Xətai rayonu ərazisində yerləşən beş mərtəbəli yataqxana dünən günorta radələrində uçub

Bakıda 96 ailə ölüm təhlükəsi altındadır

288
(Yenilənib 16:49 29.03.2016)
400-ə yaxın insanın məskunlaşdığı yataqxana qəflətən uçub. Yataqxananın 3-cü və 4-cü mərtəbələri arasındakı arakəsmə yerlə bir olub.

BAKI, 29 mart — Sputnik. Təxminən 1 ay öncə qəzalı olduğu barədə məlumat verdiyimiz, Xətai rayonu ərazisində yerləşən beş mərtəbəli yataqxana dünən günorta radələrində uçub. Cavanşir küçəsi 10 ünvanında yerləşən yataqxananın 3-cü və 4-cü mərtəbəsi arasındakı arakəsmə yerlə bir olub.

"Binanın qəzalı vəziyyətdə olması ilə bağlı dəfələrlə hökumət qurumlarına müraciət edilsə də, heç bir faydası olmayıb", —deyə Sputnik-ə açıqlamasında bina sakini Teymur Əliyev bildirib.

Hadisə zamanı binada olmadığını deyən sakinin sözlərinə görə, qardaşı zəng edərək, məlumat verib: "Onun danışdığını eşidəndə çox da təəccüblənmədim. Çünki belə hadisə olacağı gözlənilirdi. Çünki 4-cü mərtəbədə yerləşən mətbəxin döşəməsində oval şəklində uçuq var idi".

"İndi həmin uçuq tamamilə dağılıb və gördüyünüz kimi 3-cü mərtəbə ilə arada arakəsmə qalmayıb. Hər an yeni uçurum təhlükəsi mövcuddur, binanın özü belə 2-3 bal zəlzələyə tab gətirə bilməz", —deyib T. Əliyev.

  • Xətai rayonu ərazisində yerləşən beş mərtəbəli yataqxana dünən günorta radələrində uçub
    Xətai rayonu ərazisində yerləşən beş mərtəbəli yataqxana dünən günorta radələrində uçub
    © Sputnik / Fuad Hasanov
  • Bina sakini Teymur Əliyev
    Bina sakini Teymur Əliyev
    © Sputnik / Fuad Hasanov
  • Yataqxanada 96 ailə yaşayır
    Yataqxanada 96 ailə yaşayır
    © Sputnik / Fuad Hasanov
  • 1979-cu ildə inşa edilmiş binanın qəzalı vəziyyətdə olması ilə bağlı bir neçə il əvvəl rəy verilib
    1979-cu ildə inşa edilmiş binanın qəzalı vəziyyətdə olması ilə bağlı bir neçə il əvvəl rəy verilib
    © Sputnik / Fuad Hasanov
  • Mərtəbələrdəki ümumi mətbəxlər bağlanıb, onlarda istifadə qadağan edilib
    Mərtəbələrdəki ümumi mətbəxlər bağlanıb, onlarda istifadə qadağan edilib
    © Sputnik / Fuad Hasanov
  • Martın 28-i günorta radələrində mərtəbələr arasındakı beton panellər qəfildən uçub
    Martın 28-i günorta radələrində mərtəbələr arasındakı beton panellər qəfildən uçub
    © Sputnik / Fuad Hasanov
1 / 6
© Sputnik / Fuad Hasanov
Xətai rayonu ərazisində yerləşən beş mərtəbəli yataqxana dünən günorta radələrində uçub

O, yataqxanada 96 ailənin yaşadığını və bu insanların ölümlə burun-buruna qaldıqlarını bildirib: "Bugünkü gündə burada 96 ailə yaşayır. Amma 96 ailə 96 nəfər demək deyil. Hər ailənin azı 3, 4, 5 nəfər üzvü var. Ümumi hesablayanda 350-400 adam yaşayır bu yataqxanada. Allah göstərməsin, sabah bu bina tam uçsa, xalqa nə cavab verəcəklər?".

Əliyev yataqxanadan köçürülmə ilə bağlı Xətai rayon İcra Hakimiyyətinə, Prezident Administrasiyasına, Fövqəladə Hallar Nazirliyinə (FHN) müraciətlər edildiyini, ancaq bir nəticə ala bilmədiklərini söyləyib: "Neçə dəfələrlə Prezident Administrasiyasıa getmişik. Bütün dövlət orqanlarına müraciət də eləmişik. Özləri də dəfələrlə gəlib yataqxanının vəziyyətini görüblər. Amma konkret heç bir iş görülməyib, nə də ki görüləcəyi ilə bağlı dəqiq heç nə deyilmir".

1979-cu ildə inşa edilmiş binanın qəzalı vəziyyətdə olması ilə bağlı bir neçə il əvvəl rəy verilib. Fövqəladə Hallar Nazirliyinin mütəxəssisləri binaya baxış keçiriblər, mətbəx və sanitar qovşaqlardan istifadənin təhlükəli olması barədə sakinlərə və yerli icra strukturlarına xəbərdarlıq edilib.

Mərtəbələrdəki ümumi mətbəxlər bağlanıb, onlarda istifadə qadağan edilib. Lakin yataqxana sakinləri bağlanmış mətbəxləri özbaşına açaraq, onlardan istifadəni davam etdiriblər.

Martın 28-i günorta radələrində isə mərtəbələr arasındakı beton panellər qəfildən uçub. Hadisə vaxtı mətbəxlərdə heç kim olmadığından zərər çəkən də olmayıb. Həmin vaxt 3-cü və 4-cü mərtəbələrdəki mətbəxlərdə heç kim olmadığından, xoşbəxtlikdən zərər çəkən olmayıb.

288
Teqlər:
uçqun, sakin, bina, ailə, yataqxana
Əlaqədar
Bakının bütün rayonlarında qəzalı binalar söküləcək
"Yeni Bakı" sakinləri etiraz edir
Gəncə sakinlərinə şad xəbər
Biləcəri sakinləri üçün yerüstü keçid tikilir
Yanan bina sakinlərinə kompensasiya bu gün veriləcək
Tüfəng, arxiv şəkli

Ağcabədi sakini qardaşı oğlunu güllələdi

34
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

34

Azərbaycanda Milli Park yanır

67
İlkin məlumata görə, təqribən 5 ha sahədə quru ot və kol-kos yanır. Yanğının baş verdiyi ərazi çətin keçilən mürəkkəb relyefdə yerləşir.

BAKI, 19 oktyabr - Sputnik. Fövqəladə Hallar Nazirliyinin "112" qaynar telefon xəttinə Quba rayonunun Xanəgah kəndində Şahdağ Milli Parkının ərazisində yanğın olması barədə məlumat daxil olub.

FHN-dən Sputnik Azərbayca-a verilən məlumata görə, Dövlət Yanğından Mühafizə Xidmətinin yanğından mühafizə bölmələri, Mülki müdafiə qoşunlarının şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları yanğınsöndürmə işlərinə cəlb ediliblər. İlkin məlumata görə, təqribən 5 ha sahədə quru ot və kol-kos yanır.

Yanğının baş verdiyi ərazi çətin keçilən mürəkkəb relyefdə yerləşir. Hazırda yanğınsöndürmə işləri davam etdirilir.

67
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0