

İş üzrə hadisənin şahidləri müəyyənləşdirilərək dindirilmiş, müvafiq ekspertizalar təyin edilib.

Bahadur Hüseynov şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir.

6
Tüfəng, arxiv şəkli

Ağcabədi sakini qardaşı oğlunu güllələdi

34
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

34
Lampa, arxiv şəkli

İşğaldan azad edilən rayonlarda tezliklə öz işığımız yanacaq

0
(Yenilənib 20:15 21.10.2020)
Hazırda “Azərenerji” və “Azərişıq” bütün personalı ilə cənab Prezident, Ali Baş Komandan İlham Əliyevin “işə başlayın” əmrini gözləyir

BAKI, 21 oktyabr — Sputnik. “Azərenerji” Açıq Səhmdar Cəmiyyəti işğaldan azad edilən və ediləcək rayonlarımızda yeni 110 kV-luq sistem əhəmiyyətli yarımstansiyaların tikilməsi və quraşdırılması, ikidövrəli yüksək gərginlikli 110 kV-luq elektrik xətlərinin çəkilməsi ilə bağlı layihələndirmə işini tamamlamaqdadır.

İlkin olaraq Füzuli, Cəbrayıl, Zəngilan və Qubadlı rayonlarının hər birində 110 kV-luq sistem əhəmiyyətli 4 yarımstansiyanın tikilməsi və onların arasında 110 kV-luq elektrik xətlərinin çəkilməsi nəzərdə tutulub. "Azərişıq" Açıq Səhmdar Cəmiyyətindən Sputnik Azərbaycan-a verilən xəbərə görə, paralel olaraq “Azərişıq” ASC-də 35 kV-luq yarımstansiyaların tikilməsi ilə bağlı əlaqəli layihələndirmə işləri aparılır. Tikiləcək yarımstansiya və xətlər üçün avadanlıqlarla təchizat və başqa sahələr üzrə işlər görülür. Yarımstansiyalarda, o cümlədən yüksək gərginlikli xətlərdə işlərin ilkin olaraq sürətlə görülməsi və bundan sonra şəhərsalma işləri aparılan zaman paylayıcı elektrik şəbəkəsinin yaradılması planlaşdırılır. Ümumilikdə isə yuxarıda göstərilən 4 rayondan başqa işğaldan azad ediləcək bütün ərazilərimizdəki rayonların elektrik enerji təchizatının qurulması və mövcudların yenilənməsi üçün layihələndirilmə işləri ən sürətli şəkildə aparılır. Məqsəd işğaldan azad edilən rayon və kəndləri ən qısa vaxtda elektrik enerjisi ilə təmin etməkdir. Beləliklə, işğaldan azad edilən rayonlarımızda tezliklə öz işığımız yanacaq.

Hazırda “Azərenerji” və “Azərişıq” bütün personalı ilə cənab Prezident, Ali Baş Komandan İlham Əliyevin “işə başlayın” əmrini gözləyir.

0