Saleh Qafarlı

Jurnalist vəhşicəsinə döyüldü

103
O, İmişli rayonundakı mal-heyvan bazarının rəhbərliyi tərəfindən zorakılığa məruz qalıb

BAKI, 30 noy — Sputnik. Avropa.info saytının bölgə müxbiri Saleh Qafarlı, İmişli rayonundakı mal-heyvan bazarının rəhbərliyi tərəfindən zorakılığa məruz qalıb. Avropa.info xəbər verir ki, bu gün səhər saatlarında İmişli rayonunun mal bazarında çəkiliş aparan S. Qafarlıya mal bazarının müdiriyyəti və onun saxladığı qoçu dəstəsi hücum edib.

Jurnalistin qanunsuz olaraq telefonu və kamerası əlindən alınıb və o, vəhşicəsinə döyülüb. Nəticədə jurnalistin başı yarılıb və ona çoxsaylı bədən xəsarəti yetirilib.

Bundan sonra S. Qafarlı İmişli Rayon Polis Şöbəsinə aparılıb və hazırda orada saxlanılır. İmişli Rayon Polis Şöbəsindən Avropa.info-ya verilən məlumata görə jurnalist, izahatı alınmaq üçün polisə çağırılıb və məsələ ilə bağlı araşdırma aparılır.

Avropa.info-nun əldə etdiyi məlumata görə isə hazırda məsələ araşdırılmaq üçün İmişli rayon məhkəməsinə göndərilib.

Qeyd edək ki, S. Qafarlının bir neçə il bundan öncə İmişli rayonunda yerləşən mal bazarından çəkdiyi rüşvət video görüntüləri ölkədə böyük səs-küyə səbəb olmuşdu. Həmin video görüntülərdə ləğv olunmuş Nəqliyyat Departamentinin əməkdaşlarının rüşvət alması görüntüləri öz əksini tapmışdı.

103
Teqlər:
Saleh Qafarlı, İmişli Rayon Polis Şöbəsi, basqın, sayt, İmişli, hücum, jurnalist
Əlaqədar
Yapon jurnalist Azərbaycanın "qara siyahı"sından çıxarıldı
Siyasilərin məzuniyyətə çıxdığı gün və jurnalistika...
Jurnalistlərin Mosula girişi qadağan olundu
Alman jurnalist bir illik əsirlikdən azad edildi
Bakıda maskalı şəxslər jurnalistin evinə basqın edib

Təhsil şöbəsinin müdiri iki gündür xəstəxanadadır

40
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

40
 Xəstəxana, arxiv şəkli

Xaçmazda qətl, döyülən qadın xəstəxanada öldü

63
(Yenilənib 14:57 11.08.2020)
İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

BAKI, 11 avqust — Sputnik. Dünən günorta saatlarında Xaçmaz rayonu ərazisində Raisa Rəşidovanın aldığı bədən xəsarətləri nəticəsində xəstəxanada ölməsi barədə məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xaçmaz rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Rəşad Rəşidov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri həyata keçirilir.

63
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0