Fikrət Məmmədov - Ədliyyə naziri

Dələduzluğun qurbanı olan vətəndaş nazirdən kömək istəyir

244
Masallı sakin: "Nə edəcəyimi bilmirəm və çıxılmaz durumda qaldığımdan Sizə üz tuturam"

BAKI, 28 sen — Sputnik. "2009-cu ildə Moskva Univermağında satıcı işləyərkən, həmyerlim, 1977-ci il təvəllüdlü Məmmədov Zaur Qalabəy oğlu mənim etibarından sui-istifadə edərək 3700 dollar məbləğində qızıl-zinət əşyalarını götürərək geri qaytarmayıb. 2015-ci ildə iddia ərizəsi ilə Masallı rayon Məhkəməsinə müraciət etdim və məhkəmə iddiamı təmin edərək qətnamə çıxardı. Qərarda da göstərilirdi ki, Z.Məmmədov mənə 3700 dollar vəsaiti ödəməlidir".

Elnur Ağayev
© Photo : / Elnur Ağayevin şəxsi arxivindən
Elnur Ağayev

Bu sözləri Sputnik-ə açıqlamasında Masallı rayon sakini Ağayev Elnur Azər oğlu deyib. Problemlə əlaqədar ədliyyə naziri Fikrət Məmmədova məktub ünvanlayan vətəndaş yazır: "Mənim mülki işimlə bağlı 04.04.2016-ci il tarixdə Z. Məmmədov məhkəmə qərarını könüllü icra etmədiyi üçün, 10 sutka inzibati həbsə məhkum edildi. 14.04.2016-cı il tarixdə mən tələbkar kimi işi aparan Masallı rayon icra şöbəsinin icra məmuru ilə telefon əlaqəsi yaratdım. İşimin nə yerdə olduğunu soruşduqda icra məmuru mənə borclunun yenidən başqa bir cinayət əməlinə görə bir il həbs olunma xəbərini verdi".

"Qərarın icrası üçün Masallı rayon İcra Şöbəsinə müraciət etdim. Şöbənin rəisi İsmayıl Abazəliyev mənə rəsmi cavab verdi. Cavabda bildirilir ki, borclu Məmmədov Zaur Qalabəy oğlu Salyan rayonun 5 saylı Cəzaçəkmə müəssisəsində cəza çəkir. Ona görə də icra sənədi "İcra haqqında" qanunun 10 və 24-cü maddələrinə əsasən həmin cəzaçəkmə müəssisəsinə göndərilib", — deyə E. Ağayev bildirir.

O, icra sənədinin icra olunması üçün 5 saylı Cəzaçəkmə Müəssisəsinə müraciət edib. Buradan da ona bildirilib ki, borclu hazırda işləmədiyi üçün borcunu qaytarması qeyri-mümkündür.

Zərərçəkmiş yekunda ədliyyə nazirindən yardım istəyir: "Cənab nazir, nə edəcəyimi bilmirəm və çıxılmaz durumda qaldığımdan Sizə üz tuturam. Sizdən xahişim odur ki, 3700 dollar məbləğində vəsaitimin Məmmədov Zaur Qalabəy oğlundan alınaraq mənə verilməsi üçün müvafiq göstəriş və tapşırıqlarınızı verəsiniz".

244
Teqlər:
Fikrət Məmmədov, Ağayev Elnur Azər oğlu, Masallı, dələduz, dollar, Məmmədov Zaur Qalabəy oğlu, Moskva Univermağı
Əlaqədar
Binə Ticarət Mərkəzinin rəhbərinə qarşı dələduzluq ittihamı
QHT rəhbəri dələduzluğa görə 10 il azadlıqdan məhrum edilib
Dələduzluq edən və sənədləri saxtalaşdıran şəxs saxlanıb
Dələduzluq yolu ilə milyonları oğurlamış iş adamı axtarışa verilib
 Hafiz Əzimzadə

Ağdamda minaya düşən şəxsdən xəbər var - FOTO

77
(Yenilənib 22:09 03.03.2021)
Bu gün saat 15 radələrində 1967-ci il təvəllüdlü Hafiz Əzimzadə Ağdam rayonunun işğaldan azad edilmiş Novruzlu kəndi ərazisində su quyularının bərpası işləri ilə məşğul olan zaman minaya düşüb.

Emin Babayev, Sputnik Azərbaycan

BAKI, 3 mart — Sputnik. Ağdam rayonunun Novruzlu kəndi ərazisində minaya düşən Mexaniki Suvarma İdarəsinin rəisi Hafiz Əzimzadənin durumu haqda həkimi Sputnik Azərbaycan-a məlumat verib.

