Beton qarışdıran maşın

Paytaxtda tükürpədici hadisə baş verdi

8013
(Yenilənib 15:28 01.03.2017)
Sürücü işləməkdə olan betonqarışdıran qurğunun içinə düşüb

BAK1 mart — Sputnik. Bakının Qaradağ rayonunun Lökbatan qəsəbəsindəki "Sədərək" Ticarət Mərkəzinin yaxınlığında yerləşən beton zavodunda bədbəxt hadisə baş verib. Qaradağ rayon Polis İdarəsindən Sputnik Azərbaycan-a verilən məlumata görə, hadisə 28 fevral saat 17:10-da olub.

Beton zavodunda sürücü işləyən Bakı şəhər sakini, 1967-ci il təvəllüdlü Hümbətov Nurəddin Yaşar oğlu ehtiyatsızlıq ucbatından, işləməkdə olan betonqarışdıran qurğunun içinə düşüb. Qurğu əvvəlcə işçinin əlini, sonra isə bütövlükdə özünü çəkib.

Faktla bağlı araşdırma aparılır. Qaradağ rayon prokurorluğunda Cinayət Məcəlləsinin 162.2 (əmək mühafizəsi qaydalarını pozma, ehtiyatsızlıqdan insan ölümünə səbəb olma) maddəsi ilə cinayət işi açılıb.

8013
Teqlər:
beton, bədbəxt hadisə, zavod, Qaradağ, Bakı
Əlaqədar
Avtomobili qaçıraraq qəza törətdi
Qadın sürücü ağır qəza törətdi
Sərxoş halda yolu keçmək istədi, qəza qurbanı oldu
Şəmkirdə 4 nəfərin ölümü ilə nəticələnən dəhşətli qəza baş verib
Tüstü, arxiv şəkli

Havanı çirkləndirən sexin sahibi cəzalanıb

1
(Yenilənib 10:58 10.08.2020)
Obyekt sahibinə sexdə təmizləyici qurğunun quraşdırılması üçün icrası məcburi olan "məcburi göstəriş" verilib

BAKI, 10 avqust — Sputnik. Dövlət Ekoloji Təhlükəsizlik Xidmətinin əməkdaşları tərəfindən Beyləqan rayonunun Milabad qəsəbəsində fəaliyyət göstərən istehsal sexindən atmosferə normadan artıq tullantı atıldığı aşkar edilib.

Bu barədə Sputnik Azərbaycan-a Ekologiya və Təbii Sərvətlər Nazirliyindən məlumat verilib.

Bildirilib ki, faktla bağlı sexin sahibi Vüqar Ağalıyev barəsində protokol tərtib edilib və o, 2500 manat məbləğində cərimə olunub. Obyekt sahibinə sexdə təmizləyici qurğunun quraşdırılması üçün icrası məcburi olan "məcburi göstəriş" verilib.

1
Əlaqədar
Xəzəri çirkləndirənlər kimlərdir? Nazirliyin rəsmisi həyəcan təbili çalır
İlin hər fəslində təhlükəylə üz-üzəyik: qapıya asılanı yiyəsi vaxtında aparsa...
Təmizlik və yetmiş milyard dollar - həyata keçsə, yaşadıq
Üzünə həsrət qaldığımız təbiət: Bizə cəllad lazım deyil, özümüz özümüzü məhv edəcəyik
Zibilinizi yığışdırın! Yoxsa özünüz də zibilə düşə bilərsiz
Çətənə kolları, arxiv şəkli

Oğuzda 3 tondan artıq narkotik vasitə məhv edilib

4
Ümumi çəkisi 3180 kiloqram olan 2650 ədəd çətənə kolu polis əməkdaşları tərəfindən kökündən çıxarılıb və yandırılaraq məhv edilib

BAKI, 10 avqust — Sputnik. Oğuz Rayon Polis Şöbəsinin əməkdaşları tərəfindən "Xaş–xaş 2020" əməliyyat-axtarış və profilaktik tədbirlər planına uyğun olaraq keçirilmiş əməliyyat tədbirləri nəticəsində rayonun Bayan kəndi ərazisindəki əkin sahəsində yabanı halda bitən narkotik tərkibli çətənə kolları aşkar edilib.

Sputnik Azərbaycan Daxili İşlər Nazirliyini Mətbuat Xidmətinin Şəki regional qrupundan verilən məlumata istinadla xəbər verir ki, ümumi çəkisi 3180 kiloqram olan 2650 ədəd çətənə kolu polis əməkdaşları tərəfindən kökündən çıxarılıb və yandırılaraq məhv edilib.

Faktla bağlı Oğuz RPŞ-də araşdırma aparılır.

4
Əlaqədar
Videosu "tutmadı", özünü tutdular
Şabran polisi əməliyyat keçirdi: üç rayon sakini saxlanıldı
Azərbaycanda daha bir bəla – 6 ayda 273 yoluxma
Dərman da olarmış! Marixuananın xərçəngi məhv edən növü aşkarlanıb