Yumruq, arxiv şəkli

Bakıda nigeriyalı kişini döydülər

826
(Yenilənib 16:29 27.12.2016)
Metronun sərnişinləri onun Azərbaycan dilini bildiyini güman etməyiblər, sən demə, afrikalı poliqlot imiş

BAKI, 27 dek — Sputnik. Bakı metropolitenində Nigeriya vətəndaşını döyüblər. Bu barədə Sputnik-ə Bakı Şəhər Baş Polis İdarəsindən məlumat veriblər.

İnsident dekabrın 26-sı saat 17:30-da "28 may" metrostansiyasında baş verib. 1999-cu il təvəllüdlü Bakı sakini Emin Nəcəfzadə və 2000-ci il təvəllüdlü Hacıağa Məmmədli, 1980-ci il təvəllüdlü Nigeriya sakini Kinq Stanneynini döyüblər. Nəticədə nigeriyalı Kliniki Tibbi Mərkəzə yardım üçün müraciət edib.

Xuliqanlıq faktı üzrə aparılan ilkin araşdırma zamanı məlum olub ki, azərbaycanlılarla nigeriyalı arasında münaqişə təhqir üstündə başlayıb. Gənclər Stanneyniyə Azərbaycan dilində "qara meymun" deyiblər və bilməyiblər ki, afrikalı dilimizi bilir.

Meymunla müqayisə edildiyini görən nigeriyalı dözməyərək Nəcəfzadə və Məmmədliyə yumruq atıb. Bundan sonra onlar arasında dava başlayıb. Gəncləri ətrafdakı insanlar sakitləşdirib və hadisə yerinə polis əməkdaşları gəliblər.

Nigeriyalı isə bir neçə dillə yanaşı, Azərbaycan dilini də bilir və Bakıda repetitorluqla məşğul olaraq xalqımızın balalarına ingilis dilini öyrədir.

826
Teqlər:
Metropoliten, döyülmə, dava, Nigeriya, gənc
Əlaqədar
Jurnalist vəhşicəsinə döyüldü
İntiqam hissi azərbaycanlı xanımı qaydasız döyüşçüyə çevirdi
Azərbaycanda qız anasını döyərək çaya atıb
Qarşıda onu ağır döyüş gözləyir
Anasını döyərək öldürdü
Kadırovun "qladiator döyüşü" böyük qalmaqala səbəb olub
Qəza, arxiv şəkli

Lerikdə dəhşətli qəza: Avtomobil 300 metrdən dərəyə aşıb, 3 nəfər ölüb

101
(Yenilənib 10:37 02.07.2020)
Bürsülüm kəndinə gedən dağ yolunda "UAZ" markalı avtomobil yoldan çıxaraq 50-60 metr yüksəklikdən dərəyə aşıb.

BAKI, 2 iyul — Sputnik. BAKI, 2 iyul – Sputnik. Lerik rayonunda ölümlə nəticələnən ağır yol-nəqliyyat hadisəsi olub.

Sputnik Azərbaycan-ın verdiyi xəbərə görə, hadisə Bürsülüm kəndinə gedən dağ yolunda qeydə alınıb.

Belə ki, 1977-ci il təvəllüdlü Habil Əzimovun idarə etdiyi "UAZ" markalı avtomobil yoldan çıxaraq təxminən 300 metr hündürlükdən dərəyə aşıb. Nəticədə sürücü və sərnişinlərdən Elnarə Dadaş qızı İbrahimova və 1996-cı təvəllüdlü Təyyar Tərlan oğlu Əliyev dünyasını dəyişib.

Qəza zamanı avtomobildə olan 1984-cü il təvəllüdlü Mübariz İxtiyar oğlu Zeynalov və 2005-ci il təvəllüdlü Şeyda Habil qızı Əzimova müxtəlif dərəcəli bədən xəsarətləri alıb və xəstəxanaya yerləşdirilib.

Hazırda faktla bağlı araşdırma aparılır.

101
Tibbi tullantı, arxiv şəkli

Şamaxıda vəlvələ: təcili yardım maşınından atılan zibil sakinləri qorxutdu

876
(Yenilənib 21:14 01.07.2020)
Kəndin sakinləri naməlum şəxslərin təcili yardım avtomobilindən döşək, maska və əlcək atmaqlarını görüblər. Polis indi bu qəribə işin təfərrüatını öyrənməyə çalışır

BAKI, 1 iyul — Sputnik, Zarina Orucəliyeva. Şamaxının Göylər kəndində qəfildən yataq ləvazimatları və tibbi qoruma vasitələrindən ibarət “təpə” yaranıb.

Yerli sakin Nəbi Nəbiyevin Sputnik Azərbaycan-a bildirdiyinə görə, naməlum şəxslərin təcili yardım avtomobilindən qəribə zibil boşaltdığını görən kənd adamları xeyli narahat olublar.

Nəbiyevin dediyinə görə, onların kəndində bir nəfər də olsun koronavirusa yoluxan yoxdur.

Sakinlər güman edirlər ki, istifadə olunmuş döşək, əlcək və maskaları yoluxanların müalicə aldıqları xəstəxanadan, ya da mehmanxanadan utilizasiya məqsədilə gətirib atıblar.

Faktla Ekologiya və Təbii Sərvətlər Nazirliyi də maraqlanıb. Hadisə yerinə gedən ekspertlər, doğrudan da kəndin yanında qeyri-adi zibil qalağı aşkarlayıblar.

Araşdırma nəticəsində müəyyən edilib ki, Şamaxı bölgəsində nə koronavirusa yoluxmuş xəstələrin müalicəsi üçün xüsusiləşmiş xəstəxana, nə də karantin oteli var. Hazırda bu məsələ Şamaxı rayon Polis İdarəsinin nəzarətindədir.

Ekoloqlar isə qeyri-qanuni zibilliyin ləğv edilməsi prosesinə nəzarət ediblər.

 

876
Əlaqədar
Sumqayıtda zibillikdən qumbara tapıldı
Bura təbiətin geri dönüş nöqtəsidir - Hər şeydən xeyir alındığı yer
Sumqayıt bulvarı yaxınlığında romantik olmayan mənzərə - FOTO/VİDEO
Tullantılar poliqonuna cavabdeh şəxs cəzalanıb
Bakıda sərt karantin günlərində zibil probleminə çarə
 Koronavirus testi, arxiv şəkli

Şad xəbər gəldi, koronavirus bir neçə aydan sonra...

0
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb.

BAKI, 2 iyul — Sputnik. Hazırda dünyada yeni növ koronavirusa qarşı 141 vaksinin üzərində iş aparılır. Sputnik Azərbaycan "The Washington Post"-a istinadən xəbər verir ki, bunu Ümumdünya Səhiyyə Təşkilatının Baş direktoru Tedros Qebreyesus bildirib.

O vurğulayıb ki, peyvəndin hazırlanması ilə məşğul olan bəzi şirkətlər bir neçə ay ərzində uğur əldə edə bilərlər: "Təbii ki, tam qorunmağa dair zəmanət yoxdur, lakin biz ümid edirik".

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda dünyada virusa yoluxanların sayı 10,6 milyonu keçib, 516 mindən çox adam isə virus səbəbilə ölüb.

0