Anti-terror əməliyyatı

"Binə" Ticarət Mərkəzini partlatmaq istəyən kamikadze kimdir?

296
Bakıda terror törətmək istəyən kamikadze ilə bağlı müdhiş faktlar ortaya çıxıb

BAKI, 6 dek — Sputnik. Ötən şənbə günü Dövlət Təhlükəsizliyi Xidməti (DTX) tərəfindən zərərsizləşdirilən terrorçu-kamikadze özü ilə birlikdə "Binə" ticarət mərkəzini partlatmaq istəyib. Bu barədə Sputnik-ə hüquq-mühafizə orqanlarından məlumat verilib.

Dekabrın 3-də Sputnik, 1978-ci il təvəllüdlü Emin Əzizağa oğlu Caminin məhv edildiyi barədə məlumat vermişdi. Cami axırıncı dəfə 2007-ci ildə zərərsizləşdirilmiş "Əbu Cəfər" ləqəbli Naif əl-Bədəvinin rəhbərlik etdiyi terrorçu təşkilatın tərkibində fəaliyyət göstərdiyinə görə məhkum olunub. Bu ilin əvvəlində Emin Cami azadlığa çıxıb.

Azadlığa çıxandan sonra o, yenidən ölkə hüdudlarından kənarda aparılan silahlı münaqişələrdə iştirak edən qanunsuz silahlı birləşmələrin və beynəlxalq terrorçu təşkilatların nümayəndələrinin tabeçiliyini qəbul edərək əlaqəli fəaliyyət göstərməsinə, habelə Azərbaycan ərazisində odlu silahdan və partlayıcı qurğulardan istifadə etməklə terror-təxribat törədilməsini planlaşdırmasına görə əsaslı şübhələr doğurub.

Bununla yanaşı, hüquq-mühafizə orqanlarının bildirdiyinə görə, Emin Cami Quba rayon sakinidir və əvvəllər bir neçə dəfə həbs olunub. Ötən dəfə o, Azərbaycan və Dağıstan ərazisində fəaliyyət göstərən "Meşə qardaşları" terror qruplaşmasının üzv olub.

Emin Cami və daha 30 nəfər beynəlxalq terror şəbəkəsi ilə əlaqədə, dövlət sistemini devirməyə cəhdlərdə, həmçinin qanunsuz silahlı birliklər yaratmaqda, soyğunçuluqda, silah və narkotik saxlamaqda günahlandırılıblar. 2010-cu ilin əvvəllərində bu ittihamlarla aşağıdakı şəxslər saxlanılıb: Asif Əmikişili, Rəşid Mustafayev, Faiq Cəfərov, Mahir Allahverdiyev, Firdovsi Quliyev, Vüsal İsayev, Vasif Ömərov, Elməddin Fərəcov, Əlkərəm Məmmədov, Rəşad Nəbiyev, Tural Həsənov, Ceyhun Əliyev, İbadət Alazovi, Amil Xəlilov, Kamran İlyasov, Emil Şıxəliyev, Elnur Qaziyev, Vüqar Abdullayev, Mehdi Kərimov, Elşən Druskar, Namiq Məmmədov, Teymur Axundov, Arif İbrahimov, Elçin Canağayev, Ramil Fərzəliyev, Fuad Mövsümov, Rəşad Mahmudov, Zeynal Əkbərov, Mahir Abdullayev, Emin Cami, Bəxtiyar Mustafayev.

2008-ci ilin payızında prezident seçkiləri ərəfəsində qrup ölkədə ictimai-siyasi sabitliyi pozmaq istəyib. Bu məqsədlə şübhəlilər Bakı-Novorossiysk neft kəmərini partlatmağı və bir sıra başqa terror aktları törətməyi planlaşdırıblar. Amma bu planları baş tutmayıb.

Qrupa 2009-cu ilin noyabrında Əfqanıstanda öldürülmüş "Abdulla" ləqəbli Azər Misirxanov rəhbərlik edib. Qrupun üzvləri 2008-ci ilin sonları və 2009-cu ilin əvvəllərində saxlanılıblar və istintaqa verdikləri ifadələrində günahlarını etiraf ediblər.

Öz növbəsində, dindirilmə zamanı əldə olunan məlumata görə, təqsirləndirilən şəxslər ekstremist qrupun liderlərindən biri, "Süleyman" ləqəbli Samir Mehdiyevin ölkə sərhədlərini tərk etməsinə köməklik göstəriblər. O, 17 avqust 2008-ci ildə Bakıdakı "Əbu-Bəkr" məscidində terror aktı törətməkdə günahlandırılıb və Pakistanda həbs edilib.

