Maskalı şəxs

Məşhur "qanuni oğru"ların ətrafında genişmiqyaslı əməliyyat

1626
(Yenilənib 11:58 28.04.2016)
Bakıda Rövşən Lənkəranski və Lotu Qulinin tərəfdarları saxlanılıb. Ümumilikdə, son 4 gün ərzində həmin "kriminal avtoritet"lərin başçılıq etdiyi qrupların 60-dan artıq üzvünün saxlanıldığı bildirilir.

BAKI, 28 apr — Sputnik. Bakı Şəhər Baş Polis İdarəsinin (BŞBPİ) Cinayət axtarış bölməsinin əməkdaşları, Sabunçu Rayon Polis Şöbəsindən olan həmkarları ilə mütəşəkkil cinayətkar qruplaşmanın üzvlərinin tutulması ilə bağlı uğurlu əməliyyat həyata keçiriblər. Bu barədə Sputnik-ə BŞBPİ-dən məlumat verilib.

məliyyat nəticəsində Sabunçu qəsəbəsinin sakinləri İbayev Namiq Həbulla oğlu, Quliyev Kamil İsrafil oğlu, İbrahimov Orxan Rəfael oğlu və Həşimov Namiq Ağacan oğlu saxlanılıb. Saxlanma zamanı əməliyyatçılar İbayevin üzərində 2,688 qram heroin aşkar ediblər. Daha 120,201 qram heroin İbayevə məxsus "Mercedes" markalı avtomobilin baqajında aşkar edilib. Bundan əlavə, polislər onda "Kalaşnikov" avtomatı və 32 patron aşkar edərək götürüblər.

Quliyevə məxsus VAZ-2104 markalı avtomobildə əməliyyatçılar 128 qram heroin və Naqan tipli tapança aşkar ediblər. İbrahimovdan 148,4 qram, Həşimovdan isə 124,28 qram heroin aşkar olunub. İbtidai istintaq zamanı aşkar olunub ki, İbayev bu ilin fevralında baş vermiş xuliqanlıq aktında günahlandırılır.

Polisdən bildirilib ki, saxlanılanlar kriminal aləmdə nüfuza malikdirlər və iki məşhur "qanuni oğru"nun adamlarıdırlar. İlkin məlumata əsasən, həm kriminal aləmdə Rövşən Lənkəranski adı ilə tanınan Rövşən Canıyevin, həm də hazırda 8 saylı cəzaçəkmə müəssisəsində olan Nadir Səlifovun (Lotu Quli) adamları var.

Polis orqanlarında olan başqa bir mənbənin bildirdiyinə görə, son 4 gün ərzində Bakıda keçirilmiş xüsusi əməliyyatlar nəticəsində "kriminal avtoritet"lərin başçılıq etdikləri mütəşəkkil cinayətkar qrupların 60-dan artıq üzvü saxlanılıb. Hazırda saxlanılan şəxslərin və müsadirə edilən silahların daha öncə törədilmiş cinayətlərə aid olub-olmaması yoxlanılır.

1626
Teqlər:
Lotu Quli, Rövşən Lənkəranski, "qanuni oğru", "kriminal avtoritet", əməliyyat, BŞBPİ, Bakı şəhər Baş Polis İdarəsi
Əlaqədar
Qadınlarla bağlı kriminal xəbərləri yaymalı, yoxsa yaymamalı?!
Bankın vəzifəli şəxsi barəsində cinayət işi başlanıb
İnsanları nələr cinayətkar edir?
Polisin, cinayətin və işsizliyin olmadığı kommunist qəsəbəsi
Zaqatalada dəhşətli cinayət baş verib
Xilasedici, arxiv şəkli

Bakıda iki uşaq suvarma hovuzunda boğuldu

21
(Yenilənib 20:21 29.11.2020)
Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu 2 uşağın meyitini su hovuzundan çıxarıb

BAKI, 29 noyabr - Sputnik. Bakıda təsərrüfat sahəsindəki su hovuzuna düşən 2 azyaşlının meyiti tapılıb.

Sputnik Azərbaycan Fövqəladə Hallar Nazirliyinin saytına istinadən bildirir ki, "112" qaynar telefon xəttinə Bakı şəhərinin Xəzər rayonunda 2 nəfərin (təxminən 10-12 yaşlarında) təsərrüfat sahəsindəki su hovuzuna (suvarma təyinatlı, dərinliyi təqribən 10 m) düşməsi və batması barədə məlumat daxil olub. Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Axtarışlar nəticəsində 2 nəfərin meyiti tapılaraq çıxarılıb və aidiyyəti üzrə təhvil verilib.

21
Yanğınsöndürənlər, arxiv şəkli

Zavodun tavanı ailələrin başına uçdu, maşınlar partladı - Xırdalanda qorxunc olay

23
Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib

BAKI, 29 noyabr - Sputnik. Xırdalanda məcburi köçkünlərin müvəqqəti məskunlaşma yerində baş vermiş uçqunla bağlı məlumat yayılıb.

Qaçqınların və Məcburi Köçkünlərin İşləri üzrə Dövlət Komitəsi mətbuat xidmətindən verilən məlumata görə, noyabrın 28-də Abşeron rayonunu, Xırdalan şəhərində keçmiş Yüngül Konstruksiyalar Zavodunda uçqun baş verib.

Hadisə ilə bağlı məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin aidiyyəti şöbəsinin və yerli sektorunun nümayəndələri orada olub, ailələrin vəziyyəti ilə tanış olublar.

Yanğın baş verən ünvanda yaşayan 9 məcburi köçkün ailəsi müvəqqəti məskunlaşıb. Hadisə nəticəsində ölən və xəsarət alan olmayıb.

İlkin ehtimala görə, hadisə yağış sularının təsiri nəticəsində meydana gəlib. Belə ki, keçmiş zavodun beton tavanı uçaraq Kəlbəcər rayonundan məcburi köçkün Verdiyev Seymur Dilqəm oğluna məxsus "Mitsubishi" və Laçın rayonundan məcburi köçkün Məmmədov Taleh Zahid oğluna məxsus "Volkswagen" markalı iki avtomobilin üzərinə dağılıb. Nəticədə avtomobillərdə yanğınla müşahidə olunan partlayış baş verib. Yanğın dərhal söndürülüb.

Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib.

Hazırda FHN-in mütəxəssisləri tərəfindən hadisənin başvermə səbəbləri araşdırılır.

Araşdırmadan sonra yekun rəy veriləcək. Rəy əsasında müvafiq hüquqi addımlar atılacaq.

23
Teqlər:
yanğın, partlayış, avtomobil, məcburi köçkünlər, bina, zavod, Xırdalan
Dieqo Armando Maradona

Maradonanın həkimi ittihamlara cavab verdi

0
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

0
Teqlər:
axtarış, ittiham, həkim, ölüm, Dieqo Armando Maradona