Pərviz Bülbülə və Rəşad Dağlı

Məşhur meyxanaçılar qəzaya düşüb: Pərvizin ayağı, Rəşadın qolu sınıb

242
(Yenilənib 17:59 07.06.2016)
Pərviz Bülbülə: "Avtomobil mənimdir, hadisə vaxtı sükan arxasında qaynım oturmuşdu. Birdən idarəetməni itirdi və avtomobil beton dirəyə çırpılıb aşdı"

BAKI, 7 iyun — Sputnik. Hacıqabul rayonununda baş verən qəzada məşhur meyxanaçılar Pərviz Bülbülə və Rəşad Dağlı xəsarət alıb. P. Bülbülə report-a açıqlamasında, hadisə nəticəsində ayağının sındığını deyib.

"Avtomobil mənimdir, hadisə vaxtı sükan arxasında qaynım oturmuşdu. Birdən idarəetməni itirdi və avtomobil beton dirəyə çırpılıb aşdı. Maşında üç nəfər idik. Rəşad Dağlının sağ qolu sınıb, mənim isə ayağım sınıb. Qaynım yüngül xəsarət alıb", — meyxanaçı bildirib.

Qeyd edək ki, Bakı-Qazax magistral avtomobil yolunun Hacıqabul rayonu ərazisindən keçən hissəsində 3 nəfərin xəsarət alması ilə nəticələnən yol-nəqliyyat hadisəsi baş verib. Bakı şəhəri, Bülbülə qəsəbə sakini, 31 yaşlı Nicat Hüseynovun idarə etdiyi "Toyota Sequoia" markalı 10 KC 011 dövlət qeydiyyat nömrə nişanlı avtomobil beton dirəyə çırpılaraq aşıb.

Nəticədə sürücü və avtomobildə olan məşhur meyxanaçılar — Pərviz Bülbülə və Rəşad Dağlı xəsarət alıb. Yaralılar Şirvan Şəhər Xəstəxanasına yerləşdiriliblər.

242
Teqlər:
Rəşad Dağlı, Pərviz Bülbülə, Hacıqabul rayonu, meyxanaçı, meyxana, qəza
Əlaqədar
Məşhur meyxanaçı qardaşlardan Sputnik-ə unikal təbrik
Meyxanaçı Vahid Qədimi polis axtarır
Xızıda yaşanan qəzada xəsarət alanlardan yeni xəbər var
Avtobus qəzası ilə bağlı cinayət işi açıldı
Dəhşətli qəzada xəsarət alanların siyahısı açıqlandı
Səhiyyə naziri Xızıda avtobus qəzasında xəsarət alanları ziyarət edib
Yaraqlılar, arxiv şəkli

Terrorçular həbsxananı ələ keçirib, həmkarlarını azad etdilər

16
Terrorçular həbsxana ərazisinə daxil olduqdan sonra atışma baş verib. Nəticədə səkkiz nəfər ölüb, daha bir neçə nəfər yaralanıb.

BAKI, 5 mart — Sputnik. "Əl- Qaidə" beynəxlaq terror təşkilatının bir qolu olan "Əş-Şabab" qruplaşmalarının üzvləri Somalinin şimal-şərqində Bosaso şəhərində həbsxananı ələ keçirib. Bu barədə Sputnik Azərbaycan xarici KİV-ə istinadən xəbər verir.

Məlumata görə, terrorçular həbsxana ərazisinə daxil olduqdan sonra atışma baş verib. Nəticədə səkkiz nəfər ölüb, daha bir neçə nəfər yaralanıb. Terrorçular həbsxananı ələ keçirdikdən sonra dörd yüz terrorçunu oradan çıxara biliblər. Azad edilən terrorçular arasında İŞİD-çilər də olub.

16
FHN yanğınsöndürən

Sarayda ev partladı: yaralılardan ikisi körpədir

12
(Yenilənib 14:09 05.03.2021)
Saray qəsəbəsində, ilkin ehtimala görə, qaz sızmasından fərdi evdə partlayış olub. Ağır xəsarət alanlardan ikisi uşaqdır.

BAKI, 5 mart - Sputnik. Abşeron rayonunun Saray qəsəbəsində fərdi evdə partlayış olub. Sputnik Azərbaycan-ın məlumatına görə, hadisə nəticəsində 4 nəfər xəsarət alıb. 

Hadisə bu gün səhər saatlarında olub. 49 yaşlı Mətanət Mehdiyeva, 23 yaşlı Ayşə Mahmudova, 3 yaşlı Məhəmməd Mahmudov və 4 yaşlı Nilay Mahmudova ağır vəziyyətdə xəstəxanaya çatdırılıblar. İlkin versiyaya görə, faciəyə səbəb məişət qazının sızması olub. 

Oxşar hadisə yanvarın 25-də Xırdalan şəhərində baş vermişdi. Şəhərin 27-ci məhəlləsində yerləşən fərdi ikimərtəbəli binada partlayış olmuş, 8 nəfər dağıntılar arasından çıxarılmışdı. Onlardan 33 yaşlı Aytən Musayeva artıq keçinmişdi. Bir gün sonra isə onun qızı Fatimə Musayevanın cansız bədəni tapılmışdı. 

Yaxınlıqda olan binaların dörd sakini də həmin partlayış zamanı xəsarət almışdı.

12
Teqlər:
körpə, yaralılar, qaz sızması, partlayış, yanğın
Bakı məktəblərin birində, arxiv şəkli

Təhsil sahəsində çalışan qadınların sayı açıqlandı

0
Ümumi təhsil müəssisələrində təhsilalanların 46,4 faizi, orta ixtisas təhsil müəssisələrində oxuyanların 62,4 faizi qızlardır.

BAKI, 5 mart — Sputnik. Azərbaycanın ümumi təhsil müəssisələrində müəllimlərin 81 faizi, orta ixtisas təhsil müəssisələrində 77,9 faizi, ali təhsil müəssisələrində 54,8 faizi, həkimlərin isə üçdə ikisi qadınlardır. Sputnik Azərbaycan-ın məlumatına görə, bu barədə Dövlət Statistika Komitəsinin yaydığı məlumatda bildirilib.

Ümumi təhsil müəssisələrində təhsilalanların 46,4 faizi, orta ixtisas təhsil müəssisələrində oxuyanların 62,4 faizi, ali təhsil müəssisələrinin tələbələrinin 48,9 faizi qızlardır.

0