Bronx Marshalls mağazası

ABŞ-da Azərbaycanla bağlı diplomatik qalmaqal

351
(Yenilənib 15:13 27.04.2017)
Xanım Cəbrayılova hadisəni şərh etməkdən imtina etsə də, onun həyat yoldaşı Fərid Cəbrayılov yayılan xəbərin doğru olmadığını deyib

BAKI, 27 aprel — Sputnik. Azərbaycanın BMT-dəki daimi nümayəndəliyinin birinci katibi Fərid Cəbrayılovun həyat yoldaşı, 29 yaşlı Mehriban Cəbrayılova ABŞ-da mağazadan oğurluq etməkdə ittiham olunur. Sputnik Azərbaycan bu barədə "Daily News"-a istinadən xəbər verir.

O, uşaq arabasına qoyduğu 189 dollarlıq malın ödənişini etmədən mağazadan çıxmağa çalışıb. Mühafizəçi onu saxladıqda isə Cəbrayılova diplomatik toxunulmazlığı olduğunu bildirib.

Bundan sonra Mehriban Cəbrayılova buraxılıb. Bununla bağlı Dövlət Departamentinə məlumat verilib. Belə ki, bu kimi hallarda həmin şəxslərin diplomatik toxunulmazlığı ləğv edilə və haqlarında cinayət işi açıla bilər. Adətən cinayət işinin daha ağır cinayətlər üçün açıldığı da vurğulanır.

Xanım Cəbrayılova hadisəni şərh etməkdən imtina etsə də, onun həyat yoldaşı Fərid Cəbrayılov, ABŞ mətbuatına açıqlamasında deyib ki, onun arvadının saxlanılması barədə yayılan xəbər doğru deyil.

351
Teqlər:
Mehriban Cəbrayılova, Fərid Cəbrayılov, birinci katib, diplomat, BMT, Azərbaycan
Əlaqədar
İsrail ilə Almaniya arasında diplomatik qalmaqal
ABŞ rusiyalı diplomatın ölüm səbəbini açıqlamayacaq
Daha bir rusiyalı diplomat həyatını itirib
Dünyada diplomatik nümayəndəliklər necə qorunur?
35 rusiyalı diplomat ABŞ-dan qovulur