Qar Qaxda nəqliyyatın hərəkətində çətinlik yaranıb

Şiddətli qar bölgələrdə fəsadlar törətdi

2802
Ölkənin bir sıra bölgələrində elektrik verilməsində problemlər yaranıb, yollar bağlanıb

Rahim Zakiroğlu, Şahpəri Abbasova, Sputnik Azərbaycan

Bazar günündən etibarən Lənkərana yağan güclü qar rayonun enerji təsərrüfatına ciddi ziyan vurub. Belə ki, intensiv yağan qar nəticəsində Lənkəran elektrik şəbəkəsinin 5 saylı işıq xəttində yaranan problemlər səbəbindən şəhərin Füzuli, Seyidəli Kazımbəyov küçəsində, Qalayçılar məhəlləsində elektrik enerjisinin verilməsi dayandırılıb. Bundan başqa Kiçik Bazar, Şəhidlər Xiyabanı ərazilərində yaşayan sakinlər işıqsız qalıblar. Rayon ərazisində yaranan elektrik problemi səbəbindən eləcə də Velədi, Rvo, Girdəni, Separadi kəndləri, Liman qəsəbəsi və bir neçə ucqar dağ kəndlərində sakinlər elektirk enerjisiz qalıb. Yaranan probleminin aradan qaldırılması üçün Lənkəran Elektrik Şəbəkəsinin 5 təmir briqadası cəlb edilib və bu istiqamətdə hələ də işlər aparılır. 

Lənkəran Elektrik Şəbəkənin baş mühəndisi Şamid Bəhrəmovun Sputnik Azərbaycan-a verdiyi məlumata əsasən, hazırda rayon ərazisində elektrik enerjisinin verilişində yaranan problem tam aradan qaldırılıb və elektrik enerjisinin verilməsi bərpa olunub. Qeyd edək ki, yağan qar nəticəsində rayon mərkəzində qarın qalınlığı 15-20sm, ucqar dağ kəndlərində isə 35-40 sm-dir.

  • Lənkərana yağan güclü qar rayonun enerji təsərrüfatına ciddi ziyan vurub
    Lənkərana yağan güclü qar rayonun enerji təsərrüfatına ciddi ziyan vurub
    © Sputnik / Rahim Murad
  • Lənkərana yağan güclü qar rayonun enerji təsərrüfatına ciddi ziyan vurub
    Lənkərana yağan güclü qar rayonun enerji təsərrüfatına ciddi ziyan vurub
    © Sputnik / Rahim Murad
  • Lənkərana yağan güclü qar rayonun enerji təsərrüfatına ciddi ziyan vurub
    Lənkərana yağan güclü qar rayonun enerji təsərrüfatına ciddi ziyan vurub
    © Sputnik / Rahim Murad
  • Lənkərana yağan güclü qar rayonun enerji təsərrüfatına ciddi ziyan vurub
    Lənkərana yağan güclü qar rayonun enerji təsərrüfatına ciddi ziyan vurub
    © Sputnik / Rahim Murad
  • Lənkərana yağan güclü qar rayonun enerji təsərrüfatına ciddi ziyan vurub
    Lənkərana yağan güclü qar rayonun enerji təsərrüfatına ciddi ziyan vurub
    © Sputnik / Rahim Murad
  • Qar Qaxda nəqliyyatın hərəkətində çətinlik yaranıb
    Qar Qaxda nəqliyyatın hərəkətində çətinlik yaranıb
    © Sputnik / Shahperi Abbasova
  • Qar Qaxda nəqliyyatın hərəkətində çətinlik yaranıb
    Qar Qaxda nəqliyyatın hərəkətində çətinlik yaranıb
    © Sputnik / Shahperi Abbasova
  • Qar Qaxda nəqliyyatın hərəkətində çətinlik yaranıb
    Qar Qaxda nəqliyyatın hərəkətində çətinlik yaranıb
    © Sputnik / Shahperi Abbasova
  • Qar Qaxda nəqliyyatın hərəkətində çətinlik yaranıb
    Qar Qaxda nəqliyyatın hərəkətində çətinlik yaranıb
    © Sputnik / Shahperi Abbasova
1 / 9
© Sputnik / Rahim Murad
Lənkərana yağan güclü qar rayonun enerji təsərrüfatına ciddi ziyan vurub

Aramsız yağan qar Qax rayonunda da nəqliyyatın hərəkətində çətinlik yaradıb. Belə ki, Qax şəhərini rayonun kəndləri ilə birləşdirən “dağ yolu” buz bağlayıb. Qax şəhərinə giriş vasitəsi olan bu yolda hərəkət məhdudlaşıb. Bununla yanaşı, rayonun dağ kəndlərində də yolların buz bağlaması avtomobillərin hərəkətinə mane olur. Hava şəraiti ilə əlaqədar kəndlərin çoxunda hazırda elektrik enerjisinin verilməsində fasilə yaranıb. 

