Çilidə zəlzələ

Bu dəhşətli proqnoz reallaşarsa...

5974
(Yenilənib 16:06 15.04.2016)
Rusiyalı mütəxəssisin Azərbaycanda dağıdıcı zəlzələ gözlənildiyi barədə açıqlaması təşvişə səbəb olub. Azərbaycanlı ekspert isə, bu cür təbii fəlakətin öncədən proqnozlaşdırılmasını mümkün hesab etmir.

BAKI, 15 apr — Sputnik. "Növbəti zəlzələnin vaxtını qabaqcadan demək mümkün deyil. Son proqnoza görə, onun dağıdıcılıq gücü təkanların dərinliyindən asılıdır".

Qurban Yetirmişli
© Photo : APA
Qurban Yetirmişli

Bu sözləri Sputnik-ə açıqlamasında Azərbaycan Milli Elmlər Akademiyasının (AMEA) Respublika Seysmoloji Xidmət Mərkəzinin baş direktoru Qurban Yetirmişli deyib. O, hesab edir ki, Qafqazın şərqində, Azərbaycanla Dağıstan sərhədində dəqiq zəlzələ olacağı barədə proqnoz şübhəlidir. 

Aprelin 13-də Sputnik, 2016-2017-ci illərdə Azərbaycanla Dağıstan sərhədində, maqnitudasının 6-6,5 bal olacağı dağıdıcı zəlzələnin gözləndiyi barədə məlumat dərc etmişdi. Bu barədə Rusiya Elmlər Akademiyasının Yer Fizikası İnstitutunun direktor müavini Yevgeni Roqojin bildirmişdi.

"Proqnoz Şərqi Qafqaz üzrədir. Bu rayon, Azərbaycanla Dağıstan sərhədidir. Zəlzələ ya bu il, ya da gələn il ola bilər. Bizim proqnoza görə, zəlzələnin maqnitudası 6-6,5 bal olacaq, bu da 7-8 bal deməkdir (intensivlik cədvəlinə görə-red). Bu, dağıdıcıdır", — deyə Y. Roqojin söyləyib.

Onun sözlərinə görə, Rusiya Fövqəladə Hallar Nazirliyi artıq bundan xəbərdardır və yerli hakimiyyətin hələ ki, təkanlara tab gətirməyəcək binaları bərkitmək üçün vaxtı var.

Yetirmişlinin sözlərinə görə, rusiyalı alimlər 1997-ci ildən başlayaraq dəfələrlə Dağıstan ərazisində zəlzələ barədə açıqlamalar veriblər: "Bura seysmoaktiv bölgədir, ona görə də hətta bu gün belə, həmin ərazidə ara-sıra yeraltı təkanlar qeydə alınır. Titrəyişlər burada hələ ötən əsrin əvvəllərində — 1902, 1903, 1912-ci illərdə qeydə alınıb".

Earthquake
© AFP 2020 / Richter magnitude scale

"Qabaqcadan demək olmaz ki, dağıdıcı zəlzələ nə vaxt baş verəcək. 1997-1998-ci illərdən xeyli vaxt keçib. O vaxtdan bu günə kimi az zəlzələ olmayıb, amma onların heç biri dağıdıcı xarakter daşımayıb. Son proqnoza — maqnitudası 6-6,5 bal olan zəlzələyə gəlincə, bu, dağıdıcı ola da bilər, olmaya da. Hər şey təkanların dərinliyindən asılıdır", — deyə RSXM-in rəhbəri izah edib.

Onun sözlərinə görə, zəlzələnin vaxtını, yerini və gücünü dəqiq proqnozlaşdıra bilmədiyinə görə alimi qınamaq olmaz: "Yerli sakinlər ilboyu mümkün zəlzələni gözləyərək evlərindən kənarda yaşaya bilməzlər. Ona görə də belə ehtimal olunan proqnozlar insanların psixoloji vəziyyətinə neqativ təsir göstərir. Hətta zəlzələ olacağı təqdirdə belə, o, böyük dağıntılara səbəb olmayacaq. Çünki dağlıq ərazilər yer titrəyişlərinə daha dayanıqlı olurlar".

"Bu günə qədər heç kəs praktiki olaraq, zəlzələ ilə bağlı dəqiq proqnoz verə bilməyib. Bu, yalnız bir dəfə — 1975-ci ildə Xayçendə baş verib", —ekspert əlavə edib.

Xatırladaq ki, o zaman qarşıdan gələn zəlzələ haqqında ilk proqnoz Çinin Lyaonin əyalətində, Xayçendə verilib. Dağıdıcı təkanlar 4 fevral 1975-ci ildə yerli vaxtla saat 19:36-da qeydə alınıb. Onda yerli hakimiyyətin bir gün əvvəl zəlzələ ilə bağlı əhalini evakuasiya etməsi nəticəsində böyük insan itkisindən qaçmaq mümkün olmuşdu.

Bu, dünya tarixində dağıdıcı zəlzələdən əvvəl uğurlu evakuasiyanın həyata keçirildiyi yeganə haldır. Bu hadisəyə qədər zəlzələlər müxtəlif proseslərə görə qiymətləndirilirdi (nə dərəcədə dəqiq olduğu mübahisəlidir). Məsələn, heyvanların özlərini qəribə aparmaları, bir neçə binanın çatlaması, torpaqda iri yarıqların əmələ gəlməsi və s.

Bundan bir neçə ay keçəndən sonra, sözügedən əyalətin yaxınlığında heç kəsin gözləmədiyi daha bir zəlzələ baş verdi. Bu zəlzələdə bir neçə yüz min adam öldü.

Yetirmişli hesab edir ki, Xayçendəki zəlzələnin proqnozlaşdırılması sadəcə bir təsadüf idi: "O vaxtdan 40 il keçib, amma indiyə qədər heç kəs zəlzələni dəqiqliyi ilə proqnozlaşdıra bilməyib".

5974
Teqlər:
Respublika Seysmoloji Xidmət Mərkəzi, Qurban Yetirmişli, Yevgeni Roqojin, fəlakət, Azərbaycan Milli Elmlər Akademiyası, zəlzələ
Əlaqədar
Yaponiyada zəlzələ nəticəsində azı 3 nəfər ölüb, 200 nəfər yaralanıb
Papua-Yeni Qvineyada 6,7 bal gücündə zəlzələ baş verib
Tayvanda zəlzələ nəticəsində 100-dən çox itkin düşən var
Yaponiyada 5,5 bal gücündə zəlzələ oldu
Uzaq Şərqdə güclü zəlzələ
Türkiyədə zəlzələ baş verib
Peruda 7.5 bal gücündə zəlzələ baş verib
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

92
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

92
Teqlər:
mina, Füzuli rayonu, Füzuli, ANAMA
Adilzadə Zibeydə, arxiv şəkli

Baş redaktor Füzulidə minaya düşərək həlak olub

151
(Yenilənib 17:27 28.11.2020)
Füzuli Rayon İcra Hakimiyyətinin mətbu orqanı olan “Qayıdış” qəzetinin baş redaktoru Zibeydə Adilzadə bu gün Aşağı Seyidəhmədli kəndi ərazisində "Toyota" markalı avtomobillə hərəkətdə olarkən minaya düşərək qohumları ilə birlikdə həlak olub.

BAKI, 28 noyabr - Sputnik. Bu gün Füzuli rayonunun işğaldan azad olunmuş Aşağı Seyidəhmədli kəndi ərazisində "Toyota" markalı avtomobillə hərəkətdə olarkən minaya düşərək həlak olanlardan biri jurnalistdir.

Sputnik Azərbaycan Report-a istinadla xəbər verir ki, ölənlərdən Adilzadə Zibeydə Şakir qızı (Zibeydə Şakir) Füzuli Rayon İcra Hakimiyyətinin mətbu orqanı olan “Qayıdış” qəzetinin baş redaktorudur.

Qeyd edək ki, Ermənistanın silahlı qüvvələri Azərbaycan Ordusunun uğurlu əməliyyatları nəticəsində geri çəkildikcə əraziləri minalayaraq növbəti təxribat əməllərinə yol verməklə, artıq yeni üsul və metodlardan istifadə edərək dinc sakinlərimizə qarşı cinayət əməllərini törədib.

Baş Prokurorluğun mətbuat xidmətindən Sputnik Azərbaycan-a verilən məlumata görə, 28 noyabr saat 15:20-də Azərbaycan Respublikasının vətəndaşları Hacıyev Şakir Məhərrəm oğlu, Hacıyev Firudin Məhərrəm oğlu, Hüseynov Zülfüqar Adışirin oğlu, Hacıyeva Elminaz Məhərrəm qızı və Adilzadə Zibeydə Şakir qızı Füzuli rayonunun işğaldan azad olunmuş Aşağı Seyidəhmədli kəndi ərazisində 90-BL-558 dövlət qeydiyyat nişanlı "Toyota" markalı avtomobillə hərəkətdə olarkən ilkin ehtimala görə tank əleyhinə minaya düşmələri nəticəsində həlak olublar.

Dərhal prokurorluq əməkdaşları tərəfindən hadisə yerinə və meyitlərə baxış keçirilib, məhkəmə-tibb ekspertizası təyin edilisb, digər prosessual hərəkətlər yerinə yetirilib.

151
Teqlər:
Böyük Qayıdış, qayıdış, baş redaktor, Füzuli rayonu, Füzuli

Dağıdılsa da doğmadır, qəbulumuzdur: azad olunmuş Füzulidən yeni kadrlar - FOTO

0
(Yenilənib 14:36 29.11.2020)
Müzəffər Azərbaycan Ordusu Füzulini çoxillik erməni işğalından azad edib. Şəhərdə, demək olar ki, salamat bina qalmayıb

Füzuli Azərbaycan Ordusunun uğurlu əks-hücumu nəticəsində 2020-ci il oktyabrın 17-də Ermənistan hərbi qüvvələrindən təmizlənib. 27 il ərzində ermənilərin Füzulini nə hala saldığıını Sputnik Azərbaycan-ın fotolentində izləyə bilərsiniz.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0
  • © Sputnik / Aleksey Kudenko

    Füzulidə "Araz" qəzetinin redaksiyasının dağıdılmış binası üstündə Azərbaycan bayrağı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar. Mərkəzdə - Hərbi Xidmətə Çağırış üzrə Dövlət Xidmətinin binası.

  • © Sputnik / Aleksey Kudenko

    Füzulidə qəbiristanlıqda muğam ifaçısı Ağabala Abdullayevin sınıdırılmış büstü.

  • © Sputnik / Aleksey Kudenko

    Füzulidə azərbaycanlıların qəbiristanlığı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə ağacda çəkmələr.

  • © Sputnik / Aleksey Kudenko

    Füzuli bulağı.

  • © Sputnik / Aleksey Kudenko

    Füzulidə dağılmış binanın qarşısında yanmış avtomobil.

  • © Sputnik / Алексей Куденко

    Azərbaycan polisi "Araz" qəzetinin redaksiyası olan dağılmış binanın yanında.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağılmış bina.

  • © Sputnik / Aleksey Kudenko

    Füzulidə yolda Azərbaycan polisi.

  • © Sputnik / Aleksey Kudenko

    Füzulidə dağıdılmış yanğından mühafizə bölməsinin binası.