Ər arvadını qətlə yetirib

Narkoman ər arvadını vəhşicəsinə qətlə yetirdi

334
Kişi həyat yoldaşının başına xrustal stəkanla bir neçə zərbə endirib. O, həmin an narkotik maddələrin təsiri altında olub.

BAKI, 24 iyun — Sputnik. Bu dəfə də Azərbaycanda ailə münaqişəsinin qurbanı gənc qadın oldu. Dünən Bayıl qəsəbəsində 29 yaşlı Cəlalə Abbasova 1971-ci ilə təvəllüdlü əri — Müzəffər Piriyev tərəfindən qətlə yetirilib.

Sputnik-ə Səbail Rayon Polis İdarəsindən verilən məlumata görə, iyunun 23-ü saat 19.30 radələrində ailə münaqişəsi zəminində 3 uşaq anasını öldürən Müzəffər Piriyev, özü hadisəni törətdikdən sonra polisə gələrək, təslim olub. Piriyev bundan əvvəl də məhkumluq həyatı yaşamışdı.

İstintaqa verdiyi ilkin ifadədə Piriyev bildirib ki, həyat yoldaşını boğaraq öldürüb. Amma meyitə baxış keçirən patoloq-anatomlar başqa fikirdədirlər. Onların rəyinə görə, Abbasova başına endirilən çoxsaylı zərbələrin nəticəsində əmələ gələn beyinə qansızmadan ölüb.

Məlum olub ki, Piriyev arvadının başına xrustal stəkanla bir neçə zərbə endirib. Həmin stəkan dəlil kimi istintaqçılar tərəfindən götürülüb.

Ehtimala görə, həmin an Piriyev narkotik maddələrin təsiri altında olub. Bundan əlavə, onun hərəkətləri şizofreniya əlamətlərinin olması ehtimalını da istisna etmir.

Öldürülən Cəlalə Abbasovanın yaxınlarının verdikləri məlumata görə, əvvəllər də qadın yoldaşının qeyri-adekvat hərəkətlərinə görə bir neçə dəfə onu tərk edərək, atası evinə gəlib, lakin valideynləri onu geri qaytarıblar. Fakt üzrə işi rayon prokurorluğu aparır.

334
Teqlər:
Bayıl qəsəbəsi, Müzəffər Piriyev, Cəlalə Abbasova, qətl, gənc qadın, ailə münaqişəsi
Əlaqədar
Polis dəhşətli qətlin izinə düşüb
27 milyon insanın qətlinə fərman verildiyi gün
Gəncədə yaşlı qadını qətlə yetirən şəxs tutulub
Bakıda 80 yaşlı kişi arvadını qətlə yetirdi
Ad günündə oğlanı qətlə yetirən şəxs tutulub
Bakıda dəhşətli qətl
İldırım, arxiv şəkli

Azərbaycanda 18 yaşlı oğlanı ildırım öldürdü

22
İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb.

BAKI, 17 may - Sputnik. Samuxda bədbəxt hadisə baş verib.

Sputnik Azərbaycan APA-ya istinadən bildirir ki, hadisə rayonun Hacıalılı kəndində qeydə alınıb.
Kənd sakini, 2003-cü il təvəllüdlü Sənan Zaur oğlu Həsənov təsərrüfatda mal-qara otaran zaman onu ildırım vurub. 18 yaşlı gənc həmin an ölüb.

İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb. Digər 2 nəfər bir neçə dəqiqədən sonra ayağa qalxıb.

İldırımın çaxdığı məqamda S.Həsənovun telefonla danışdığı bildirilib. Faktla bağlı Samux rayon Prokurorluğunda araşdırma aparılır.

Eləcə də oxuyun:

* Qubadakı hadisənin dəhşətli pərdəarxası: qardaşı ilə dərdləşib intihar etdi

* İsmayıllıda yeni ailə quran gənc oğlan bədbəxt hadisə nəticəsində ölüb

22
Teqlər:
gənc, Samux, ildırım
Çay, arxiv şəkli

Qubadakı hadisənin dəhşətli pərdəarxası: qardaşı ilə dərdləşib intihar etdi

83
1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər.

BAKI, 17 may - Sputnik, Leyla Abdullayeva. Qubada iki qardaşın Qudyalçaya düşməsinin və birinin həlak olmasının təfərrüatı bəlli olub.

