Bakıda məşhur qəzetin redaksiyasının qarşısında narkotik gizlədiblər
(Yenilənib 14:56 26.01.2017)
Narkotik alverçisi yarımçıq tikilidə narkotik gizlədib və onu satmaq üçün uyğun vaxtı gözləyibBAKI, 26 yan — Sputnik. Yasamal rayon Polis İdarəsinin 27-ci polis bölməsinin əməkdaşları keçirdikləri əməliyyat-axtarış tədbirləri nəticəsində 20 kq marixuana tapıblar. Bu barədə Sputnik Azərbaycan-a rayon polis idarəsindən məlumat veriblər.
Əməliyyatçılar əvvəllər məhkum olmuş, 1977-ci il təvəllüdlü paytaxt sakini Mais Cabbarovu saxlayıblar. Cabbarov saxlanılarkən ondan 11,615 qram narkotik maddə aşkarlanaraq götürülüb. Daha 20 kq marixuananı isə o, "Exo" qəzetinin redaksiyasının qarşısında, Şərifzadə küçəsindəki yarımçıq tikilidə gizlədibmiş.
Polis, Cabbarovun yerini göstərdiyi həmin narkotik vasitəni də tapıb. Saxlanılan şəxsin sözlərinə görə, marixuana uzun müddətdir həmin yerdə saxlanılır. O, bu maddəni çıxarıb satmaq üçün uyğun vaxt gözləyib.
Cabbarov bildirib ki, marixuananı İsmayıllı rayonu ərazisində şəxsən əkib. O, əvvəllər oğurluq, narkotik vasitələrin qanunsuz dövriyyəsi və ağır bədən xəsarəti vurmağa görə məhkum edilib.
Qeyd edək ki, onunla eyni gündə, sözügedən polis idarəsinin əməliyyatçıları, 1979-cu il təvəllüdlü Vahid Abdullayevi də saxlayıblar və onun üzərindən 0,532 qram heroin götürüblər.
Teqlər:
- Əlaqədar
- Narkotik alverçiləri tutuldular
Bölgələrdə qar, Bakıda sulu qar yağıb - FAKTİKİ HAVA
(Yenilənib 09:56 20.01.2021)
Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.
Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.
Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.
Bakının Heydər Əliyev prospektində baş verən qəza tıxaca səbəb olub
BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.
Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.
Navalnı Putinin sarayını axtarır
(Yenilənib 18:18 20.01.2021)
"Bir sarayın hovuzuna Putinin Yeniseydə üzdüyü kadrları montaj ediblər, o kadrları da bütün dünya görüb"BAKI, 20 yanvar - Sputnik. Bloger və müxalifətçi Aleksey Navalnının Rusiya Prezidenti Vladimir Putinin Gəlincikdə sarayını araşdırması barədə xəbərləri Kremldə “cəfəngiyyat” və “kompilyasiya” kimi dəyərləndiriblər.
Sputnik Azərbaycan RİA Novosti-yə istinadən bildirir ki, yaxınlarda Navalnının komandası prezidentin Qara dəniz sahilində 100 milyard dollara saray tikdirdiyi barədə material yayıb.
“Bilirsiniz ki, bu mövzu üç-dörd il əvvəl ortaya atılmışdı. İndi də bu konkret halda həmin insinuasiyadan istifadə etməklə boş-boş danışırlar. Özü də heç özlərinə azacıq əziyyət verib nəyisə sübut etməyə, heç olmasa, şəklini göstərməyə də cəhd göstərmirlər”, - Putinin sözçüsü Dmitri Peskov deyib.
Onun fikrincə, bu işdə “yeganə yenilik” “monatj hekayələri”ndən istifadə olunmasıdır.
“Hansısa bir sarayın hovuzuna Putinin Yeniseydə üzdüyü kadrları montaj ediblər, hansı ki, o kadrları da bütün dünya görüb”, - Kremlin nümayəndəsi bildirib.
Peskov vurğulayıb ki, prezidentin administrasiyasının “bununla maraqlanmaq üçün azacıq da olsa həvəsi yoxdur”.
“Dövlət başçısına qarşı hazırlanmış və hazırlanmaqda olan informasiya hücumlarından çoxdan xəbərimiz var. Təəssüf ki, onlar olub və olacaq. İndi prezidentə onun olmayan bir şeyi şamil etmək istəyirlər. Prezidentin bütün mülkiyyəti hər il özü tərəfindən bəyan edilir, deklarasyada göstərilir”, - Peskov deyib.
Teqlər: