Sirkə

19 yaşlı qız sirkə turşusundan zəhərlənib

105
Həkim: "Bəzi hallarda, bilmədən qatı sirkə turşusu qəbul edirlər və nəticədə zəhərlənmə, bəzən də ölüm hadisəsi baş verir"

Şahpəri Abbasova, Sputnik Azərbaycan

BAKI, 18 noy — Sputnik. Bu gün Şəki rayonu Kiş kəndinin sakini, 1997-ci il təvəllüdlü Nuranə Cümşüd qızı Süleymanova zəhərlənmə əlamətləri ilə xəstəxanaya daxil olub. Müayinə zamanı məlum olub ki, 19 yaşlı Nuranə Süleymanova bilməyərək gülab əvəzinə sirkə turşusu içib.

Həkim Adil Qeybulla
MeydanTV
Səhiyyə eksperti Adil Qeybulla

Şəki MRX-dən Sputnik-in bölgə müxbirinə verilən məlumata görə, qıza lazımi tibbi yardım göstərildikdən sonra o, evə buraxılıb. Hazırda faktla bağlı araşdırma aparılır.

Son vaxtlar xəbər portallarında demək olar ki, hər gün belə xəbərlə qarşılaşırıq. Məsələ ilə əlaqədar tibbi ekspert Adil Qeybulla Sputnik-ə bildirib ki, sirkə turşusundan zəhərlənmə, adətən özünə qəsd xarakteri daşıyır.

"Amma bəzi hallarda, bilmədən qatı sirkə turşusu qəbul edirlər və nəticədə zəhərlənmə, bəzən də ölüm hadisəsi baş verir. Bu halların baş verməməsi üçün məhlulun gizli bir yerdə saxlanması vacibdir. Əgər belə bir hadisə baş verərsə, çoxlu miqdarda su və ya soda qəbul etməklə zəhərlənmənin qarşısını ala bilərlər", — həkim vurğulayıb.

Qeyd edək ki, ötən ay Qax rayon sakini, 1951-ci il təvəllüdlü İlidon Pavloviç Babacanaşvili sirkə turşusundan zəhərlənərək dünyasını dəyişib.

105
Teqlər:
Adil Qeybulla, tibbi yardım, xəstəxana, sirkə turşusu, gülab, zəhərlənmə, Nuranə Cümşüd qızı Süleymanova, Kiş, Şəki
Əlaqədar
Avqustda Azərbaycanda rekord həddə qida zəhərlənməsi baş verib
Toyda kütləvi zəhərlənmə baş verdi
Göyçayda toyda 30-dan çox qonaq zəhərlənib
Bakıda Ticarət Mərkəzində baş verən yanğın zamanı 10 nəfər tüstüdən zəhərlənib
Azərbaycanda vətəndaşlar zəhərlənməkdə davam edəcək
Saatlıda qidadan zəhərlənən qadın bir həftə sonra xəstəxanada ölüb
Qəza, arxiv şəkli

Goranboyda ağır qəza 3 nəfər öldü, 4 nəfər xəsarət aldı

22
(Yenilənib 12:43 14.07.2020)
Cinayət işi üzrə hadisə yerinə və meyitlərə baxış keçirilib, şahidlər dindirilib, zəruri ekspertizalar təyin olunub və digər təxirəsalınmaz istintaq hərəkətləri həyata keçirilib.

BAKI, 14 iyul — Sputnik. İyulun 13-də saat 22 radələrində Naftalan şəhərinin Qaşaltı kəndi ərazisində 1993-cü il təvəllüdlü Orxan Həsənəliyevin idarə etdiyi "VAZ 2107" markalı avtomobillə 1996-cı il təvəllüdlü Camal Dadaşovun idarə etdiyi "VAZ 2107" avtomobil toqquşub.

Sputnik Azərbaycan Goranboy prokurorluğunun məlumatına istinadla xəbər verir ki, hadisə zamanı 3 nəfər ölüb, 4 nəfər isə müxtəlif dərəcəli bədən xəsarətləri alıb.

Faktla bağlı Goranboy rayon prokurorluğunda Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.

