Qəssab

Qəssab bu dəfə adam doğradı

198
Qətl faktı üzrə cinayət işi açılıb, istintaqı rayon prokurorluğu aparır.

BAKI, 5 dek — Sputnik. Ötən bazar günü Qaradağ rayonunda toy facilə ilə bitib. Bu barədə Sputnik-ə Qaradağ rayon Polis İdarəsindən məlumat verilib.

Hazırda əməliyyatçılar, 1979-cu il təvəllüdlü Kərimov Fəxri Kamal oğlunu qətlə yetirməkdə şübhəli bilinən Nemətov Vüsal Ağa oğlunu axtarırlar. Mərhum Qobustan qəsəbəsində eyniadlı şadlıq evində keçirilən toyda öldürülüb.

Fəxri Kərimov ona bıçağı yuxu arteriyasından vurub. Polislərin ehtimalına görə, Nemətov ölkədədir. Çünki sərhəd postlarına verilən göstəriş əsasında o, ölkədən çıxmaq istərkən həbs edilməli idi. İkincisi isə, onun xarici pasportu yoxdur.

Araşdırma zamanı məlum olub ki, Nemətov qəssab işləyib. Hadisə baş verən anda bir-birinə uzaq qohum düşən, mübahisə edənlər sərxoş vəziyyətdə olublar. Bəzi məlumatlara əsasən, onlar iki il əvvəlki mübahisəni davam etdiriblər.

Qətl faktı üzrə cinayət işi açılıb, istintaqı rayon prokurorluğu aparır.

198
Teqlər:
toy, prokurorluq, polis, cinayət, qətl, qəssab, Qaradağ
Əlaqədar
Lənkəranskinin qətlində şübhəli bilinən şəxslə bağlı qərar verildi
Qalmaqallı qətlin sifarişçisi Lənkəranski deyilmiş
Qazaxda 16 yaşlı oğlan həmyaşıdını qətlə yetirib
Keçmiş arvadını qətlə yetirdi, baldızını isə yaraladı
Asteroid

Yer kürəsi təhlükədə - beş asteroid birdən yaxınlaşır

95
(Yenilənib 00:52 06.03.2021)
Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

BAKI, 5 mart - Sputnik. Bu gecə Yer kürəsinə sərnişin təyyarəsi ölçüsündə asteroid yaxınlaşacaq. Sputnik Azərbaycan Report-a istinadla xəbər verir ki, bu barədə NASA JPL Elmi Tədqiqat Mərkəzi bildirib.

Saytdakı hesablamalara əsasən 2021 CF8 asteroidinin Yerdən ən yaxın məsafəsi 4,4 milyon kilometr təşkil edəcək. Göy cisiminin diametri 52 metrə bərabərdir.

Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

Növbəti 3 gündə Yer kürəsinin yaxınlığından növbəti həmçinin daha üç asteroid keçəcək. Onlardan ən böyüyü 2021 EB-dir. Onun diametri 43 metrə malikdir və planetimizdən 2,7 milyon kilometr məsafədə keçəcək.

95

Gəncədə sərnişinlərin olduğu mikroavtobus qəzaya uğrayıb, yaralılar var

66
(Yenilənib 23:22 05.03.2021)
Hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

BAKI, 5 mart - Sputnik. Gəncə şəhərində 11 nömrəli marşrut xətti üzrə hərəkətdə olan sərnişin mikroavtobusu minik avtomobili ilə toqquşub.

Sputnik Azərbaycan Report-a istinadla xəbər verir ki, hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

Xəsarət alanlar Mövsümov Vasif Hüseyn oğlu (1985-ci il təvəllüdlü), Hüseynov Akif Qabil oğlu, Əliyev Ayxan Elnur oğlu (2014), İsgəndərov Nail Hamlet oğlu (1978) və Zeynalova Fatimə Kamil qızıdır (1987).

Qəzanın baş verdiyi əraziyə Dövlət Yol Polisi əməkdaşları cəlb olunub.

Faktla bağlı araşdırma aparılır.

66
NATO-nun Baş katibi Yens Stoltenberq, arxiv şəkli

Yens Stoltenberq: Gürcüstan Ukrayna NATO üzvü olacaqlar

0
NATO-nun Baş katibi: "Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik".

BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".

Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.

"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.

Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.

Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.

0
Teqlər:
Gürcüstan, Ukrayna, baş katibi Yens Stoltenberq, Yens Stoltenberq, NATO