Şirvan şəhərində Araz zavodunda partlayış olub

Azərbaycanda silah zavodunda partlayış baş verib

892
(Yenilənib 17:40 26.07.2016)
Artıq zavoda yaxın ərazidə yaşayan sakinlər təxliyyə olunur. Hadisə nəticəsində ölən və yaralananların olduğu deyilir.

BAKI, 26 iyul — Sputnik. Bu gün günorta radələrində Şirvan şəhərində "Araz" zavodunda partlayış olub. Bu barədə "Qafqazinfo"ya şəhər sakinləri məlumat veriblər.

Məlumata görə, partlayış silah zavodunda baş verib. Partlayışın səsi bütün şəhərə yayılıb, hazırda güclü yanğın davam edir.

Artıq zavoda yaxın ərazidə yaşayan sakinlər təxliyyə olunur. Hadisə nəticəsində ölən və yaralananların olduğu deyilir.

Qeyd edək ki, sözügedən zavod Müdafiə Sənayesi Nazirliyinin «Üfüq» İstehsalat Birliyininin nəzdindədir.

892
Teqlər:
silah zavodu, "Araz" zavodu, Şirvan şəhəri, partlayış
Mövzu:
Şirvanda silah zavodunda partlayış (20)
Əlaqədar
Bakıda baş verən partlayışda xəsarət alanların vəziyyəti stabildir
"Baku Steel Company"də güclü partlayış baş verib
Tərtərdə hərbi sursat partladı, 8 yaşlı uşaq ölümdən döndü
Zaqatalada polis kapitanı partlayış nəticəsində yaralanıb
Qaz kəmərində partlayış, arxiv şəkli

Partlayış baş verən qaz kəməri ilə bağlı SOCAR-dan açıqlama gəldi

67
"Hələlik dəqiq bilmirik ki, partlayış olan hansı kəmərdir. Amma ehtimal olunur ki, bu, Qazalmaz qaz anbarına birləşən boru kəməridir".

BAKI, 7 avqust — Sputnik. Xəbər verdiyimiz kimi, Hacıqabul rayonunda çöllük ərazidə qaz xəttində yanğın baş verib.

SOCAR-ın mətbuat katibi İbrahim Əhmədov "Qafqazinfo"ya açıqlamasında qaz boru kəmərində baş verən partlayışı təsdiqləyib:

"Hacıqabulda bizim qaz daşımaları üçün magistral qaz boru kəmərləri çoxdur. Hələlik dəqiq bilmirik ki, partlayış olan hansı kəmərdir. Amma ehtimal olunur ki, bu, Qazalmaz qaz anbarına birləşən boru kəməridir. Qaz-İxrac İdarəsinin rəhbərliyi hazırda hadisə yerinə gedib və dəqiqləşdirmə aparılır. Partlayış yaşayış sahəsindən kənarda baş verib. Buna görə xəsarət alan da yoxdur. Boru kəməri bağlanıb və ona qaz verilmir. Boruda qaz qurtaranda yanğın da sönəcək".

İ. Əhmədov deyib ki, partlayışa görə həmin ərazidə qaz təchizatında müvəqqəti fasilə yarana bilər.

67
Fövqəladə Hallar Nazirliyi

Fövqəladə Hallar Nazirliyi Hacıqabuldakı yanğınla bağlı məlumat yaydı

37
İlkin məlumata əsasən, Hacıqabul rayonunda çöllük ərazidə qaz xəttində yanğın olması barədə məlumat daxil olub.

BAKI, 7 avqust - Sputnik. Fövqəladə Hallar Nazirliyi Hacıqabulda baş verən yanğınla bağlı məlumat yayıb. 

Bununla bağlı Nazirliyin rəsmi saytında məlumat dərc edilib:

“İlkin məlumata əsasən, Hacıqabul rayonunda çöllük ərazidə qaz xəttində yanğın olması barədə məlumat daxil olub. Nazirliyin Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub, aidiyyəti qurumlar məlumatlandırılıb.

Əlavə məlumat veriləcək”.

37