Gənc qadının boğazına söykədilmiş bıçaq. Arxiv şəkli

Hay-küylü qətlin arxasından elə adam çıxdı ki...

2177
(Yenilənib 16:10 24.06.2016)
Tovuzda baş verən cinayətin üstü açılıb. Qardaş bacısını ailələrini biabir etdiyinə görə öldürdüyünü etiraf edib.

BAKI, 23 iyun — Sputnik. Tovuzda qətlə yetirilmiş Günay Gülməmmədovanın boyük qardaşı Ruslan Gülməmmədov dünən rayon polisi tərəfindən saxlanılıb. Tovuz Rayon Polis İdarəsindən Sputnik-ə verilən məlumata görə, 1995-ci il təvəllüdlü Ruslan bacısının qətli ilə əlaqədar saxlanılıb.

Gənc qızın cəsədi ayın 19-da Aşağı Quşçu kəndinin ərazisində, Əsrik çayında tapılıb. Onun bədənində yeddi biçaq yarası aşkar edilib: ikisi boğaz nahiyəsində, qalanları isə sinə və baldırlarında.

Qızın qardaşı Ruslan lap əvvəldən şübhə altına düşüb. Buna səbəb qətldən bir neçə gün öncə onun bacısı ilə mübahisəsi olub. O zaman qardaşı Günaya telefonla oğlanla danışdığına görə hirslənib və telefonu alaraq sındırıb. Deyilənə görə, eyni səbəbdan ailə üzvləri ilə Günayın arasında tez-tez mübahisələr yaşanıb.

Eyni zamanda polis əməkdaşları Ruslanın öz doğma bacısını qətlə yetirməsinə inanmırdılar. Kənddə onu hamı mülayim adam kimi tanıyırdı. "Mal-heyvan kəsəndə də, o, heç vaxt bu prosesdə iştirak etmirdi", deyə polislər qeyd edirlər.

Bundan əlavə hüquq-mühafizə orqanları cəsədin üzərindəki yaralardan çıxış edərək qətli iki nəfərin törətdiyini ehtimal edirdi. Dünən isə Ruslan qətli törətdiyini artıq boynuna alıb. Onun danışdığına görə, hadisə günü evdən çıxanda bacısını əlində mobil telefon yola tərəf getdiyini görür. Dərhal evə qayıdıb mətbəxdən bıcağı götürüb bacısının arxasınca gedir.

Həmin gün çox isti olduğundan yolda sonradan bunu təsdiq edəcək bir kimsə olmur. Daha sonra magistral yola tərəf gedən Günay qardaşının onu güddüyünü aşkarlayır. Bunu görən Ruslan bacısını tutub çaya tərəf sürüyür.

Saxlanılan qardaşın dediyinə görə, bacısının oğlanla getdiyini dərhal başa düşüb, amma Günay kiminlə görüşdüyünü demək istəməyib. Buna görə Ruslan bacısını döyməyə başlayır, qız isə müdafiə olunmağa çalışır. Bir an qardaşının əlindən çıxıb qaçmağa çalışsa da, qardaşı onu haqlayır və biçaqla sinəsinə zərbə endirir. Daha sonra bir neçə dəfə qızı baldırından bıçaqla yaralayır. Bununla da ürəyi soyumur və cansız bacısının boğazını da kəsir.

Bundan sonra Ruslan cəsədi çaya atıb evə qayıdır. Orada üstündəki qanlı köynəyi çıxarıb yatağının altında gizlədir. Cinayətdə istifadə etdiyi bıçağı da oraya qoyub, paltarını dəyişdikdən sonra heç nə olmamış kimi gündəlik işləri üçün evdən çıxır.

Saxlanılan qardaşın sözlərinə görə, o, bacısına ailələrini kənddə biabır etdiyi üçün hirslənib. Fakt üzrə istintaqı Tovuz rayon prokurorluğu aparır.

2177
Teqlər:
Ruslan Gülməmmədov, Əsrik çayı, Günay Gülməmmədova, Aşağı Quşçu kəndi, qətl, Tovuz, cinayət
Əlaqədar
Xaçmazda yerli sahibkar qətlə yetirildi
Bakıda 80 yaşlı kişi arvadını qətlə yetirdi
Ad günündə oğlanı qətlə yetirən şəxs tutulub
Qoca ər-arvadı qətlə yetirməkdə şübhəli bilinən iki nəfər saxlanıldı
Bakıda dəhşətli qətl
Qazaxda baş verən dəhşətli qətlin üstü açıldı
Dəhşətli qətlin pərdəarxası: Qatil kənddədir
 Bıçaq əlində kişi, arxiv şəkil

Bakıda 31 yaşlı qadını bıçaqladılar

23
(Yenilənib 21:54 01.03.2021)
1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

BAKI, 1 mart - Sputnik. Bakıda bıçaqlanma hadisəsi baş verib.

"Report"un məlumatına görə, hadisə Sabunçu rayonu ərazisində qeydə alınıb.

Belə ki, 1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

Yaralı təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırma aparılır.

23

Xətai rayonunda 22 yaşlı oğlan qətlə yetirilib

18
(Yenilənib 19:30 01.03.2021)
Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

BAKI, 1 mart - Sputnik. Martın 1-də saat 13 radələrində paytaxtın Xətai rayonu, N.Tusi küçəsi 18 ünvanında yerləşən binanın qarşısında 1999-cu il təvəllüdlü Nəsibov Bəxtiyar Əli oğlunun üzərində xəsarət izləri olan meyitinin aşkar edilməsi barədə rayon prokurorluğuna məlumat daxil olub.

Xətai rayon prokurorluğundan APA-ya verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla Bakı şəhər sakini, 2002-ci il təvəllüdlü Abbasov Əli Allahverdi oğlunun şəxsi münasibətlər zəminində aralarında yaranmış mübahisə zamanı Bəxtiyar Nəsibovun döş qəfəsinin sol nahiyəsinə kəsici-deşici alətlə xəsarət yetirərək sonuncunu qəsdən öldürməsinə əsaslı şübhələr müəyyən edilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Hazırda Əli Abbasovun yerinin müəyyən edilərək şübhəli şəxs qismində tutulması istiqamətində intensiv əməliyyat-axtarış tədbirləri və istintaq hərəkətləri davam etdirilir.

18
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

365
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

365