Analoji vəziyyət Şimal-Qərb bölgəsinin digər rayonlarından da yan keçməyib.

2802
Teqlər:
Lənkəran Elektrik Şəbəkəsi, Şamid Bəhrəmov, Separadi, Girdəni, Rvo, Qax rayonu, Lənkəran
Əlaqədar
Soyuq hava şəraiti şimal bölgəsini iflic edib
Soyuqdəymə zamanı bu içkilərdən uzaq durun!
Soyuq havada uşağın üzünü şərflə bağlamağın ziyanları

Bakı metrosunda gözlənilməz hadisə: Tunelə tüstü doldu

461
(Yenilənib 09:50 16.06.2021)
Bu gün səhər saatlarında paytaxt metropoliteninin stansiyalarından birinin tunelinə tüstü daxil olub.

BAKI, 16 iyun - Sputnik. Metronun "Əhmədli" stansiyası yaxınlığında şaxtada kabelin giriş sahəsində kabel muftasında qısaqapanma baş verib.

"Bakı Metropoliteni"ndən verilən xəbərə görə, elektrik mühafizəsi dərhal işə düşüb, ehtiyat kabel qoşulub. Ventilyatorlar havanın çıxarılması rejiminə qoşulub və tunelə daxil olmuş tüstü çıxarılıb. Sərnişin təhlükəsizliyi ilə bağlı heç bir problem yaşanmayıb, tənzimləmə məqsədilə qatarların hərəkətində iki dəqiqə vaxt sərf olunub.

Metropolitenin iş rejimində dəyişiklik yoxdur.

461

Qaxda məzun ağır yol qəzası törətdi: ölən yaralananlar var

2337
(Yenilənib 23:29 15.06.2021)
"Daewoo" markalı minik avtomobili, Balakən rayonu istiqamətində hərəkət edən və içi sərnişinlə dolu olan "Mercedes Vito" markalı mikroavtobusla toqquşub.

BAKI, 15 iyun - Sputnik. Qax rayonunda mikroavtobusla minik avtomobili toqquşub, bir nəfər ölüb, on nəfərə yaxın sərnişin isə xəsarət alıb.

Sputnik Azərbaycan xəbər verir ki, hadisə bu gün axşam saatlarında Qax-Qorağan-Zaqatala avtomobil yolunun, rayonun Ləkit kəndi ərazisindən keçən hissəsində qeydə alınıb.

Qax istiqamətində hərəkət edən Ləkit kənd sakini, 2004-cü il təvəllüdlü Cəfərov Cəfər Şamil oğlunun idarə etdiyi 10-KE-722 dövlət qeydiyyat nişanlı "Daewoo" markalı minik avtomobili, Balakən rayonu istiqamətində hərəkət edən 99-VX-849 dövlət qeydiyyat nişanlı "Mercedes Vito" markalı mikroavtobusla toqquşub.

Qəza zamanı minik avtomobilinin 17 yaşlı sürücüsü, orta məktəbdən yenicə məzun olmuş Cəfər Cəfərov ağır xəsarətlə xəstəxanaya aparılarkən yolda ölüb. "Daewoo"dakı digər 3 sərnişinin də məzun olduğu bildirilir.

Mikroavtobusda və minik avtomobilində olan 10-a yaxın sərnişin isə müxtəlif dərəcəli bədən xəsarətləri alıb. Yaralılar Qax Rayon Mərkəzi Xəstəxanasına çatdırılıblar. Hazırda yaralılar müayinə edilir, şəxsiyyətləri dəqiqləşdirilir.
Faktla bağlı araşdırma aparılır.

Bakıda baş verən yol qəzasında isə yeniyetmə xəsarət alıb

Bu gün Bakının Xətai rayonu ərazisində də xəsarətlə nəticələnən yol qəzası olub.

Belə ki, 8 Noyabr prospektində “Mercedes” markalı avtomobil idarəetmədən çıxaraq, beton maneəyə çırpılıb. Qəza zamanı avtomobildə olan sərnişin - 16 yaşlı Məhəmməd Qəribov xəsarət alıb. Yaralının sürücünün oğlu olduğu bildirilir.

