Bıçaq

Polis dəhşətli qətlin izinə düşüb

132
Əvvəlcə qatillər qızı üzü üstə yerə yıxıblar. Sonra onlardan biri tərpənə bilməməsi üçün onun kürəyində oturub, digəri isə qızın boğazını kəsib.

BAKI, 22 iyun — Sputnik. Tovuz Rayon Polis İdarəsinin cinayət axtarış şöbəsinin əməliyyatçıları rayonun Aşağı Quşçu kəndinin 17 yaşlı sakini Günay Gülməmmədovanı vəhşicəsinə qətlə yetirən canilərin axtarışını davam etdirirlər. Xatırladaq ki, iyunun 19-da xüsusi amansızlıqla qətlə yetirilən rayon sakininin meyiti evlərindən 500-600 metr aralıda, Tovuzun Əsrik çayında aşkar edilib. İlkin rəyə görə, meyit G.Gülməmmədovanın ölümündən 3-4 saat sonra aşkar edilib.

Sputnik-ə Tovuz Rayon Prokurorluğundan verilən məlumata görə, meyitin üzərində, ikisi boğaz nahiyəsində olmaqla, 7 kəsici-deşici alətlə vurulan yaralar aşkar edilib. Yaraların dərin olması ekspertlərdə o qənaəti yaradıb ki, yaralar ya iri bıçaqla, ya da ət doğramaq üçün istifadə edilən orta həcmli balta ilə törədilib.

"Günay Gülməmmədovanı başqa ərazidə öldürərək, meyitini çaya atıblar. Onun topuğunda olan zədə izləri onu sübut edir ki, cani tək olmayıb. Yaraların izinə görə ehtimal etmək olar ki, əvvəlcə canilər qızı üzü üstə yerə yıxıblar, sonra onlardan biri tərpənə bilməməsi üçün onun kürəyində oturub, digəri isə qızın boğazını kəsib. İri gövdəli olan Gülməmmədovanı tək adamın öldürə bilməsi çətin olardı", — hüquq müdafiə orqanlarının əməkdaşları bildiriblər.

Məhkəmə-tibbi ekspertizanın rəyinə görə, G.Gülməmmədova bakirə olub, odur ki, qətldə zorlanma amili istisna edilir.

Bu arada cinayətkarların axtarışı zamanı şübhəlilər siyahısına Günayın qardaşı da düşüb — məlum olub ki, 6 gün əvvəl o, bacısının mobil telefonunu naməlum adamla tez-tez danışdığına görə, əlindən alıb və sındırıb ki, bu da onunla qardaşı arasında ciddi mübahisəyə səbəb olub. Hələlik bu versiya sübuta yetirilmədiyinə görə Gülməmmədovanın qardaşı saxlanılmayıb.

Əslində, əməliyyatçılar bu versiyanın öz təsdiqini tapacağından əmin deyillər: "Biz onu danışdırmışıq. Ruhi xəstədir. O, boynuna aldı ki, hirsindən bacısının telefonunu alıb yerə çırpıb, amma onun ölümündə heç bir əli yoxdur. Hələ ki, axtarışlarımız davam edir".

Əməliyyatçılar, bununla yanaşı, Günayın əlaqə saxladığı oğlanı da tapıb dindiriblər. O, əvvəlcə Günayla görüşmədiyini, ancaq telefonla əlaqə saxladığını söyləsə də, sonradan qızla evlərinin yaxınlığında bir neçə dəfə görüşdüyünü etiraf edib. Gülməmmədova atası və analığının yuxuya getməsini gözləyərək, görüşə gedirmiş.

Günay Gülmmədova 9-cu sinifdən sonra məktəbə də getməyib. Analığının dediyinə görə, hər gün günorta saatlarında Günay qonşunun körpəsi ilə oynamaq üçün onlara gedərmiş. Elə qətlə yetirildiyi gün də evdən qonşuya getmək adı ilə çıxıbmış.

Hazırda fakt üzrə araşdırmalar davam edir.

132
Teqlər:
meyit, Əsrik çayı, Günay Gülməmmədova, Aşağı Quşçu kəndi, cinayət, qətl, Tovuz Rayon Polis İdarəsi
Əlaqədar
Xaçmazda yerli sahibkar qətlə yetirildi
Gəncədə yaşlı qadını qətlə yetirən şəxs tutulub
Bakıda 80 yaşlı kişi arvadını qətlə yetirdi
Ad günündə oğlanı qətlə yetirən şəxs tutulub
Qoca ər-arvadı qətlə yetirməkdə şübhəli bilinən iki nəfər saxlanıldı
Bakıda dəhşətli qətl
 Bıçaq əlində kişi, arxiv şəkil

Bakıda 31 yaşlı qadını bıçaqladılar

23
(Yenilənib 21:54 01.03.2021)
1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

BAKI, 1 mart - Sputnik. Bakıda bıçaqlanma hadisəsi baş verib.

"Report"un məlumatına görə, hadisə Sabunçu rayonu ərazisində qeydə alınıb.

Belə ki, 1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

Yaralı təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırma aparılır.

23

Xətai rayonunda 22 yaşlı oğlan qətlə yetirilib

18
(Yenilənib 19:30 01.03.2021)
Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

BAKI, 1 mart - Sputnik. Martın 1-də saat 13 radələrində paytaxtın Xətai rayonu, N.Tusi küçəsi 18 ünvanında yerləşən binanın qarşısında 1999-cu il təvəllüdlü Nəsibov Bəxtiyar Əli oğlunun üzərində xəsarət izləri olan meyitinin aşkar edilməsi barədə rayon prokurorluğuna məlumat daxil olub.

Xətai rayon prokurorluğundan APA-ya verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla Bakı şəhər sakini, 2002-ci il təvəllüdlü Abbasov Əli Allahverdi oğlunun şəxsi münasibətlər zəminində aralarında yaranmış mübahisə zamanı Bəxtiyar Nəsibovun döş qəfəsinin sol nahiyəsinə kəsici-deşici alətlə xəsarət yetirərək sonuncunu qəsdən öldürməsinə əsaslı şübhələr müəyyən edilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Hazırda Əli Abbasovun yerinin müəyyən edilərək şübhəli şəxs qismində tutulması istiqamətində intensiv əməliyyat-axtarış tədbirləri və istintaq hərəkətləri davam etdirilir.

18
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

387
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

387