Истребитель F-22 ВВС США. Архивное фото

NATO qırıcıları Şoyqunun təyyarəsinin 2 kilometrliyindən uçub

98
Rusiyanın Müdafiə Nazirliyi Qərb regionlarındakı hərbi kontingentini qaydaya salır.

BAKI, 28 mar — Sputnik. Rusiyanın müdafiə naziri Sergey Şoyqunu Baltik dənizinin neytral suları üzərindən Kalininqrada uçuşu zamanı Rusiyanın Su-27 təyyarələri müşayiət edib. Onun 2 kilometrliyindən isə NATO-nun Eurofighter qırıcıları uçub.

Sputnik-in məlumatına görə, bu barədə RİA Novosti-nin hadisə yerində olan müxbiri xəbər verib. 

Onun sözlərinə görə, NATO-nun hərbi təyyarələri Rusiya müdafiə nazirinin təyyarəsinə yaxınlaşmayıb. Şoyqunun təyyarəsi lazım olan yerdə yerə enib və o, planlaşdırılan səfərini reallaşdırıb. 

Şoyqunun Kalininqrad vilayətinə — Rusiyanın Avropanın lap mərkəzindəki anklavına — səfəri işçi xarakter daşıyır.

Rusiyanın Müdafiə Nazirliyindən verilən məlumata görə, nazirin səfərinin məqsədi Kalininqraddakı rekonstruksiya edilmiş Çkalovsk hərbi aerodromundakı və Uşakov adına Baltik hərbi-dəniz institutundakı vəziyyəti yoxlamaq, həmçinin komandanlığın məruzələrini dinləməkdir. 

Şoyqu daha əvvəl ABŞ və NATO silahlı qüvvələrinin Ukraynadakı gərgin vəziyyətlə bağlı Şərqi Avropada “görünməmiş” şəkildə fəallaşdığını bəyan etmişdi. Bununla əlaqədar olaraq, Müdafiə Nazirliyi Kalininqrad vilayətindəki və digər regionların Qərb hərbi dairələrindəki hərbi kontingentini qaydaya salır. 

Xatırladaq ki, bu gün Şoyqunun təyyarəsinin NATO qırıcıları tərəfindən izləndiyi və mühasirəyə alındığı barədə xəbərlər yayılmışdı.

98
Bıçaq əlində qadın, arxiv şəkil

Bacılar arasında bıçaqlaşma baş verib - Lənkəranda

99
(Yenilənib 17:34 18.04.2021)
1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib.

BAKI, 18 aprel - Sputnik. Lənkəranda bıçaqlanma hadisəsi baş verib.

Sputnik Azərbaycan Report-a istinadla xəbər verir ki, hadisə şəhərin Füzuli küçəsi 43 ünvanında baş verib. Belə ki, 1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib. Ona zəruri tibbi yardım göstərilib.

Hadisənin ailə münaqişəsi zəminində bacılar arasında baş verdiyi bildirilir. Faktla bağlı araşdırma aparılır.

99

Samuxda reyddə 15 nəfər sürücü inzibati məsuliyyətə cəlb edildi

471
(Yenilənib 08:33 18.04.2021)
Reydlərin keçirilməsində məqsəd avtomobillərin ixrac qazlarının tərkibində olan zərərli maddələrin atmosferi çirkləndirməsinin qarşısını almaqdır.

BAKI, 18 aprel - Sputnik. Samux Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində nəqliyyatın sıx olduğu yerlərdə “Təmiz hava” aylığı ilə əlaqədar reyd keçirilib.

Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, reydlərin keçirilməsində məqsəd avtomobillərin ixrac qazlarının tərkibində olan zərərli maddələrin atmosferi çirkləndirməsinin qarşısını almaqdır.

Rayonun müxtəlif ərazilərində təşkil olunan reyd zamanı yol polisi əməkdaşları sürücülərin bir daha diqqətinə çatdırıblar ki, istifadələrində olan avtomobillərin yanacaq sistemini tənzimləməklə onları saz vəziyyətə gətirməli və ixrac qazlarının tərkibinin normalara uyğunlaşdırılmasını təmin etdikdən sonra istismarına yol verməlidirlər. Reyd zamanı 15 nəfər sürücü inzibati məsuliyyətə cəlb edilib.

471
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0