Aleksandr Lapşin

Lapşin Kürdəxanı təcridxanasına köçürüldü

62
(Yenilənib 13:11 08.02.2017)
Hazırda onunla bağlı başlanmış cinayət işi üzrə zəruri istintaq tədbirləri davam etdirilir

BAKI, 8 fev — Sputnik. Ötən gecə Belarusdan Azərbaycana ekstradisiya edilən bloqçu Aleksandr Lapşin Dövlət Təhlükəsizliyi Xidmətindən Ədliyyə Nazirliyi Penitensar Xidmətin 1 saylı Bakı İstintaq Təcridxanasına köçürülüb. Bu barədə APA-ya açıqlamasında Baş Prokurorluğun mətbuat xidmətinin rəhbəri Eldar Sultanov bildirib. O, qeyd edib ki, hazırda onunla bağlı başlanmış cinayət işi üzrə zəruri istintaq tədbirləri davam etdirilir.

Qeyd edək ki, Rusiya, İsrail və Ukrayna vətəndaşlığı olan bloqçu Aleksandr Lapşin 2011-ci ilin aprelində və 2012-ci ilin oktyabrında Azərbaycanın işğal altındakı ərazilərinə qanunsuz səfərlər edərək separatçı rejimin təbliğatı ilə məşğul olub. O, Azərbaycanın ərazi bütövlüyünə qarşı çağırışlar edib. Azərbaycan Baş Prokurorluğu A. Lapşin haqqında Cinayət Məcəlləsinin 281.2 (dövlətə qarşı açıq çağırışlar) və 318.2 (sərhədi qanunsuz keçmək) maddələri ilə cinayət işi qaldırıb və o, beynəlxalq axtarışa verilib. A. Lapşin Belarusda saxlanılıb. Belarus baş prokurorunun müavini Azərbaycan tərəfinin ekstradisiya tələbini haqlı sayıb. A. Lapşinin vəkili bu qərardan Minsk şəhər Məhkəməsinə şikayət edib. Lakin Minsk şəhər Məhkəməsi Baş Prokurorluğun qərarını əsaslı sayıb. Bu qərardan isə Ali Məhkəməyə şikayət verilib. Ali məhkəmə şikayəti təmin etməyib.

62
Teqlər:
bloqçu, Aleksandr Lapşin, Belarus, Eldar Sultanov, Azərbaycan
Mövzu:
Blogger Lapşinin Azərbaycana ekstradisiyası (10)
Əlaqədar
Bloqçu Aleksandr Lapşin Bakıya gətirildi
XİN: "Lapşinin məsələsini siyasiləşdirmək cəhdləri yanlışdır"
Belarus məhkəməsindən Azərbaycanla bağlı mühüm qərar