Cinayətkar qruplaşmanın bütün üzvləri uzun müddətə azadlıqdan məhrum ediliblər. Cami 5 ilə qədər dəmir barmaqlıqlar arxasında oturub. Amma azad edilən kimi, yenidən radikal islamçılara qoşulub. Bu il dekabrın 3-də Cami "şəhid kəməri"ni partlatmaq istəyərkən məhv edilib.

Hüquq-mühafizə orqanları radikal islamçıların yenidən Azərbaycanda fəallaşmaq istədiklərini bildirir. Terrorçu-kamikadzelərin köməyi ilə onlar ölkə əhalisi arasında vahimə salmağa cəhd edirlər. Lakin güc strukturları mümkün olan hər şeyi edirlər ki, milli təhlükəsizliyə yaranan təhlükələri aradan qaldırsınlar.

296
Teqlər:
Emin Cami, kamikadze, terror, DTX, Dövlət Təhlükəsizliyi Xidməti
Əlaqədar
Erməni terrorçuya abidə qoyuldu
Xaçmazda məhv edilən terrorçu ilə bağlı ilginc məlumatlar üzə çıxdı
Xaçmazda "Sərhəd qalxanı" əməliyyatı: silahlı terrorçu məhv edildi
Terrorçuluğun maliyyələşdirilməsinə qarşı mübarizə planını təsdiqlənib
Terrorçular 3 polisi yaraldılar
Kommunarkada karantin mərkəzi, arxiv şəkli

Rusiyada koronavirusdan ölənlərin sayı daha bir psixoloji göstəricisini keçdi

6
(Yenilənib 13:58 22.10.2020)
Dünyada koronavirus infeksiyasına indiyədək yoluxanların sayı 41,2 milyonu keçib, 1,13 mindən çox adam isə virus səbəbilə ölüb.

BAKI, 22 oktyabr — Sputnik. Son bir sutka ərzində Rusiyada 15971 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 290 nəfər ölüb.

Ümumilikdə, Rusiyada bu xəstəliyə yoluxanların sayı 1463306-ya çatıb. Rusiyada pandemiya yayılandan 25242 nəfər COVID-19-dan vəfat edib. Ölkədə bu virusdan sağalanların sayı 1107988-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 41,2 milyonu keçib, 1,13 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

6
Ermənistana məxsus taktiki PUA, arxiv şəkli

Naxçıvan istiqamətində uçan Ermənistan PUA-sı məhv edildi

124
Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib.

BAKI, 22 oktyabr — Sputnik. Naxçıvan istiqamətində uçan Ermənistan PUA-sı məhv edilib.

Bu barədə Sputnik Azərbaycan-a Azərbaycan Müdafiə Nazirliyinin Mətbuat Xidmətindən məlumat verilib.

"Oktyabrın 22-də səhər saatlarında Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib", - deyə məlumatda bildirilir.

124
Mövzu:
Azərbaycan və Ermənistan arasında müharibə
Mal əti satışı, arxiv şəkli

Azərbaycana mal əti dərman idxalı artıb

0
(Yenilənib 23:00 22.10.2020)
Təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, kartof 1,2%, təzə tərəvəz 29,9%, minik avtomobilləri 28,8% və s. artıb.

Xalid Məmmədov, Sputnik Azərbaycan

BAKI, 22 oktyabr — Sputnik. 2019-cu ilin yanvar-avqust ayları ilə müqayisədə 2020-ci ilin yanvar-avqust aylarında ölkəmizə təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, mal əti 18,4%, kartof 1,2%, təzə tərəvəz 29,9%, minik avtomobilləri 28,8%, dərman vasitələri 1,7 dəfə, hesablama maşınları, blok və qurğuları 14,8%, qara metallardan çubuqlar 1,8 dəfə, məişət soyuducuları 3,1% artıb.

Sputnik Azərbaycan bu barədə Dövlət Statistika Komitəsinə istinadla məlumat verir.

Bu ilin 8 ayında buğda idxalı 20,1%, xam şəkər və şəkər 0,4%, quş əti və onun əlavə məhsulları 9,9%, siqaretlər 78,9%, qara metallardan borular 12,7%, polad prokatı 7,7%, mineral gübrələr 5,7%, rezin şinlər 20,2%, məişət kondisionerləri 30,9%, mebellər 23,6%, yük avtomobilləri 13,4%, polietilen 27,5%, paltaryuyan maşınlar 11,1%, qara metallardan künclüklər 8%, avtobuslar 56,1%, sement və sement klinkerləri 27,1% azalıb.

0