Konq Fu üzrə yığma komanda

Azərbaycanlı erməni idmançılar arasında kütləvi dava - şok kadrlar

2176
(Yenilənib 14:51 17.05.2016)
25 dəqiqədən çox davam edən əlbəyaxa döyüşdə qarşı tərəfdən qabırğası sınan, beynindən travma alanlar var. Azərbaycanlı idmançılar qorxub qaçan erməniləri tutaraq əzişdiriblər.

BAKI, 17 may-Sputnik. Ukraynada keçirilən kunq-fu və uşu üzrə Avropa çempionatında erməni yığma komandası ilə milli komandamızın idmançıları arasında kütləvi dava baş verib. Azərbaycanlı döyüşçü Ellər Orucovun döyüşü zamanı erməni idmançısı hakimin komandasına məhəl qoymayaraq, öncə idmançımıza arxadan zərbə endirib, sonra rinqin küncünə tərəf gedərək sekundantlara erməni dilində yüksək tonla nəsə deyib.

Bu zaman idmançılarımız erməniyə yumruqla cavab veriblər. Beləliklə kütləvi dava baş verib. Erməni mətbuatı hadisənin azərbaycanlı idmançıların günahı ucbatından baş verdiyini yazsa da, kunq-fu Federasiyasının baş məşqçisi Ramil Allahverdiyev Sputnik-ə açıqlamasında hadisənin əslində hansı şəraitdə baş verdiyinə aydınlıq gətirib.

Baş məşqçi öncə 12 yaşlı uşağın döyülməsi ilə bağlı iddiaya toxunub: "Ermənilər yalan danışırlar. 12 yaşlı uşaq ukraynalıdır. Biz erməniləri döyən zaman erməni idmançısı qaçmağa başladı və nəticədə uşağı tapdaladı. İndi isə bu hadisəni bizim üstümüzə atmağa cəhd edirlər".

R. Allahverdiyev ermənilərlə baş verən davanın başlama səbəbini isə belə izah edib: "60 kiloqram çəkidə Orxan Mehdiyevin döyüşü olub. Orxanı bilərəkdən uduzdurublar. Bu zaman baş məşqçi olaraq gedib haqqımızı tələb etdim və bir ölkənin iki bayrağı olmadığını söylədim. Qondarma "Dağlıq Qarabağ Respublikası"nın bayraqlarını yığışdırmalarını tələb etdim".

"4 saat yarışı saxlatdıqdan sonra, nəticədə 12:9 hesabı bərpa olunaraq Orxana qələbə verildi. Bir neçə saatdan sonra Ellər Orucov erməni idmançısı ilə görüşə çıxdı. Bu zaman yenə də qondarma "bayraq" çiyinlərində gəldikləri zaman idmançılarımız etiraz etdilər", — deyə baş məşqçi bildirib.

Öncə hakimin komandasına məhəl qoymayan erməni idmançı Ellər Orucovun kürəyinə zərbə endirib, daha sonra erməni dilində danışaraq küncdə oturan komanda üzvlərimizin üzərinə yürüyüb (bax: aşağıdakı videonun 26-cı saniyəsi — red). Bu zaman kütləvi dava başılayıb.

"Hadisə ilə bağlı yayılan videoda çox şey düşməyib. Əslində isə 25 dəqiqədən çox dava oldu. Hər iki tərəfdən qabırğası sınan, beynindən travma alanlar var. Xəstəxanada müalicə alırlar. Onlar bizimlə dava etməyiblər. Ermənilər qaçırdı, biz də onları qovurduq və tutub döyürdük. 4 erməni bayrağını cırmışıq", — kunq-fu ustası vurğulayıb.

Maraqlısı odur ki, erməni mediası "azərbaycanlı idmançıların ermənilərdən üzr istədiyini" iddia edib. R. Allahverdiyev isə bu iddianın tamamilə yalan olduğunu qeyd edib: "Hava limanında erməni idmançıları yaxınlaşıb dedilər ki, "hər şeyi unudaq, telefonumuz itib, bəlkə kömək edəsiniz". Biz onlardan bizdən uzaq olmalarını tələb etdik, hiss edirdik ki, təxribatdır. Sonra hər komanda Kiyevin hava limanında öz yoluna davam etdi. Biz heç vaxt ermənilərdən üzr istəmərik".

İdmançılarımızın yarışdan uzaqlaşdırılması xəbərini təsdiqləyən baş məşqçinin dediyinə görə, baş verən hadisə ilə əlaqədar, 5 idmançımız finalda olmalarına baxmayaraq, Avropa çempionatını yarımçıq tərk etməli olub: "Ermənilərə dərs verməyimiz və qondarma "bayraq"larını məhv etməyimiz bizim üçün qələbəyə bərabər hissdir".

R. Allahverdiyev sözügedən hadisənin bir hissəsinin əks olunduğu videogörüntünü də Sputnik-ə təqdim edib.

2176
Teqlər:
uşu, kunq-fu, Avropa çempionatı, Ukrayna, idmançı, azərbaycanlı, erməni
Əlaqədar
İdmançımız Avropa çempionluğunun bir addımındadır
90 yaşlı "Dinamo"nun idmançıları qızıl medallara layiq görüldülər
"Qərb idman növlərində fəlsəfə yoxdur"
Kikboksçumuz erməni idmançını məğlub etdi
Brüssel terrorunun şübhəlisi məşhur idmançının qardaşıdır
"Bütün idman növlərində uğur qazanmaq mümkün deyil"
Azərbaycanlı idmançı Londonda kikboks klubu açıb

Xırdalanda partlamış evin dağıntıları altından qadın meyiti çıxarılıb

73
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

73
Xırdalanda partlayış yerində

Xırdalanda dağıntılar altından xilas edilənlərin sayı artır

22
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

22
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

0
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

0