Sputnik Azərbaycan-ın müxbiri xəbər verir ki, hadisə bu gün saat 12 radələrində Qəçrəş yolu adlanan yaşayış massivində baş verib. Kəndin meşəlik ərazisində bir nəfər özünü hündürlükdən ataraq intihar edib. 

İlkin araşdırma nəticəsində aydın olub ki, intihar edən şəxs Quba şəhər sakini, A.Əhmədov küçəsi 21 ünvanında yaşayan, 1989-cu il təvəllüdlü Ruslan Elman oğlu İsayevdir. R. İsayevin 2019-cu ildə  arvadı Firuzə Firuz qızı Aydəmirova ilə rəsmi olaraq boşandığı və keçmiş həyat yoldaşının uşağını ona göstərmədiyi bildirilir.

Bu səbəbdən ciddi narahatlıq keçirən Ruslan İsayev bu gün "Qəçrəş yolu" adlanan meşəlik ərazidə qardaşı İsa ilə dərdləşərkən özünü qəflətən hündürlükdən atıb. Ruslan İsayev aldığı xəsarətdən yerindəcə keçinib. Onun hadisədən öncə "Go" markalı spirtli enerji içkisi qəbul etdiyi də deyilir.
Faktla bağlı Cinayət Məcəlləsinin 125-ci (özünü öldürmə həddinə çatdırma )maddəsilə cinayət işi açılıb.

 

--------

19:34

Qubanın Qəçrəş kəndində faciəli hadisə baş verib.

Sputnik Azərbaycan bildirir ki, Fövqəladə Hallar Nazirliyinin (FHN) “112” qaynar telefon xəttinə Quba rayonu, Qəçrəş kəndində 2 nəfərin çaya düşməsi barədə məlumat daxil olub. FHN-in Şimal Regional Mərkəzinin müvafiq xilasetmə qüvvələri hadisənin baş verdiyi əraziyə cəlb olunublar.

Əməliyyat şəraiti qiymətləndirilərkən müəyyən olunub ki, 1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər. Hadisə nəticəsində İ.İsayev müxtəlif xəsarətlər alıb və vətəndaşların köməkliyi ilə çaydan çıxarılıb, qardaşı R.İsayevi tapmaq mümkün olmayıb.

Mürəkkəb relyef şəraitində həyata keçirilən axtarış-xilasetmə tədbirləri nəticəsində hadisə yerinin yaxınlığında çay kənarında tapılan Ruslan İsayevin meyiti xilasedicilər tərəfindən müvafiq qaydada götürülərək aidiyyəti üzrə təhvil verilib.

Eləcə də oxuyun: 

* Göyçayda 18 yaşlı qızın dayısı tərəfindən öldürüldüyü məlum olub

* İsmayıllıda yeni ailə quran gənc oğlan bədbəxt hadisə nəticəsində ölüb

* Oğuzda balıq ovu ölümlə bitdi

 

83
Teqlər:
FHN, həlak, qardaşlar, çay, Quba
Bakı dəmir yolu vağzalında qatarlar, arxiv şəkli

Bakı-Qəbələ qatarında bilet qiyməti hələ müəyyən olunmayıb

0
(Yenilənib 12:42 18.05.2021)
"Pandemiya ilə əlaqədar regionlararası və beynəlxalq sərnişin daşıması dayandırılıb. Buna görə də, Bakı-Qəbələ qatarı hələ sərnişinlərin istifadəsinə verilməyib".

BAKI, 18 may — Sputnik, Zülfiyyə Quluyeva. Bakı-Qəbələ qatarı pandemiya ilə əlaqədar hələlik sərnişinlərin istifadəsinə verilməyib. Sputnik Azərbaycan xəbər verir ki, bunu "Azərbaycan Dəmir Yolları" QSC-nin mətbuat xidmətinin rəhbəri Nətavan Bayramova deyib.

O qeyd edib ki, qatar istifadəyə tam hazırdır: "Pandemiya ilə əlaqədar regionlararası və beynəlxalq sərnişin daşıması dayandırılıb. Buna görə də, Bakı-Qəbələ qatarı hələ sərnişinlərin istifadəsinə verilməyib".

N.Bayramova Bakı-Qəbələ qatarlarında sərnişin biletlərinin qiymətləri barədə yaxın vaxtlarda məlumat verəcəyini bildirib.

"Biletlərin qiymətləri hələ dəqiqləşdirilməyib. Pandemiya bitəndən sonra bu barədə həm rəsmi saytımızda, həm də sosial şəbəkələr vasitəsilə ictimaiyyətə məlumat veriləcək".

 

 

0