Məlumata görə, hadisəyə yüksək sürət səbəb olub. Hadisə yerinə təcili tibbi yardım maşını gəlib.

2337
Qarabağda döyüşən livanlı muzdlu terrorçu Eulcekcian Viken Abrahamın cinayət işi üzrə prosess

Bakıda 14 erməni terrorçunun məhkəməsi başlayır

0
Əfqan Hacıyevin sədrliyi ilə keçiriləcək məhkəmədə təqsirləndirilən şəxslərin anket məlumatları dəqiqləşdiriləcək və cinayət işi məhkəmə baxışına təyin ediləcək.

BAKI, 16 iyun — Sputnik. Bu gün Azərbaycan ərazisində terror-təxribat və digər əməllər törətməkdə təqsirləndirilən erməni silahlı dəstələrinin 14 üzvü - Avakyan Qraç Arzumanoviç, Serobyan Geğam Samveloviç, Baqasyan Armen Yegizari, Qasparyan Qor Vaqramini, Sefilyan Kamo Karenoviç, Hakobyan Volodiya Vaçaqani, Asetryan Gevorq Norairoviç, Yenqoyan Sisak Qrişai, Petrosyan Albert Kamoyeviç, Sedrakyan Romik Misakini, Minasyan Aram Qarnikoviç, Minosyan Mkrtıç Simonoviç, Matesyan Edqar Vaçaqanoviç və Karapetyan Yuri Tiqranoviçin cinayət işi üzrə məhkəmə prosesi başlayır.

Sputnik Azərbaycan xəbər verir ki, proses Bakı Ağır Cinayətlər Məhkəməsində keçiriləcək.

Əfqan Hacıyevin sədrliyi ilə keçiriləcək məhkəmədə təqsirləndirilən şəxslərin anket məlumatları dəqiqləşdiriləcək və cinayət işi məhkəmə baxışına təyin ediləcək.

Xatırladaq ki, 10 noyabr 2020-ci il tarixində Azərbaycan, Rusiya və Ermənistan arasında imzalanmış üçtərəfli bəyanatla atəşkəsin elan olunmasından sonra Azərbaycan Respublikasının ərazisinə qanunsuz olaraq gizli yollarla keçib Xocavənd rayonunun Hadrut qəsəbəsinin şimal-qərb hissəsində meşəlik ərazidə mövqe tutaraq hərbi qulluqçularımıza və mülki şəxslərə qarşı terror-təxribat və digər cinayət əməlləri törədən erməni silahlı dəstələrinin Dövlət Təhlükəsizliyi Xidməti tərəfindən 13 dekabr 2020-ci il tarixdə keçirilmiş anti-terror əməliyyatı nəticəsində tərksilah edilmiş üzvləri barəsində DTX-nin İstintaq Baş idarəsində başlanmış cinayət işi üzrə ibtidai istintaq yekunlaşıb.

Aparılmış istintaqla müəyyən edilib ki, Ermənistan Respublikasının vətəndaşlarından ibarət bir qrup şəxs qanunsuz şəkildə odlu silah, onun komplekt hissələrini, döyüş sursatı, partlayıcı maddələr və qurğular əldə edərək qanunvericiliklə nəzərdə tutulmayan silahlı birləşmələr yaradıblar. Həmin birləşmələrin üzvləri 26-27 noyabr 2020-ci il tarixdə Azərbaycan Respublikasının dövlət sərhədini qanunsuz olaraq mütəşəkkil dəstə halında keçməklə Xocavənd rayonunun Hadrut qəsəbəsinin şimal-qərb hissəsində meşəlik və digər ərazilərində döyüş mövqeləri tutaraq 13 dekabr 2020-ci il tarixədək olan müddət ərzində ölkə ərazisində yerləşən müəssisə, idarə, təşkilatlara, habelə ayrı-ayrı şəxslərə silahlı basqınlar etmiş, ictimai təhlükəsizliyi pozmaq, əhali arasında vahimə yaratmaq, Azərbaycan Respublikasının dövlət hakimiyyət orqanları və beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması və başqa ictimai təhlükəli nəticələrin baş verməsi təhlükəsi yaradan partlayış, yanğın və digər terror əməlləri törədiblər.

