Porsche Cayenne Magnum markalı, 99 BS 999 dövlət nömrə nişanlı avtomobil

Bakıda biznesmenin oğlu adam öldürdü, amma mühakimə olunmayacaq

836
(Yenilənib 17:56 04.05.2017)
Qəza baş verən vaxt avtomobilin sükanı arxasında biznesmen və gecə klublarının sahibi Füzuli Fərəcovun həddi-buluğa çatmamış, 2001-ci il təvəllüdlü oğlu Ağaəli Fərəcli olub

BAKI, 4 may — Sputnik. Ötən gün saat 17:30 radələrində Bakının Sabunçu rayonunun Bakıxanov qəsəbəsi ərazisində ölümlə nəticələnən yol-nəqliyyat hadisəsi baş verib. Qəmbərov küçəsindəki 15 nömrəli binanın yaxınlığında "Porsche Cayenne Magnum" markalı, 99 BS 999 dövlət nömrə nişanlı avtomobil 25 yaşlı qızı vurub və hadisə yerindən qaçıb gizlənib. Qız 3 saylı Şəhər Kliniki Xəstəxanasına çatdırılsa da, qısa zamanda keçinib. 

Bu barədə Sputnik Azərbaycan-a Sabunçu rayon Polis İdarəsindən məlumat verilib. İlkin araşdırmalar zamanı ölən adamın şəxsiyyəti müəyyənləşdirilib. O, 1992-ci il təvəllüdlü Gürcüstan vətəndaşı Məmmədova Xəyalə Ənvər qızıdır.

Məlum olub ki, qəza baş verən vaxt avtomobilin sükanı arxasında biznesmen və gecə klublarının sahibi Füzuli Fərəcovun həddi-buluğa çatmamış, 2001-ci il təvəllüdlü oğlu Ağaəli Fərəcli olub. Təbii ki, Fərəclinin sürücülük hüququ yoxdur.

Polisdən bildiriblər ki, maşın yeniyetmənin atasının adınadır. Fərəcli həddi-buluğa çatmadığı üçün cinayət məsuliyyətinə cəlb edilməyəcək. İşin materialları araşdırma üçün DİN-in ali istintaq orqanına göndərilib.

Velosiped
© Photo : PUBLIC DOMAIN

Qeyd edək ki, hadisə ilə əlaqədar olaraq AR Cinayət Məcəlləsinin iki maddəsi ilə (avtonəqliyyat vasitəsinin istismarı qaydalarının pozulması və yol-nəqliyyat hadisəsi yerindən qaçma) cinayət içi açılıb. Məlumatlara görə, Füzuli Fərəcov Mohito və Parаdize gecə klublarının sahibidir. O, əvvəllər Bakıxanov qəsəbəsindəki ''Badu kubə'' restoranının sahibi olub. Sonradan həmin restoranı sataraq adı çəkilən gecə klublarını və Novxanıdakı ''Kalyon'' restoranını tikdirib.

Bir müddət əvvəl mediada onun adı sözügedən obyektlərin tikintisində və təmirində çalışan işçilərin əməkhaqqını verməkdən imtina etməkdə hallanmışdı. Ağəli Fərəcovun törətdiyi qəzada həyatını itirən Xəyalə Məmmədova isə 2 uşaq anası olub və paytaxtdakı gözəllik salonlarından birində işləyib. Fərəcovun gənc qadının ölümünə səbəb olan avtomobilinin satış qiyməti 200 min manatdan başlayır.

836
Teqlər:
Qəza, Sabunçu rayon Polis İdarəsi, Ağaəli Fərəcli, Füzuli Fərəcov, Məmmədova Xəyalə, Bakıxanov qəsəbəsi, Sabunçu rayonu, Bakı
Əlaqədar
Azərbaycanda daha bir avtobus qəzası
Rus hərbi gəmisi Türkiyə sahillərində qəzaya uğradı
Velosipedçi qəzada öldü
Yenə məktəbli avtobusu, yenə qəza
Çingiz Rəsulzadə, arxiv şəkli

Azərbaycanlı rejissor bağ evində vəfat edib

944
(Yenilənib 14:57 22.06.2021)
İcraçı direktorun sözlərinə görə, mərhum bağ evlərində tək evində yaşayırmış. Onun hansı səbəbdən vəfat etdiyi hələlik məlum deyil. O, Ç.Rəsulzadənin bu gün Şağan qəsəbəsində yerləşən qəbiristanlıqda dəfn ediləcəyini deyib.

BAKI, 22 iyun — Sputnik. Kinorejissor, dramaturq Çingiz Rəsulzadə vəfat edib. Bu barədə Sputnik Azərbaycan-a "ButaFilm"in icraçı direktoru Vidadi Rüstəmov məlumat verib. İcraçı direktorun sözlərinə görə, mərhum bağ evlərində tək evində yaşayırmış. Onun hansı səbəbdən vəfat etdiyi hələlik məlum deyil.

O, Ç.Rəsulzadənin bu gün Şağan qəsəbəsində yerləşən qəbiristanlıqda dəfn ediləcəyini deyib.

