Qaz idarəsinin işçisini qətlə yetirdilər

293

13:00 14.11.2016

Əməliyyatçılar qətldə şübhəli bilinən yerli sakinin ölkədən çıxışına qadağa qoyublar və qətlin səbəbləri araşdırılır

BAKI, 14 noy — Sputnik. Ağstafa rayon Qaz İstismar İdarəsinin sürücüsü aldığı kəllə-beyin travması nəticəsində dünyasını dəyişib. Bu barədə Sputnik-ə Ağstafa rayon Polis İdarəsindən məlumat veriblər.

Qazaxda 16 yaşlı oğlan həmyaşıdını qətlə yetirib

Qətl hadisəsi bazar günü saat doqquz radələrində qeydə alınıb. 1983-cü il təvəllüdlü Ağstafa şəhər sakini Hacıyev Tural Vaqif oğlu kəllə-beyin travması diaqnozu ilə rayon Mərkəzi Xəstəxanasına gətirilib. Kişi xəstəxanaya çatdırılandan bir neçə dəqiqə sonra beyin qanaması nəticəsində dünyasını dəyişib.

Məlum olub ki, Hacıyevi öz avtomobilində xəstəxanaya gətirən şəxs dərhal yoxa çıxıb. Lakin əməliyyatçılar tezliklə həmin adamın şəxsiyyətini müəyyənləşdiriblər. Həmin şəxs 1985-ci il təvəllüdlü Əliyev Samir Hüseyn oğlu olub. O, qətlin törədilməsində şübhəli bilinir. İlkin məlumatlara görə, Əliyev Hacıyevin başına küt alətlə zərbə endirib.

Hələlik qətlin motivi bəlli deyil və Əliyev saxlanılmayıb. Hazırda bu istiqamətdə operativ axtarış tədbirləri həyata keçirilir. Polis əmindir ki, Əliyev ölkə hüdudlarını tərk etməyib, çünki axtarışda olan şəxslərin ölkədən çıxışına dərhal qadağa qoyulur. Rayon prokurorluğunda fakt üzrə araşdırma aparılır.

293

Teqlər:

xəstəxana, polis, qətl, kəllə-beyin travması, Qaz İstismar İdarəsi, Ağstafa

Əlaqədar
Qalmaqallı qətlin sifarişçisi Lənkəranski deyilmiş

Əməkdar artistin qardaşı öz qohumunun qətlində iştirak edib

Lənkəranskinin qətli ilə bağlı yeni faktlar ortaya çıxıb

Keçmiş arvadını qətlə yetirdi, baldızını isə yaraladı

Oğul 78 yaşlı atasını qətlə yetirib

Bakıda daha bir intihar - özlərini eyni üsulla öldürdülər

44

19:22 26.01.2021(Yenilənib 19:55 26.01.2021)

Hadisə yanvarın 26-sı saat 17 radələrində paytaxtın Binəqədi rayonu, S.S.Axundov küçəsində qeydə alınıb

BAKI, 26 yanvar - Sputnik. Bakıda daha bir intihar hadisəsi baş verib.

Sputnik Azərbaycan "Report"a istinadən xəbər verir ki, hadisə yanvarın 26-sı saat 17 radələrində paytaxtın Binəqədi rayonu, S.S.Axundov küçəsində qeydə alınıb.

Bakı sakini, 1983-cü il təvəllüdlü Məmmədzadə Səbinə Adil qızı yaşadığı çoxmərtəbəli binanın 6-cı mərtəbəsindən özünü ataraq intihar edib.

Faktla bağlı Binəqədi rayon Prokurorluğu tərəfindən araşdırmalar davam etdirilir.

Qeyd edək ki, iki gün əvvəl Bakının Nərimanov rayonunda oxşar intihar hadisəsi olmuşdu. 1991-ci il təvəllüdlü Qurbanova Sevda Şikar qızı özünü yaşadığı binanın 18-ci mərtəbəsindən atmış, hadisə yerində keçinmişdi.