Cinayət işi üzrə hadisə yerinə və meyitlərə baxış keçirilib, şahidlər dindirilib, zəruri ekspertizalar təyin olunub və digər təxirəsalınmaz istintaq hərəkətləri həyata keçirilib.

Hazırda iş üzrə zəruri istintaq tədbirləri davam etdirilir.

22
Top ilə gənc, arxiv şəkli

Qubada karantin rejimini pozan "futbolçular" cərimə olundular

15
(Yenilənib 12:33 14.07.2020)
Onlar barəsində də İXM-nin müvafiq maddəsi ilə cərimə protokolları tərtib olunub və təyin olunmuş qaydalara riayət etmələri barədə profilaktik söhbətlər aparılıb.

BAKI, 14 iyul — Sputnik. Qubada karantin rejimini pozub futbol oynayanlar saxlanılıb.

Sputnik Azərbaycan DİN-in Mətbuat Xidmətinin Quba regional qrupundan verilən məlumata istinadla xəbər verir ki, RPŞ-nin əməkdaşları tərəfindən keçirilən tədbirlər nəticəsində rayonun Birinci Nügədi kəndi ərazisində qaydaları pozaraq futbol oynayan 25 nəfər şəxs saxlanılıb.

Onlar barəsində də İXM-nin müvafiq maddəsi ilə cərimə protokolları tərtib olunub və təyin olunmuş qaydalara riayət etmələri barədə profilaktik söhbətlər aparılıb.

15
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Akif Aşırlı, Şərq qəzetinin baş redakoru

Akif Aşırlı: “Mediamız bazar münasibətlərində aktiv iştirakçı olmaqdan kənarda qalıb”

0
“Şərq” qəzetinin baş rektoru Akif Aşırlı deyir ki, bu gün çap mediasının vəziyyəti o qədər də ürəkaçan deyil
Akif Aşırlı: “Azərbaycan mətbuatı inkişaf və tənəzzül yolu keçib”

“Həsən bəy Zərdabiyə rəhmət oxuyuruq ki, 145 il əvvəl “Əkinçi” qəzeti ilə Azərbaycan mətbuatının əsasını qoydu”. Bunu Sputnik Azərbaycan-a “Şərq” qəzetinin baş rektoru Akif Aşırlı deyib.

Baş redaktor bildirib ki, 145 il ərzində Azərbaycan mətbuatı inkişaf və tənəzzül yolu keçib: “Azərbaycan mətbuatı beynəlxalq media sisteminin tərkib hissəsidir. Dünya mediasında baş verən yeniliklər bizim çap mediamızda, eyni zamanda digər media qollarımızda tətbiq olunur və biz bu yeniliklərin iştirakçısına çevrilirik. Bu gün çap mediasının vəziyyəti o qədər də ürəkaçan deyil. Medianın bütün qollarında olan problemin ümumi səbəbi reklam bazarı ilə bağlıdır. Azərbaycan mediası son zamanlar bazar münasibətlərində aktiv iştirakçı olmaqdan kənarda qalıb. Bu gün çap mediasının ən önəmli problemlərindən biri də yayımla bağlıdır. Eyni zamanda kadr hazırlıqlarında da dəyişikliklər edilməsi zəruridir. Hazırkı zamanda da çap mediası ən etibarlı mənbə rolunu oynayır”.

Qeyd edək ki, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu tərəfindən qəzet redaksiyalarına maliyyə yardımının göstərilməsi məqsədilə 16 iyun 2020-ci il tarixində elan edilmiş müsabiqə başa çatıb. Müsabiqə qaydalarına uyğun olaraq “Azərbaycan Respublikasında Kütləvi İnformasiya Vasitələrinin İnkişafına Dövlət Dəstəyi Konsepsiyası”nda təsbit olunmuş sahələr üzrə layihə-təkliflər təqdim etmiş qəzet redaksiyalarının müraciətlərinə baxılıb və ümumilikdə 18 qəzetə maliyyə yardımı ayrılıb.

Akif Aşırlının geniş şərhinə audiofaylda qulaq asa bilərsiniz

0