Post Patrul Xidmətinin avtomobilləri, arxiv şəkli

Bakıda bir sutkada üç intihar baş verib

82
36-49 yaşlı kişilər özlərinə qəsd edərkən, intiharın ənənəvi üsullarını seçiblər

BAKI, 18 apr – Sputnik. Bahar fəsli öz xarakterini göstərməyə başlayıb. Bakıda bir sutka ərzində üç intihar hadisəsi baş verib. 

Bu barədə Sputnik Azərbaycan-a Bakı şəhər Baş Polis İdarəsindən məlumat verilib.  

Sabunçu rayonunun Maştağa qəsəbəsinin sakini, 1968-ci il təvəllüdlü Babayev Kamal Aslan oğlu özünü öldürüb. Kişi özünü Şəfi küçəsində, qardaşının evinin yaxınlığındakı ərzaq dükanının pəncərəsinin dəmir barmaqlığından asıb. Babayevin cəsədi saat 18:20-də aşkar edilib. İlkin məlumata görə, Babayevin ürəyi xəstə olub və o, həddindən artıq alkoqollu içki içirmiş. 

Maştağa qəsəbəsində digər bir intihar isə saat 23:20-də baş verib. Nəriman Nərimanov küçəsindəki 29 nömrəli evin zirzəmisindən 1989-cu il təvəllüdlü ev sahibi Derenov Vyaçeslav Vladimiroviçin cəsədi tapılıb. Kişi özünü kəndirin köməyi ilə asıb. Rayon prokurorluğu intiharın səbəblərini araşdırır. 

Üçüncü intihar hadisəsi Xətai rayonunun Zığ qəsəbəsində qeydə alınıb. Üç uşaq atası, 1977-ci il təvəllüdlü Hacıyev Emil Qismət oğlu özünü doqquzmərtəbəli yaşayış binasının altıncı mərtəbəsindən atıb. İlkin məlumatlara görə, o, psixi çatışmazlıqdan əziyyət çəkirmiş və ehtimal var ki, intihara səbəb də elə bu olub. 

Qeyd edək ki, bu aprel ayı ərzində paytaxtda 20-dən çox intihar qeydə alınıb. 

82
Teqlər:
Bakıda intihar, Bakı şəhər Baş Polis İdarəsi, Hacıyev Emil, Derenov Vyaçeslav, Babayev Kamal, Zığ qəsəbəsi, Maştağa qəsəbəsi, Xətai rayonu, Sabunçu rayonu
Əlaqədar
Axundun bacısı niyə intihar etdi?
Borca görə intihar etdi
Xaçmazda qeyri-adi intihar
Qızının ölümündə özünü günahkar bilən ata intihar etdi

Baş prokurorluq sabiq daxili işlər nazirinin həbsini təsdiqlədi

27
(Yenilənib 12:00 09.03.2021)
Mətbuatda Ə.Əhmədovun mənimsəmədə təqsirləndirilərək saxlanılması və onun barəsində məhkəmənin qərarı ilə həbs qətimkan tədbiri seçilməsi ilə bağlı məlumatlar yayılıb.

BAKI, 9 mart - Sputnik. Baş Prokurorluq Naxçıvan Muxtar Respublikasının sabiq daxili işlər naziri, general-leytenant Əhməd Əhmədovun həbs edilməsi ilə bağlı xəbərlərə münasibət bildirib.

Sputnik Azərbaycan-ın məlumatına görə, Baş Prokurorluğun mətbuat xidmətindən APA-nın sorğusuna cavab olaraq bildirib ki, Ə. Əhmədovun həbs edilməsi ilə bağlı yayılan məlumatlar doğrudur.

Xatırladaq ki, mətbuatda Ə.Əhmədovun mənimsəmədə təqsirləndirilərək saxlanılması və onun barəsində məhkəmənin qərarı ilə həbs qətimkan tədbiri seçilməsi ilə bağlı məlumatlar yayılıb.

Qeyd edək ki, Ə. Əhmədov 2017-ci ildə tutduğu vəzifədən azad edilib.

27
Qəza, arxiv şəkli

Yağış Xətai rayonunda avtomobil qəzasına səbəb oldu

7
(Yenilənib 00:52 09.03.2021)
Sürətlə hərəkət edən “Maserati” markalı avtomobilin sürücüsü idarəetməni itirərək prospektdə yerləşən parkın kənarındakı səkiyə çırpılıb.

BAKI, 9 mart - Sputnik. Bu gecə Bakıya yağan yağış yol qəzasına səbəb olub.

“Report”un məlumatına görə, hadisə Xətai rayonunun Xocalı prospektində qeydə alınıb.

Belə ki, sürətlə hərəkət edən “Maserati” markalı avtomobilin sürücüsü idarəetməni itirərək prospektdə yerləşən parkın kənarındakı səkiyə çırpılıb.

Zərbənin gücündən nəqliyyat vasitəsinə ciddi ziyan dəyib.

Hadisə yerinə Dövlət Yol Polisi və əraziyə təhkim edilən Post Patrul Xidmətinin əməkdaşları cəlb olunub.

Qəza ilə bağlı araşdırma aparılır.

7

cür qənaət edirsiniz?

0
0