Yanğın

Qaz sızması bir ailənin faciəsinə səbəb oldu

381
Ailə üzvlərindən biri hadisə yerində dünyasını dəyişib, üçünün isə vəziyyəti ağırdır

BAKI, 20 okt — Sputnik. Abşeron rayonunun Hökməli qəsəbəsindəki yaşayış evində dəhşətli partlayış baş verib. Evin yaxınlığından keçən, yeni çəkilmiş qaz xəttindəki sızma nəticəsində mənzilin zirzəmisinə qaz dolub.

Oktyabrın 20-si səhər saat 05 radələrində evin xanımı Şəbruz Novruzova namaz qılmaq üçün ayağa qalxarkən mətbəxin işığını yandırıb. Bu vaxt evin zirzəmisinə dolan qaz partlayışa səbəb olub. Ev tamamilə dağılıb.

Məlumata görə, ev sahibi Müşfiq Qurbanov "Azəravtoyol" Açıq Səhmdar Cəmiyyətinin əməkdaşıdır. Evin xanımı Ş.Novruzova isə N.Tusi adına klinikada həkim işləyir. Hadisə nəticəsində ağır yanıq xəsarətləri alan ev sahibi, 44 yaşlı M.Qurbanov, onun həyat yoldaşı 44 yaşlı Ş.Novruzova və övladları — 12 yaşlı Leyla Qurbanlı yanıq xəsarətləri ilə Respublika Yanıq Mərkəzinə yerləşdiriliblər, 3 yaşlı Banıçiçək Qurbanlı isə dünyasını dəyişib.

Baş vermiş partlayış nəticəsində xəsarət alan 3 nəfərin vəziyyəti ağırdır. Bu barədə Trend-ə Əziz Əliyev adına Azərbaycan Dövlət Həkimlərin Təkmilləşdirilməsi İnstitutunun Plastik və Konstruktiv Cərrahiyyə Klinikasının Yanıq şöbəsinin müdiri Şöhrət Məmmədov məlumat verib.

Şöbə müdiri bildirib ki, yaralılar hazırda reanimasiya şöbəsindədir: "Hökməli qəsəbəsindəki partlayışla bağlı 3 nəfər — 1972-ci il təvəllüdlü Müşfiq Qurbanov, 1972-ci il təvəllüdlü Şəbruz Novruzova və 2004-cü il təvəllüdlü Leyla Qurbanlı ağır dərəcəli yanıq xəsarətləri ilə şöbəyə daxil olublar. Hazırda hər üçünün vəziyyəti ağırdır. Müşfiq Qurbanovun bədəninin 80 faizi, Şəbruz Novruzovanın bədəninin 80 faizi, Leyla Qurbanlının bədəninin isə 40 faizi yanıb. Hazırda xəstələrə lazım olan bütün tibbi yardımlar edilir".

381
Teqlər:
qaz sızması, mənzil, ev, yanğın, partlayış, Hökməli, Abşeron
Əlaqədar
Göygöldə partlayış olub, qadın yanıb
"Araz" zavodunda partlayış zamanı xəsarət alanlardan daha ikisi evə buraxılıb
Neft yatağında güclü partlayış olub
Zavodda baş vermiş partlayış zamanı xəsarət alanlardan bir neçəsi evə buraxılıb
Şirvanda baş vermiş partlayış nəticəsində iki nəfər ölüb
Hərbi zavodda baş vermiş partlayışla bağlı cinayət işi açıldı
Polis əməkdaşı Qarabağda, arxiv şəkli

Qarabağa icazəsiz gedən azərbaycanlılar saxlanıldılar - FOTO

5
Polisin saxladığı şəxslər barəsində İnzibati Xətalar Məcəlləsinin müvafiq maddələri ilə tədbirlər görülüb.

BAKI, 8 mart - Sputnik. Səhərə yaxın Füzuli rayonu ərazisində polis işçilərinin sayıqlığını yoxlamağa cəhd edənlər saxlanılıblar. 

Daxili İşlər Nazirliyindən Sputnik Azərbaycan-a verilən məlumata görə, martın 7-də gecə saat 5 radələrində DİN-in polis əməkdaşları və Daxili Qoşunların hərbi qulluqçuları tərəfindən Füzuli rayonunun işğaldan azad olunmuş kəndlərinə nəzarət postlarından kənar yollarla daxil olmağa cəhd göstərən 2 avtomobildə olan 4 nəfər saxlanılıb və aidiyyəti üzrə Füzuli RPŞ-yə gətirilib.

© AR Ministry of Internal Affairs
İşğaldan azad edilmiş ərazilərə qanunsuz keçməyə çalışan Beyləqan sakinləri

Araşdırmalarla onların Beyləqan rayonunun 1-ci Şahsevən kənd sakinləri S.Teymurlu, H.Şirinov, C.Əşrəfli və F.Əbilov olmaları müəyyən edilib. Aşkar edilən həmin şəxslər barəsində İnzibati Xətalar Məcəlləsinin müvafiq maddələri ilə qanunamüvafiq tədbirlər görülüb.