44

Teqlər:

qadın, Bakı, intihar

Can bazarında axtarışlar: Xırdalanda xilasetmə işləri - FOTO

16

17:41 26.01.2021(Yenilənib 17:35 26.01.2021)

On səkkiz saat davam edən axtarışlardan sonra FHN-in xilasediciləri körpə Fatimənin cansız bədənini dağıntılar arasından çıxara bildilər

Yanvarın 25-i saat 18:40-da Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində partlayış baş verib. Nəticədə uçqun olub. FHN xilasediciləri dağıntılar altından 6 nəfəri xilas ediblər. İki nəfər isə təəssüf ki, həlak olub.

Sputnik Azərbaycan bildirir ki, həlak olanlardan biri - 2012-ci il təvəllüdlü Musayeva Fatimə Vüsal qızının meyitini xilasedicilər bu gün günorta saatlarında dağıntılar arasından çıxara biliblər. Fatimənin anası, 33 yaşlı Aytən Musayevanın meyiti isə dünən gecə saatlarında tapılıb. Onun həyat yoldaşı, 38 yaşlı Vüsal Musayev və 12 yaşlı oğlu Firudin Musayev partlayışdan sağ qurtulsalar da, xəsarət aldıqlarından xəstəxanaya yerləşdiriliblər.

Dağıntılar arasında axtarışlara Fövqəladə Hallar Nazirliyinin 228 əməkdaşı, eləcə də 19 texnikası, dörd xidmət iti, həmçinin Dövlət Yanğından Mühafizə Xidmətinin 20 əməkdaşı və 3 ədəd texnikası cəlb edilmişdi.

16

Teqlər:

fotolent, axtarış, xilasedicilər, dağıntılar, partlayış, Xırdalan

Putin prezident Baydenlə ilk dəfə danışdı, ABŞ-ın arzusunu yerinə yetirdi

5

23:15 26.01.2021(Yenilənib 23:17 26.01.2021)

Vladimir Putin Cozef Baydenlə ABŞ prezidenti qismində ilk dəfə telefonla danışıb. ABŞ-ın təşəbbüsü ilə baş tutan danışıqda Baydenin arzusunda olduğu məsələ həllini tapıb

BAKI, 26 yanvar - Sputnik. Rusiya Prezidenti Vladimir Putin ABŞ-ın yeni seçilmiş dövlət başçısı Cozef Baydenlə bu gün telefonla danışıb.

Sputnik Azərbaycan bildirir ki, bu barədə Kremlin mətbuat xidməti məlumat yayıb.

Co Baydenin mətbuat katibib Cen Psakinin sözlərinə görə, telefon danışığı ABş tərəfinin təşəbbüsü ilə baş tutub.

Putin həmkarını ABŞ prezidenti postunda işə başlaması münasibətilə təbrik edib.

Kremlin məlumatına görə, Putin dünyada təhlükəsizlik və sabitliyin qorunmasına görə məsuliyyətləri nəzərə alınmaqla Rusiya ilə ABŞ-ın münasibətlərinin normallaşmasının hər iki ölkənin, eləcə də bütün dünyanın xeyrinə olacağını vurğulayıb.

Psakinin sözlərinə görə, ABŞ tərəfinin əsas niyyətlərindən biri Strateji Hücum Silahlarına dair Müqavilənin (SHS-3) 5 il müddətinə uzadılması olub. Prezidentlər müqavilənin uzadılması barədə razılığa gəliblər.

Həmçinin dövlət başçıları koronavirus pandemiyasına qarşı mübarizədə, eləcə də ticari-iqtisadi əlqələr daxil olmaqla digər sahələrdə də əməkdaşlıq imkanlarını müzakirə ediblər. Beynəlxalq və ikitərəfli gündəmin aktual məsələləri də müzakirə obyekti olub.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq

5