İntihar

Məktəbli intiharının təfərrüatları üzə çıxdı

513
Hələ nəfəsi üstündə olan məktəblini xəstəxanaya çatdırsalar da, bir gün sonra keçinib

Leyla Abdullayeva, Sputnik Azərbaycan

BAKI, 2 may — Sputnik. Dünən günorta radələrində Xızı rayonunun Sitalçay kəndində 14 yaşlı məktəbli özünə qəsd edib. Sputnik Azərbaycan-ın bölgə müxbirinə verilən xəbərə görə, 2003-cü il təvəllüdlü Rüfət Bayramov özünü yaşadığı evin həyətindəki tövlədə asıb.

Ailə üzvləri onu Sumqayıt Şəhər Xəstəxanasına çatdırsalar da, məktəblinin həyatını xilas etmək mümkün olmayıb. O, gecə saatlarında xəstəxanada dünyasını dəyişib. Xızı Rayon Prokurorluğu faktı təsdiqləyib, qurumdan hadisə ilə bağlı cinayət işi açıldığı bildirilib.

Hadisənin bəzi təfərrüatları məlum olub. Yerli sakinlərin sözlərinə görə, Rüfət yaxşı oxuyan şagird olub. Onun təhsili və tərbiyəsində heç bir problem olmayıb. Ötən həftənin beşinci günü — aprelin 28-də dərsdə olub.

Sakinlərin dediklərinə görə, 14 yaşlı məktəblinin valideynləri boşanıblar. Atası Şuraabad kəndində yaşayır. Rüfət qardaşı ilə birlikdə anasının yanında yaşasa da, atasının da yanına gedib-gəlirmiş.

Hadisə baş verən gün Rüfət 4-cü sinifdə oxuyan qardaşı ilə evdə olub. Birdən qardaşına "mən getdim" deyib və iplə özünü tövlədə asıb. Bir azdan onu asılmış görən qardaşı qorxaraq qonşulara xəbər verib.

Hadisə vaxtı anası yas yerində olub. Hələ nəfəsi üstündə olan, xırıldayan məktəblini Sumqayıt Şəhər Xəstəxanasına çatdırsalar da, 1 gün sonra yeniyetmə keçinib.

Onun özünü asmasına ilkin olaraq ailələrində yaşanan gərginliyin səbəb olduğu ehtimal edilir. Bütün bu ehtimallara, Xızı Rayon Prokurorluğunda özünü öldürmə həddinə çatdırma maddəsi ilə açılan cinayət işinin yekununda cavab veriləcək.

513
Teqlər:
Sumqayıt Şəhər Xəstəxanası, Rüfət Bayramov, Sitalçay kəndi, Xızı rayonu, məktəbli, şagird, ana, ata
Əlaqədar
İntiharla bağlı rəsmi məlumat yayıldı
Mehman Qələndərovun intiharı ilə bağlı cinayət işi başlanıb
Qadını intihar həddinə çatdıran şəxs tutuldu
Uşaq intiharlarına dair həyacan təbili: sərt qadağa təklif olunur
Bakıda bir sutkada üç intihar baş verib
Axundun bacısı niyə intihar etdi?
Borca görə intihar etdi
 Yevlaxda üzərinə ağac aşan “Ford” markalı yük avtomobili

Yevlaxda körpüyə girməyə hazırlaşan avtomobilin üzərinə ağac aşdı

22
(Yenilənib 20:38 15.01.2021)
Təbiətin şıltaqlığı bu gün Yevlax şəhərində az qala insanların xəsarət alması ilə nəticələnə bilərmiş.

Rahim Məmmədov, Sputnik Azərbaycan

BAKI, 15 yanvar — Sputnik. Günorta saatlarında güclənən külək Yevlaxda iki iri gövdəli qovaq ağacını aşırıb. Təbiət hadisəsi zamanı ağaclardan biri yük avtomobilin üzərinə düşüb. Sputnik Azərbaycan xəbər verir ki, hadisə Yevlax rayonu ərazisində, Kür çayının üzərində yerləşən körpünün yaxınlığında qeydə alınıb.

© Sputnik / Rahim Mammadov
Yevlax rayon sakini Vüsal Ələkbərov

Rayon sakini Vüsal Ələkbərov idarə etdiyi “Ford” markalı yük avtomobili ilə körpüyə daxil olmaq üçün növbə gözləyən zaman quru ağac onun avtomobilinin üzərinə aşıb. Hadisə zamanı sürücü və yanında olan sərnişin xəsarət almasa da avtomobilə ciddi ziyan dəyib. Sürücü hadisənin qəfildən baş verdiyini, maşını hərəkətə gətirməyə çalışan zaman artıq ağacın düşdüyünü bildirib:

© Sputnik / Rahim Mammadov
Yevlaxda üzərinə ağac aşan “Ford” markalı yük avtomobili

“Xaldan qəsəbəsindən gəlirdim. Körpüyə çatanda qarşıdan gələn maşın gördüm, ona görə körpüdən bir az aralı dayandım. Bərk külək əsirdi, qəfildən quru ağac maşının üstünə düşdü. Ön şüşəni sındırdı, maşının üstünü əzdi. Şüşə qırıqları içəri tökülüdü. Yaxşı ki, hələ özümüzə heç nə olmadı”.

Qeyd edək ki, bölgədə külək günorta saatlarından şiddətlənib.

22
Охотничья винтовка типа Винчестер, архивное фото

Ata oğlunu güllələyib: "Onu öldürmək fikrim olmayıb"

31
(Yenilənib 14:24 15.01.2021)
Vaqona dəydikdən sonra güllənin qırmalarından bir neçəsi Ürfana dəyib. 37 yaşlı Ürfan Məmmədov sol göz nahiyyəsindən xəsarət alıb.

Leyla Abdullayeva, Sputnik Azərbaycan

BAKI, 15 yanvar — Sputnik. Ata ilə oğul arasında mübahisə güllələnməyə səbəb oldu. Hadisə Şabran rayonunun Pirəmsən kəndində baş verib.

Kənd sakini Teyyub Məmmədovla oğlu Ürfan Məmmədov arasında mübahisə baş verib. Oğlu ilə mübahisə edən Teyyub Məmmədov onu qorxutmaq məqsədilə özündəki tüfənglə həyətdəki vaqona atəş açıb.

Vaqona dəydikdən sonra güllənin qırmalarından bir neçəsi Ürfana dəyib. 37 yaşlı Ürfan Məmmədov sol göz nahiyyəsindən xəsarət alıb. Yaralı dərhal Şabran rayon Mərkəzi Xəstəxanasına aparılıb və ona ilk tibbi yardım edilib.

Ürfan Məmmədov vəziyyətinin stabil olduğu deyilir. Polis əməkdaşları tərəfindən saxlanılan Teyyub Məmmədov isə polis şöbəsinə aparılıb. Hadisənin təfərrüatları araşdırılır. Ata ilkin olaraq oğlunu öldürmək üçün deyil, qorxutmaq üçün güllə atdığını deyib.

31
Gözəllik salonu, arxiv şəkli

Bu sahələrin fəaliyyətinə yanvarın 25-dən icazə veriləcək

0
Ancaq xəbərdarlıq da var: Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır

BAKI, 16 yanvar — Sputnik. Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb. Sputnik Azərbaycan 2021-ci il 25 yanvar saat 00:00-dan etibarən ölkə ərazisində fəaliyyətinə icazə verilən iş və xidmətlərin siyahısını təqdim edir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar