Tikanlı məftil, arxiv şəkli

"Lotu Quli" barəsindəki iddialara cavab verdi

1559
(Yenilənib 14:36 18.11.2016)
Vəkili: "Nadir Səlifovun Rusiya bazaralarına nəzarət etməsi barədə yayılanlar..."

BAKI, 18 noy — Sputnik. ""Lotu Quli" kimi tanınan və hazırda Bakıdakı 8 saylı islah əmək müəssisəsində cəza çəkən Nadir Səlifov adlı kriminal avtoritet Rusiya bazarlarına nəzarət etmir". Bu barədə Sputnik-ə Səlifovun vəkili Təranə Əliyeva məlumat verib.

Kriminal avtoritet Nadir Səlifov
© Photo : PUBLIC DOMAIN
Kriminal avtoritet Nadir Səlifov

Son günlər mətbuatda, Rusiya bazarlarına hazırda iki azərbaycanlı kriminal avtoritetin nəzarət etməsi barədə məlumatlar gedir. Söhbət mərhum Rövşən Canıyevin (Lənkəranski) sağlığında onunla düşmənçiliyi olmuş Vaqif Süleymanov (Diplomat) və Nadir Səlifovdan gedir.

Vəkilin sözlərinə görə, onun Səlifovun "kriminal razborka"larından xəbəri yoxdur və yalnız onun hüquqi statusu ilə maraqlanır: "Sadəcə onunla görüşəndə Rusiya mediasındakı məlumatları müzakirə edərkən Səlifov bildirdi ki, Rusiya bazarlarına nəzarət barədə bütün bu söhbətlərin ona heç bir aidiyyəti yoxdur. Adının göy-göyərti bazarı ilə əlaqələndirilməsinə o, hətta güldü".

Mediadakı məlumatlara əsasən, bütün postsovet məkanında kənd təsərrüfatı bazarlarına nəzarət, əsasən azərbaycanlılara məxsus olub. "Səlifov 22 ildir, islah müəssisəsində cəza çəkir və hazırda biz onun öz vətəninə — Gürcüstana ekstradisiyasına nail olmağa çalığırıq. Bir il əvvəl Gürcüstan rəsmi şəkildə Səlifovun vətəndaşlığını təsdiq etdi. Bundan əlavə, Gürcüstan hüquq-mühafizə orqanları Azərbaycan Ədliyyə Nazirliyinə, Səlifovun cəzasının qalanını vətənində çəkməsi üçün ekstradisiya olunması ilə bağlı sorğu göndərib. Səbəb kimi qohumlarının Səlifovla görüşmək imkanının olmaması göstərilir", — deyə Əliyeva bildirib.

Qeyd edək ki, bütün bu dövr ərzində Səlifovda, Azərbaycan vətəndaşının şəxsiyyət vəsiqəsi olmayıb. Bundan əlavə, Dövlət Miqrasiya Xidməti onun Azərbaycan vətəndaşı olmadığını təsdiqləyib. "Lotu Quli"nin yalnız sovet pasportu var.

Gürcüstan vətəndaşı olan Səlifov sovet vətəndaşı pasportu ilə 1995-ci ildə həbsxanaya düşüb, 1996-cı ildə hədə-qorxu yolu ilə pul alma, insan oğurluğu və qeyri-qanuni silah saxlama ittihamları ilə 27 il müddətinə azadlıqdan məhrum edilib. Sonra Səlifovun cəza müddəti artırılıb. Səbəb kimi 2001-2004-cü illərdə həbsxanada olarkən qadınları zorlaması göstərilir.

İstintaq materiallarına əsasən, 2001-ci ilin mayında Səlifov, ona kartda 280 min manat uduzmuş bir məhbusun şərəf və ləyaqətini təhqir edib. Guya ki, Səlifov mobil telefonla uduzanın həyat yoldaşına zəng edərək ərini öldürməklə hədələyib və qadından həbsxanaya gəlməsini tələb edib. İddia olunur ki, qeyri-qanuni yolla qadını içəri keçirən Səlifov onu orada dəfələrlə zorlayıb.

Həmçinin bildirilir ki, Səlifov 6 və 16 saylı İƏM-də, həmçinin Qobustan qapalı tipli həbsxanasında saxlanarkən, qardaşı Müşfiqin köməyi ilə ora, adları istintaq məlum olan 8 qadının gətirilməsinə nail olub. Müəssisələrin vəzifəli şəxsləri tərəfindən onun üçün ayrılmış xüsusi otaqlarda Səlifovun qadınları zorladığı və hətta bu işə digər məhbusları da cəlb etdiyi də qeyd olunur.

Səlifovun vəkilləri bu istintaq işinin qurama olduğunu və Səlifovun cəza müddətini artırmaq məqsədini güddüyünü bəyan ediblər. "Hazırda Gürcüstan və Azərbaycan dövlət qurumları arasında Səlifovun ekstradisiyası məsələsi ilə bağlı yazışma gedir. Biz nəticələri gözləyirik. Prinsip etibarilə Azərbaycan hüquq-mühafizə orqanlarının gürcüstanlı həmkarlarına etiraz etmək üçün əsasları yoxdur", — deyə Təranə Əliyeva qeyd edib.

Öz növbəsində, cinayət aləmi ilə yaxın olan mənbə Sputnik-ə Səlifovun həqiqətən də Rusiya bazarlarına nəzarət etmədiyini bildirib. Mənbənin sözlərinə görə, Səlifovun bazarlara qismən aidiyyəti var.

"O, kifayət qədər çəkiyə malik olmadığı üçün, bazarlara tək nəzarət etmir. Səlifov həmişə kiminsə yanındadır. Yalnız Quliyə məxsus olan bir dənə də böyük obyekt yoxdur. Hazırda mətbuatda müşahidə etdikləriniz kriminal avtoritetlərin nüfuz dairələrini bölüşdürmə cəhdləridir", — deyə mənbə vurğulayıb.

1559
Teqlər:
Təranə Əliyeva, Rusiya bazarları, kriminal avtoritet, Nadir Səlifov, "Lotu Quli", vəkil, cinayət, həbs
Əlaqədar
Rövşən Lənkəranskinin İtaliya sərgüzəştləri kriminal aləmi silkələyəcək
Kriminal aləmdə tarixi ittifaq
Bakıda "kriminal avtoritet"lər arasında atışma olub
Azərbaycanda böyük kriminal kataklizmlər təhlükəsi
Qadınlarla bağlı kriminal xəbərləri yaymalı, yoxsa yaymamalı?!
Tüfəng, arxiv şəkli

Ağcabədi sakini qardaşı oğlunu güllələdi

34
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

34

Azərbaycanda Milli Park yanır

67
İlkin məlumata görə, təqribən 5 ha sahədə quru ot və kol-kos yanır. Yanğının baş verdiyi ərazi çətin keçilən mürəkkəb relyefdə yerləşir.

BAKI, 19 oktyabr - Sputnik. Fövqəladə Hallar Nazirliyinin "112" qaynar telefon xəttinə Quba rayonunun Xanəgah kəndində Şahdağ Milli Parkının ərazisində yanğın olması barədə məlumat daxil olub.

FHN-dən Sputnik Azərbayca-a verilən məlumata görə, Dövlət Yanğından Mühafizə Xidmətinin yanğından mühafizə bölmələri, Mülki müdafiə qoşunlarının şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları yanğınsöndürmə işlərinə cəlb ediliblər. İlkin məlumata görə, təqribən 5 ha sahədə quru ot və kol-kos yanır.

Yanğının baş verdiyi ərazi çətin keçilən mürəkkəb relyefdə yerləşir. Hazırda yanğınsöndürmə işləri davam etdirilir.

67
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0