Təcili tibbi yardım maşını, arxiv şəkli

Sabirabadda "Mayk Tayson" peyda olub

1045
(Yenilənib 10:44 07.01.2017)
1986-cı il təvəllüdlü Mirzəyev Camal Mirzağa oğlu qaynı - 1987-ci il təvəllüdlü Mirəliyev Xəqani Ağadadaş oğlunun qulağını dişi ilə qoparıb.

BAKI, 7 yan — Sputnik. Sabirabad rayon sakini qaynının qulağını dişləyərək qoparıb.

APA-nın məlumatına görə, hadisə Sabirabad rayonunun Moranlı kəndində baş verib. Həmin kəndin sakini, 1986-cı il təvəllüdlü Mirzəyev Camal Mirzağa oğlu qaynı — 1987-ci il təvəllüdlü Mirəliyev Xəqani Ağadadaş oğlunun qulağını dişi ilə qoparıb.

Münaqişəyə səbəb Xəqani Mirəliyevin kürəkəninin qardaşı, 1989-cı il təvəllüdlü Mirzəyev Cavad Mirzağa oğlunu döyməsi olub.

Mirəliyev qulaq seyvanının tam travmatik amputasiyası diaqnozu ilə əvvəlcə Salyan rayon xəstəxanasına, daha sonra Bakıda fəaliyyət göstərən xəstəxanalarından birinə çatdırılıb.

Faktla bağlı Sabirabad polis şöbəsində araşdırma aparılır.

1045