Çarəsiz qız

Dayı bacısı qızının adına elə bir söz çıxardı ki...

1043
(Yenilənib 16:41 08.11.2016)
70 yaşlı kişi 17 yaşlı bacısı qızını anasının qətlində günahlandırıb

BAKI, 8 noy — Sputnik. Hacıqabul rayonu Meyniman kəndinin sakini Ağacanlı Səadət Səxavət qızı öz anasını öldürməyib. Yaxın qohumu ondan canını qurtarmaq üçün 17 yaşlı qıza böhtan atıb.

Bu barədə Sputnik-ə Hacıqabul Rayon Polis İdarəsindən məlumat veriblər. KİV-də yayılan məlumatlara görə, noyabrın 5-də Meyniman kəndində Səadət Ağacanlı adlı qız anası — 52 yaşlı Babayeva Təranə Ağasəlim qızını ölənə qədər döyüb. Bununla əlaqədar olaraq sosial şəbəkələrdə qızı kəskin şəkildə ittiham etmiş, onun hərəkətini qınamışdılar.

Rayon Polis İdarəsindən verilən xəbərə görə isə, qızın anasını döyərək öldürməsi barədə informasiyalar doğru deyil: "Biz də KİV-də gedən məlumatları oxumuşuq və hətta onu kimin yaydığını da bilirik. Bu, Təranə Babayevanın 70 yaşlı qardaşı Günəş Həsənovdur. O, jurnalistlərə verdiyi açıqlamada deyib ki, bacısı qızı anasını vəhşicəsinə döyüb və nəticədə ana ölüb. Bu isə, həqiqətə uyğun deyil".

Məlumata görə, qadın uzun müddət yataq xəstəsi olub. Babayevanın bədənində zorakılıq yolu ilə öldürüldüyünü isbat edən əlamətlər olmayıb. Hüquq-mühafizə orqanları onun cəsədini tədqiqat üçün morqa göndəriblər və hazırda məhkəmə-tibbi ekspertizasının rəyini gözləyirlər. Babayevanın qızı saxlanılmayıb, çünki onun qətldə iştirakı sübut olunmayıb.

Günəş Həsənov da saxlanılmayıb. Baxmayaraq ki, ona Cinayət Məcəlləsinin 147-ci maddəsi (böhtan) ilə cinayət işi açılmalı idi.

Bu arada Həsənovun öz bacısı qızına niyə böhtan atmasının da səbəbləri məlum olub. Polisin sözlərinə görə, kişi əmlakın bir hissəsinə sahib olan Səadətdən yaxa qurtararaq onun əmlak payını ələ keçirmək istəyib. Bununla da o, öz oğullarına "gün ağlamaq" niyyəti güdüb.

Qohumlar arasındakı münasibətləri nəzərə alan polis əməkdaşları qızı himayəyə almağı rayonun icra hakimiyyətinə həvalə ediblər. Həsənovu isə xəbərdar ediblər ki, əgər o, Ağacanovaya qarşı qanunsuz tədbirlər görsə, cinayət məsuliyyətinə cəlb ediləcək.

"Hazırda rayon prokurorluğu işin detallarını araşdırır. Həsənovun hərəkətlərində cinayət tərkibi olsa, o, məsuliyyətə cəlb ediləcək" — deyə polis bildirib.

O da məlum olub ki, Həsənov əvvəllər bacısı qızını psixiatrik müalicəyə aparıb. Ağacanova psixi cəhətdən sağlam olduğu üçün uzun müddət ruhi xəstələrin arasında dözə bilməyib.

1043
Teqlər:
Təranə Babayeva, Səadət Aöacanlı, Meyniman, qətl, qız, Hacıqabul, ana
Əlaqədar
Sevgisini ləkədən qorumağa çalışan qız özünü çaya atır
Polis gənc qızı intihar fikrindən necə daşındırdı?
On dörd yaşlı qız yeznəsinə qoşulub qaçıb
Bakıda dəhşət: Ana qızlarını ərinin təcavüzündən qorumaq üçün...
Maştağada yeniyetmələr qızı belə zorladılar
Krımda sel suları

Məşhur kurort şəhəri selə təslim oldu, evlər, maşınlar su altında

13
(Yenilənib 14:58 19.06.2021)
Turistlərin sevimli məkanlarından olan Yalta şəhərinin sakinləri təbiətin qəzəbini öz üzərlərinə hiss ediblər.

BAKI, 19 iyun — Sputnik. Rusiyanın Yalta şəhərini sel basıb. Yüzdən artıq ev suyun altında qalıb. Şəhərdə su təchizatı dayandırılıb. Bu barədə şəhər administrasiyasının başçısı Yanina Pavlenko məlumat verib.

Bundan əlavə, onun sözlərinə görə, 7 211 abonentin elektrik təchizatı dayandırılıb.

608 nəfər təxliyə olunub, onlardan 50-si həddi-buluğa çatnmayanlardı. 235 abonentin qaz təchizatı dayandırılıb.

Pavlenko bildirib ki, artıq problemlər həll olunur, bir çox yerlərdə elektrik bərpa olunur, suyun verilməsinin bərpası isə axşama planlaşdırılıb.

Şəhərdə sel suyunun kənara və xüsusi yerlərə vurulması prosesi təşkil edilib. Bundan əlavəı, maşınlarla içməli suyun təchizatı təşkil olunub.

Krımda yağan yağışlar iyunun 17-də güclü daşqınlara səbəb olub, nəticədə yarımadanın şərqində 300-dən artıq ev suyun altında qalıb, bir gecəyə buraya iki aylıq normada yağıntı düşüb. Cümə günü kəskin hava şəraiti Yaltaya doğru irəliləyib, nəticədə çaylar məcralarından çısıb, küçə evlər suyun altında qalıb.

13
Приморский парк в Баку

Bazar günü 40 dərəcəyədək isti olacaq

178
(Yenilənib 13:00 19.06.2021)
Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

BAKI, 19 iyun — Sputnik. Azərbaycanda iyunun 20-də gözlənilən hava şəraiti açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Bakıda və Abşeron yarımadasında sabah hava şəraitinin günəşli keçəcəyi gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 23-25 isti, gündüz 30-35 isti, Bakıda gecə 23-25 isti, gündüz 32-34 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

Abşeron çimərliklərində şimal-şərq küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 22-23° isti, cənub çimərliklərində: (Türkan, Hövsan, Sahil, Şıx) 23-24° isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq. Şərq küləyi əsəcək. Havanın temperaturu gecə 20-25 isti, gündüz 35-40 isti, dağlarda gecə 13-18 isti, gündüz 22-27 dərəcə isti olacaq.

178
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

0
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

0