İlham Mustafa, Sputnik Azərbaycan
BAKI, 25 aprel — Sputnik. Bu gün Qazax Rayon Məhkəməsində baş tutan mülki məhkəmə prosesi zamanı ölüm hadisəsi baş verib. Sputnik Azərbaycan-ın bölgə müxbiri xəbər verir ki, məhkəmədə nümayəndə qismində iştirak edən, Qazax rayon Xanlıqlar kənd sakini, 72 yaşlı Cəbrayıl Alməmmədov ifadə verərkən ürək tutmasından yıxılıb.
Şahidlərin bildirdiyinə görə, yıxılan şəxsə məhkəmənin hakimi Qurban Abbasov tərəfindən ilkin tibbi yardım göstərilsə də, onun həyatını qurtarmaq mümkün olmayıb.