Qeyd edək ki, DİN müvafiq icazə almadan, eləcə də nəzarət postlarından kənar yollarla işğaldan azad edilmiş ərazilərə mülki şəxslərin keçmələrinin onların həyat və sağlamlıqları üçün ciddi təhlükə olması və buna görə də belə hərəkətlərdən çəkinmələri barədə dəfələrlə xəbərdarlıq edib.

5
Teqlər:
Beyləqan, Füzuli, işğaldan azad edilmiş ərazilər, Qarabağ

Sürüşmə deyil, köhnə süxur kütləsi yer dəyişib - Nazirlik rəsmisi

9
Bu gün Badamdarda torpaq sürüşməsi olub, Badamdar şossesi yenidən bağlanıb, yaxınlıqda olan restoranın isə pəncərəsi sınıb

BAKI, 8 mart - Sputnik. Badamdar qəsəbəsində baş verən sürüşmə hadisəsi ilə bağlı Ekologiya və Təbii Sərvətlər Nazirliyinin  Milli Geoloji Kəşfiyyat Xidmətinin qrup rəhbəri Rafiq Həsənov açıqlama verib.

Sputnik Azərbaycan APA-ya istinadən bildirir ki, Rafiq Həsənov Badamdar sürüşmə sahəsinə baxış keçirildiyini bildirib: “Əraziyə baxış zamanı məlum olub ki, 28 yanvarda baş verən sürüşmə hadisəsi nəticəsində axıb gəlmiş sürüşmə kütləsinin təbii amillər, əsasən də son zamanlar atmosfer yağıntıların nəticəsində yerinin dəyişməsi qeydə alınıb. Əslində qruntun yer dəyişməsi ümumilikdə sürüşmə prosesini aktivləşməsi kimi qiymətləndirilməməlidir. Bu sadəcə dayanıqlılığı pozulmuş süxur kütləsinin yer dəyişməsi kimi qiymətləndirilir”.

Qeyd edək ki, bu gün Badamdarda torpaq sürüşməsi olub, Badamdar şossesi yenidən bağlanıb, yaxınlıqda olan restoranın isə pəncərəsi sınıb. 

9
Teqlər:
açıqlama, ETSN, Badamdarda sürüşmə
Türkiyə hərbi helikopter, arxiv şəkli

Amerika Türkiyə ilə Pakistanın işinə qarışdı, müqaviləyə qadağa qoydu

0
(Yenilənib 13:54 08.03.2021)
2018-ci ilin iyulunda Türkiyə ilə Pakistan 30 ATAK zərbə vertolyotunun tədarükü barədə razılaşma imzalamışdı. Bu, müdafiə sənayesi sahəsində birdəfəlik tədarük üzrə Türkiyənin ən böyük müqavilələrindən hesab olunurdu

BAKI, 8 mart - Sputnik. ABŞ Türkiyənin 30 ədəd ATAK zərbə vertolyotunun Pakistana tədarükünə mane olub. Böyük ehtimalla həmin vertolyotları Çin alacaq. 

S-400 zenit-raket sistemi, arxiv şəkli
© AFP 2021 / DIMITAR DILKOFF

Sputnik Azərbaycan bildirir ki, bu barədə Türkiyə Prezidenti Rəcəb Tayyib Ərdoğanın sözçüsü İbrahim Kalın Bloomberg-ə Rusiyadan alınan S-400 ZRK-ya görə ABŞ-ın Türkiyəyə tətbiq etdiyi sanksiyalar barədə danışarkən deyib. 

2018-ci ilin iyulunda Türkiyə ilə Pakistan 30 ATAK zərbə vertolyotunun tədarükü barədə razılaşma imzalamışdı. Bu, müdafiə sənayesi sahəsində birdəfəlik tədarük üzrə Türkiyənin ən böyük müqavilələrindən hesab olunurdu. Dəyəri 1,5 milyard dollar qiymətləndirilən müqavilə Türkiyənin Rusiyadan S-400 ZRK aldığına görə ABŞ-ın qardaş ölkəyə mühərriklərin ixracına lisenziya verməkdən imtina etməsi səbəbilə gerçəkləşməyib. Türkiyə hazırda vertolyot mühərriklərinin işlənib-hazırlanması üzrə iş aparır.

"ABŞ bizim Pakistana vertolyot satmaq planımızı yarıda qoydu. Bunun nəticəsində, tender, çox güman ki, Çinə qismət olacaq, uduzan isə ABŞ olacaq", - Kalın söyləyib.

Kalın xatırladıb ki, Türkiyə ABŞ-ın Patriot sistemini almaq istəsə də, ABŞ-dan təsdiq cavabı gəlməmişdi. Türkiyənin NATO-dakı digər tərəfdaşı Fransa isə Еurosаm fransız-italyan konserninin HHM sistemi üzrə Ankarayla aparılan danışıqları Suriya məsələsinə görə dondurmuşdu.

"Türkiyə Rusiya ilə fikir ayrılıqlarını konstruktiv dialoq sayəsində həll edir, eyni işi ABŞ-la da görə bilərik", - Türkiyə Prezidentinin sözçüsü deyib.

 

0
Teqlər:
İbrahim Kalın, sanksiya, müqavilə, tədarük, vertolyot, helikopter, Pakistan, Türkiyә, ABŞ