Külək

Təbiət daha bir bölgəmizə amansız üzünü göstərdi

3004
(Yenilənib 18:17 24.04.2017)
Küləyin sürəti o qədər güclü olub ki, bir neçə yaşayış evinin damı uçub, həyətlərdəki avtomobillərə ziyan dəyib

Leyla Abdullayeva, Sputnik Azərbaycan

BAKI, 24 aprel — Sputnik. Dünən axşamdan etibarən başlayan güclü külək Azərbaycanın şimal rayonlarında ciddi fəsadlar törədib. Sputnik Azərbaycan-ın bölgə müxbiri xəbər verir ki, Quba rayonunda, Şabran rayonunun Zeyvə kəndinə, Kənd Dəvəçi qəsəbəsində, eləcə də Qusarın bir neçə kəndində ağaclar qırılaraq yollarda maşınların gediş-gəlişini çətinləşdirib.

Şimal-qərb bölgəsində müşahidə olunan güclü yağış və külək iri ağacların gövdəsini yarıdan qoparıb
© Sputnik / Shahperi Abbasova
Şimal-qərb bölgəsində müşahidə olunan güclü yağış və külək iri ağacların gövdəsini yarıdan qoparıb

Habelə, bölgədə elektrik enerjisinin verilməsində uzun fasilələr yaranıb. İnternet əlaqəsi kəsilib. Sakinlər güclü küləyin kənd təsərrüfatına da ciddi ziyan vurduğunu bildiriblər.

Küləyin sürəti o qədər güclü olub ki, bir neçə yaşayış evinin damı uçub, həyətlərdəki avtomobillərə ziyan dəyib. Hazırda bölgədə güclü külək əsməkdə davam edir.

3004
Teqlər:
şimal rayonları, ziyan, fəsad, Azərbaycan, külək
Əlaqədar
Güclü külək qərb bölgəsində fəsadlar törədib
Güclü külək bölgələrdə fəsadlar törədib
Güclü külək 10-a yaxın maşına ziyan vurub
Yazda qış havası: qar, şaxta, külək
Hava küləkli olacaq

Təhsil şöbəsinin müdiri iki gündür xəstəxanadadır

49
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

49
 Xəstəxana, arxiv şəkli

Xaçmazda qətl, döyülən qadın xəstəxanada öldü

65
(Yenilənib 14:57 11.08.2020)
İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

BAKI, 11 avqust — Sputnik. Dünən günorta saatlarında Xaçmaz rayonu ərazisində Raisa Rəşidovanın aldığı bədən xəsarətləri nəticəsində xəstəxanada ölməsi barədə məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xaçmaz rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Rəşad Rəşidov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri həyata keçirilir.

65
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0