Bərdə rayon Mərkəzi Xəstəxanasının həkim-travmatoloqu Xalid Məmmədov bildirib ki, az əvvəl Hafiz Əzimzadənin əməliyyatı uğurla başa çatıb: “Bu gün partlayış travması nəticəsində xəstə ağır vəziyyətdə Bərdə rayon Mərkəzi Xəstəxanasına gətirildi. Xəstə sağ aşağı ətrafında, baldırın aşağı üçdə bir hissəsində sümük əzələ sistemi dağılmış vəziyyətdə daxil olub. Yaranın həyat üçün təhlükə yarada biləcəyi nəzərə alınaraq, xəstənin baldırının yuxarı üçdə bir hissəsində amputasiya əməliyyatı aparıldı. Hazırda xəstə üçün reanimasiya tədbirləri davam etdirilir. Vəziyyəti ümumi orta ağır olaraq qalır”. 

© Sputnik / Emin Babayev
Travmatoloq Xalid Məmmədov

Qeyd edək ki, bu gün saat 15 radələrində 1967-ci il təvəllüdlü Hafiz Əzimzadə Ağdam rayonunun işğaldan azad edilmiş Novruzlu kəndi ərazisində su quyularının bərpası işləri ilə məşğul olan zaman minaya düşüb.

77
Teqlər:
amputasiya, əməliyyat, mina, vəzifəli şəxs, Ağdam

Dağıstanda vəhşi quşlar naməlum səbəbdən qırılır

9
(Yenilənib 19:06 03.03.2021)
Yerli balıqçılar deyirlər ki, torları daha dərinə salmağa məcbur olublar, çünki balıqdan çox quş leşi ovlayırlar

BAKI, 3 mart - Sputnik. Dağıstanın Aqraxan və Mahaçqala yaxınlığındakı "Qarışqa yuvası" körfəzlərində vəhşi quşların kütləvi surətdə qırılması qeydə alınıb.

Bu barədə RİA Novosti-yə Xəzər Təbiəti Mühafizə Mərkəzinin rəhbəri Zaur Qazipov bildirib. 

Quşların leşini ilk olaraq həvəskar balıqçı Ömər Əliyev aşkarlayıb. O, sosial şəbəkədə video və foto paylaşaraq ekoloqlarla hökumət nümayəndələrinin diqqətiniu cəlb edib.

"Aqraxan körfəzində ördək və qu quşlarının kütləvi surətdə ölməsi barədə bizə məlumat daxil oldu. Sahil patrulunu, Mərkəzin alim və əməkdaşlarını, eləcədə DDU-nun Ekologiya və Davamlı İnkişaf İnstitutunun mütəxəssislərini əraziyə göndərdik. "Qarışqa yuvası"nda bir neçə cür ov quşu, ördəklərlə qu quşları ölüb. Onlardan laboratoriya analizləri üçün bioloji material götürülüb. Bir neçə versiyanı gözdən keçiririk: ya brakonyerlər vurublar, ya da zəhərlənmə, xəstəlik olub", - Qazipov deyib.

Ömər Əliyev isə hesab edir ki, səbəb suyun bulanıq olmasıdır.

"Aqraxan körfəzi həmişə şəffaf suyu ilə məşhur olub. Bir aydır ki, suyun bulanıqlığı keçmir. Pis qoxu, yaxud da suyun üzündə çirk ləkəsi yoxdur. Quş leşi həddən çoxdur. Yarımcanlar da çırpınaraq can verir. Yerli balıqçılar deyirlər ki, torları daha dərinə salmağa məcbur olublar, çünki balıqdan çox quş leşi ovlayırlar. Ovçular deyirlər ki, quşlar yağlıdır, yəni ölüm səbəbi aclıq deyil", - Əliyev deyir.

9
Teqlər:
ov, qırılma, ölüm, quş, Dağıstan
Bakıda yağışlı hava, arxiv şəkli

Sabahın hava proqnozu: qar da yağacaq. yağış da

0
(Yenilənib 14:48 04.03.2021)
Martın 5-də Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

BAKI, 4 mart — Sputnik. Martın 5-də Bakıda və Abşeron yarımadasında buludlu hava şəraitinin üstünlük təşkil edəcəyi, bəzi yerlərdə yağış yağacağı, gündüz tədricən kəsiləcəyi gözlənilir. Cənub küləyi əsəcək.

Milli Hidrometeorologiya Xidmətindən Sputnik Azərbaycan-a bildirilib ki, havanın temperaturu Bakıda və Abşeron yarımadasında gecə 4-6, gündüz 6-8 dərəcə isti olacaq. Atmosfer təzyiqi normadan yüksək 768 mm civə sütunundan 764 mm civə sütununa enəcək, nisbi rütubət 70-80 faiz təşkil edəcək.

Martın 5-də Azərbaycanın rayonlarında hava şəraitinin arabir yağıntılı olacağı, bəzi yerlərdə qar yağacağı, gündüz tədricən kəsiləcəyi gözlənilir. Bəzi yerlərdə duman olacaq, mülayim qərb küləyi əsəcək. Havanın temperaturu gecə 2-6, gündüz 8-13 dərəcə isti, dağlarda gecə 2-7 dərəcə şaxta, gündüz 3-8 dərəcə isti olacaq.

Tibbi-meteoroloji proqnoz

Martın 5-də Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

0