Sadalanan faktlarla bağlı qanunsuz silahlı birləşmənin üzvləri Avakyan Qraç Arzumanoviç, Serobyan Geğam Samveloviç və digərlərinin, ümumilikdə 14 təqsirləndirilən şəxsin Azərbaycan Respublikası Cinayət Məcəlləsinin 214.2.1, 214.2.3-cü (terrorçuluq, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən odlu silahdan və silah qismində istifadə olunan predmetlərdən istifadə etməklə törədildikdə), 228.3-cü (mütəşəkkil dəstə tərəfindən qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, saxlama, daşıma və gəzdirmə), 279.2-ci (qanunvericiliklə nəzərdə tutulmayan silahlı birləşmələrin və ya qrupların tərkibində müəssisələrə, idarələrə, təşkilatlara və ya ayrı-ayrı şəxslərə basqın etmə) və 318.2-ci (qabaqcadan əlbir olan bir qrup şəxs və ya mütəşəkkil dəstə tərəfindən Azərbaycan Respublikasının dövlət sərhədini qanunsuz olaraq keçmə) maddələri ilə ittiham olunmalarına dair cinayət işinin istintaqı yekunlaşdırılaraq Azərbaycan Respublikası Baş Prokurorunun müavini tərəfindən təsdiq edilmiş ittiham aktı ilə birlikdə baxılması üçün məhkəməyə göndərilib.

DTX-nın aniterror əməliyyatı

Qeyd edək ki, Dövlət Təhlükəsizliyi Xidməti tərəfindən 13 dekabr 2020-ci il tarixdə keçirilmiş antiterror əməliyyatı nəticəsində tərksilah edilmiş Ermənistan Respublikasının vətəndaşları olan silahlı dəstələrin üzvləri barəsində DTX-nin İstintaq Baş idarəsində başlanmış cinayət işi üzrə ibtidai istintaq yekunlaşıb.

İstintaq nəticəsində müəyyən edilib ki, cinayətkar silahlı birləşmələrin üzvləri 2020-ci ilin 26-27 noyabr tarixlərində Azərbaycan Respublikasının dövlət sərhədini qanunsuz olaraq mütəşəkkil dəstə halında keçməklə Xocavənd rayonunun Hadrut qəsəbəsinin şimal-qərb hissəsində meşəlik və digər ərazilərində döyüş mövqeləri tutaraq 13 dekabr 2020-ci il tarixədək olan müddət ərzində ölkə ərazisində yerləşən müəssisə, idarə, təşkilatlara, habelə ayrı-ayrı şəxslərə silahlı basqınlar edib, ictimai təhlükəsizliyi pozmaq, əhali arasında vahimə yaratmaq, Azərbaycan Respublikasının dövlət hakimiyyət orqanları və beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması və başqa ictimai təhlükəli nəticələrin baş verməsi təhlükəsi yaradan partlayış, yanğın və digər terror əməlləri törədiblər.

Məlumat verildiyi kimi, silahlı dəstənin əvvəlcə 14, sonra isə daha 13 nəfər üzvü barəsində cinayət işinin istintaqı yekunlaşdırılaraq təsdiq edilmiş ittiham aktı ilə birlikdə baxılması üçün məhkəməyə göndərilib.

Sadalanan faktlarla bağlı qanunsuz silahlı birləşmənin digər üzvlərinin – Mikaelyan Andranik Vazgenoviç, Soğomonyan Setrak Samveloviç, Karapetyan Rafik Robertoviç və qeyriləri də daxil olmaqla, ümumilikdə daha 26 təqsirləndirilən şəxsin Azərbaycan Respublikası Cinayət Məcəlləsinin 214.2.1, 214.2.3-cü (terrorçuluq, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən odlu silahdan və silah qismində istifadə olunan predmetlərdən istifadə etməklə törədildikdə), 228.3-cü (mütəşəkkil dəstə tərəfindən qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, saxlama, daşıma və gəzdirmə), 279.2-ci (qanunvericiliklə nəzərdə tutulmayan silahlı birləşmələrin və ya qrupların tərkibində müəssisələrə, idarələrə, təşkilatlara və ya ayrı-ayrı şəxslərə basqın etmə) və 318.2-ci (qabaqcadan əlbir olan bir qrup şəxs və ya mütəşəkkil dəstə tərəfindən Azərbaycan Respublikasının dövlət sərhədini qanunsuz olaraq keçmə) maddələri ilə ittiham olunmalarına dair cinayət işinin istintaqı yekunlaşdırılaraq Azərbaycan Respublikasının Baş prokurorunun müavini tərəfindən təsdiq edilmiş ittiham aktı ilə birlikdə baxılması üçün məhkəməyə göndərilib.

0