Məşhur azərbaycanlı avtoritet Rövşən Lənkəranski

Lənkəranskinin qətli ilə bağlı yeni faktlar ortaya çıxıb

1429
Kriminal avtoritetin qətlə yetirildiyi avtomobili idarə edən iş adamı saxlanılıb. Onların hadisədən əvvəl qapalı toplantı keçirdikləri ortaya çıxıb.

BAKI, 25 avq — Sputnik. Avqustun 18-də İstanbulda qətlə yetirilən məşhur azərbaycanlı kriminal avtoritet Rövşən Canıyevin (Lənkəranski) qətli üzrə aparılan istintaq zamanı şahidlər dindirilib. Sputnik "Habertürk"-ə istinadla xəbər verir ki, kriminal avtoritetin qətlə yetirildiyi avtomobili idarə edən iş adamı Tahir C. saxlanılıb.

Rövşən Lənkəranskinin oteldə iş adamı Tahir C. ilə görüşdüyünü və bir toplantı keçirdiyini müəyyənləşdirən polis görüntüləri araşdırmağa başlayıb. Həmin toplantıda iştirak edən və Rövşən Lənkəranskinin adamları sayılan azərbaycanlı Hacıbaba T., A.N. və Z.İ. şahid qismində polisə aparılıb.

Hacıbaba T-nin polis tərəfindən axtarıldığı ortaya çıxıb. Onun 2013-cü il avqustun 18-də İstanbulda öldürülən azərbaycanlı iş adamı Əli Həmidovun qətlində iştirak etdiyi ortaya çıxıb. Rusiyada da 5 ayrı cinayətə qarışdığı müəyyənləşən şübhəli üçün Rusiya səlahiyyətliləri ilə təmaslar başlayıb. Rövşən Lənkəranskinin adının da Həmidov cinayətində keçdiyi bildirilib.

Digər tərəfdən polis Lənkəranskinin qatillərinin tapılması istiqamətində araşdırmaları davam etdirir. Rövşən Lənkəranskinin öldürülməsində rus mafiyasının üzərində dayanılır. İddialara görə, şübhəlilər arasında Lasik Ş., Yuriy P., Vasiliy H. və Nadir S. adlı mafiya üzvləri yer alır. Polis xaricə qaçdıqları düşünülən şübhəlilər haqqında istintaqı genişləndirib.

1429
Teqlər:
istintaq, polis, Rövşən Lənkəranski, Rövşən Canıyev, qətl, İstanbul
Əlaqədar
Rövşən Lənkəranskinin öldürülməsinin şok təfərrüatları
Rövşən Lənkəranski torpağa tapşırıldı
Lənkəranskinin cənazəsinin izdihamlı qarşılanma mərasiminin görüntüləri
Rövşən Lənkəranskinin cənazəsi Lənkərana gətirildi
İstanbul Ədliyyəsindən Rövşən Lənkəranski ilə bağlı şok qərar
Rövşən Lənkəranski ilə bağlı son xəbər: Tibb bacısı Sputnik-ə danışdı
Rövşən Lənkəranski sağdır
Məktəblilər, arxiv şəkli

Atəş nəticəsində ölən xəsarət alan məktəblilərin sayı açıqlandı

27
Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub.

BAKI, 24 oktyabr — Sputnik. Sentyabrın 27-dən bu günə qədər Ermənistan silahlı qüvvələrinin təcavüzü nəticəsində 8 məktəblimiz həlak olub, 16 məktəblimiz yaralanıb.

Bu barədə Sputnik Azərbaycan-a Təhsil Nazirliyinin Mətbuat Xidmətindən məlumat verilib.

Qeyd edilib ki, ümumilikdə 40-a yaxın məktəbə ciddi ziyan dəyib:

"Oktyabrın 24-də səhər saatlarında Ermənistanın silahlı qüvvələri tərəfindən Goranboy və Tərtər rayonları raket və ağır artilleriyadan atəşə tutulub. Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub. Belə ki, həmin raketlərdən biri Orxanın yaşadığı həyətə düşüb. Orxan rayonun Xoruzlu kənd tam orta məktəbində 10-cu sinifdə təhsil alırdı.

Həmçinin, oktyabrın 17-də düşmən tərəfindən Gəncə şəhərinə raket atılması nəticəsində xəsarət almış 2007-ci il təvəllüdlü Mayakov Artur Vasilyeviç göstərilmiş tibbi yardımlara baxmayaraq, bu gün stasionar qaydada müalicə olunduğu xəstəxanada vəfat edib. Artur Gəncə şəhəri K.D.Uşinski adına 29 nömrəli tam orta məktəbin 7-ci sinif şagirdi idi.

Allahdan şagirdlərimizə rəhmət diləyir, yaxınlarına dərin hüznlə başsağlığı veririk!"

27
Mövzu:
Azərbaycan və Ermənistan arasında müharibə
 Meyitxana, arxiv şəkli

Balaxanı qəsəbəsində qətl törədilib

29
Faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

BAKI, 24 oktyabr — Sputnik. Oktyabrın 23-də saat 09 radələrində Sabunçu rayonu, Balaxanı qəsəbə sakini 1988-ci il təvəllüdlü Məmmədov Natiq Fəxrəddin oğlunun bıçaqlanaraq öldürülməsi barədə rayon prokurorluğuna məlumat daxil olub.

Sputnik Azərbaycan Sabunçu Rayon Prokurorluğunun məlumatına istinadla xəbər verir ki, dərhal prokurorluq əməkdaşları tərəfindən hadisə yerinə və meyitə baxış keçirilib, digər zəruri prosessual hərəkətlər yerinə yetirilib.

Aparılmış araşdırmalarla Balaxanı qəsəbə sakini 1995-ci il təvəllüdlü Mahmudov Ülvi Vüqar oğlunun aralarında yaranmış mübahisə zamanı bıçaqla xəsarət yetirərək Natiq Məmmədovu qəsdən öldürməsinə əsaslı şübhələr müəyyən edilib.

Faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Ülvi Mahmudov şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir.

29
ABŞ bayrağı, arxiv şəkli

ABŞ-ın Azərbaycandakı Səfirliyi terror təhlükəsi barədə xəbərdarlıq edib

1
(Yenilənib 22:33 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

1