Məlumat üçün bildirək ki, Ç.Rəsulzadə Bakıda anadan olub. Ə.Əzimzadə adına Azərbaycan Dövlət Rəssamlıq Texnikumunda (1992), Azərbaycan Dövlət Mədəniyyət və İncəsənət Universitetinin qrafik-rəssam ixtisasında, Ümumrusiya Dövlət Kinematoqrafiya İnstitutunun kinorejissorluq ixtisasında (A.Eşpay, S.Miroşniçenko və V.Fençenkonun kursu) təhsil alıb.

Rusiya istehsalı olan "Həyat haqqında mimlər" (2002) qısametrajlı bədii filminin və "Jestlər.. Barışıq" (2005) sənədli filminin rejissoru və ssenari müəllifi, "İkinci" qısametrajlı bədii filminin ssenari müəllifi, o cümlədən "Kuklalar" (2009) filminin quruluşçu rejissorudur.

944
Bakıda tozlu hava, arxiv şəkli

Havada toz dumanı qədər vaxta qədər davam edəcək? Rəsmi

9
(Yenilənib 13:48 22.06.2021)
Artıq üçüncü gündür ki, havada toz dumanı müşahidə olunur. Bu havanın həftə sonuna qədər davam edəcəyi açıqlanıb.

BAKI, 22 iyun — Sputnik. Bakıda və Abşeron yarımadasında anomal isti, günün bəzi saatlarında durğun hava şəraiti, cənub-şərq istiqamətli küləklərin üstünlük təşkil etməsi ölkə ərazisinə transsərhəd daxil olmuş toz dumanının havada uzun müddət qalmasına səbəb olub. Milli Hidrometeorologiya Xidmətindən Sputnik Azərbaycan-a verilən məlumata görə, toz dumanının meteoroloji şəraitdən asılı olaraq həftənin sonuna qədər davam edəcəyi proqnozlaşdırılır.

Avtomatik stansiyalardan əldə edilən məlumatlara əsasən, Bakı şəhərində dispers toz hissəciklərinin konsentrasiyası normadan 1.7, azot 4-oksid isə 3.3 dəfə yüksək qeydə alınıb.

Qeyd edək ki, iyunun 20-i səhər saatlarından başlayaraq, Bakı və Abşeron yarımadasında cənub-şərq istiqamətli hava kütlələri vasitəsilə ölkəmizə daxil olan toz-dumanı müşahidə olunur. Milli Hidrometeorologiya Xidməti belə tozlu havanın iki gün ərzində davam edəcəyinin gözlənildiyini açıqlamışdı.

9
Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı

Vüsal Qasımlı: “Rusiya hər üç Cənubi Qafqaz ölkəsi üçün əsas ticarət partnyorudur”

0
(Yenilənib 16:46 22.06.2021)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyir ki, “3+3” formatında ölkələrin ümumi iqtisadiyyatı 3 trilyon dollara yaxındır
Vüsal Qasımlı: “Yeni format iqtisadi baxımdan böyük potensial vəd edir”

““3+3” formatı ölkələrinin kəsişmə coğrafiyası Cənubi Qafqaz, kənar həlqəsi isə Rusiya, Türkiyə və İrandır”. Sputnik Azərbaycan xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

O bildirib ki, Azərbaycan Cənubi Qafqazın siyasi, iqtisadi və hərbi cəhətdən lideri olmaqla bu formatın həm özəyində, həm də kənar həlqəsində həlledici mövqeyə malikdir: “Azərbaycan Qarabağ konfliktini uğurla həll etməklə, Cənubi Qafqazda sülh, təhlükəsizlik və inkişaf üçün zəmin hazırlayıb və “3+3” formatına əsaslar yaradıb.  “3+3” formatında ölkələrin ümumi iqtisadiyyatı 3 trilyon dollara yaxındır ki, bu da ABŞ, Çin, Yaponiya və Almaniyadan sonra dünyanın 5-ci ən böyük iqtisadiyyatı deməkdir: Bu miqyaslar onu göstərir ki, yeni format təkcə siyasi və təhlükəsizlik deyil, həm də iqtisadi baxımdan böyük potensial vəd edir. Cənubi Qafqaz ölkələri Avropa İttifaqı ilə Avrasiya İttifaqı bazarlarına oriyentasiya götürüblər, amma regional identiklik zəifdir. Hansı ki, regional ticarətin inkişafı da iqtisadi artım üçün əsaslar yarada bilər. Rusiya hər üç Cənubi Qafqaz ölkəsi üçün əsas ticarət partnyorudur, Gürcüstan və Azərbaycan üçün ikinci ən böyük ticarət partnyoru Türkiyədir. “3+3” formatı təkcə Cənubi Qafqazda regional ticarətə deyil, həm də Türkiyə, Rusiya və İranın da öz aralarında ticarət həcminə təsir göstərə bilər”.

Vüsal Qasımlının fikirlərinə audiofaylda qulaq asa bilərsiniz

 

0