Qızıl-ziynət əşyalarının satışı ilə məşğul olan sahibkarlar univermağın qarşısında mitinq keçirir

Paytaxtın məşhur qızıl-zinət satışı mərkəzində "üsyan"

495
(Yenilənib 17:14 03.02.2016)
Moskva Univermağında 3 gündür aksiya keçirilir, qiymətli əşya tacirləri icarə haqlarının bahalığına etiraz edirlər, univermaqda vitrinlərin 90 faizi boşalıb

BAKI, 3 fev — Sputnik. Paytaxtın ən böyük ticarət mərkəzlərindən olan Moskva Univermağında etiraz aksiyası başlayıb və artıq 3-cü gündür proses davam edir. Univermaqda qızıl-ziynət əşyalarının satışı ilə məşğul olan sahibkarlar binanın qarşısına toplaşaraq, öz tələblərini yerinə yetməsini istəyirlər. Tələbləri isə icarə haqlarının endirilməsidir.

Bu gün qızıl-ziynət əşyalarının satışı ilə məşğul olan sahibkarlar yenidən univermağın qarşısında mitinq keçiriblər. Sputnik əməkdaşının ərazidə çəkiliş aparıdığını görən sahibkarlar bir-bir öz problemlərini sadalamağa başlayıblar.

"2-3 metr yerə görə bizdən 1500-2000 manat icarə haqqı alırlar. Dövran həmin dövran deyil ki, "qaz vurub-qazan dolduraq". Satış dayandığı üçün yer haqqını da ödəyə bilmirik", —deyə sahibkar Samir Verdiyev bildirib.

  • Moskva Univermağı
    Bakının ən böyük ticarət mərkəzlərindən olan Moskva Univermağı
    © Sputnik / Fuad Hasanov
  • Boş qalmış rəflər
    Qızılın qiymətinin bahalaşmasından sonra isə univermaqda qızıl-ziynət əşyalarının satışında kəskin azalma baş verib
    © Sputnik / Fuad Hasanov
  • Ticarət mərkəzinin qarşısına toplaşmış sahibkarlar
    Sahibkarlar deyir, satış dayandığı üçün yer haqqını da ödəyə bilmirik
    © Sputnik / Fuad Hasanov
  • Moskva Univermağında müştərilər
    Univermaqdakı ənənəvi müştəri sıxlığından əsər-əlamət yoxdu
    © Sputnik / Fuad Hasanov
1 / 4
© Sputnik / Fuad Hasanov
Bakının ən böyük ticarət mərkəzlərindən olan Moskva Univermağı

Dolların qalxması, manatın dəyərdən düşməsindən sonra, digər malların qiymətlərində baş verən bahalaşma qızıl-ziynət əşyalarının qiymətinin qalxmasına da səbəb olub. Qızılın qiymətinin bahalaşmasından sonra isə univermaqda qızıl-ziynət əşyalarının satışında kəskin azalma baş verib. Belə olduqda da sahibkarlar aylıq icarə haqlarını ödəyə bilmirlər.

Məsələ ilə bağlı qarşı tərəfin də fikrini öyrənmək üçün Moskva Univermağının administratoru Elman Hacıyevlə görüşdük. Bizi öz otağında qəbul edən E. Hacıyev, yaxın 3-4 gün ərzində yer haqları ilə bağlı müəyyən güzəştlərin ediləcəyini söylədi.

"Əlbəttə, biz də bilirik ki, böhran dövrüdür. Ancaq bu böhran tək qızıl-satışı ilə məşğul olanlara təsir etməyib ki?! Bütün sahələrə təsir edib", —deyə administrator bildirdi.

Univermaq təmsilçisinin sözlərinə görə, böhran onların özlərinə də təsirsiz ötüşməyib: "Bizim özümüz də ziyan çəkirik. Ona görə, sahibkarlar bir az səbrli olsunlar. Yaxın bir neçə günə onların problemi həll olunacaq".

Bildirək ki, hazırda Univermaqdakı qızıl-zinət satılan vitrinlərin 90 faizdən artığı fəaliyyətini dayandırıb.

495
Teqlər:
qızıl-zinət, icarə haqqı, Moskva Univermağı, ticarət mərkəzi, sahibkar, aksiya
Əlaqədar
Bakının məşhur ticarət mərkəzində aksiya keçirilib
Bölgələrdə keçirilən etiraz aksiyaları ilə bağlı rəsmi məlumat yayılıb
Bölgələrdə qiymət artımına qarşı etiraz aksiyaları keçirilib
Təbriz aksiyasına İstanbuldan dəstək
Gəncədə bir qrup dindar icazəsiz aksiya keçirməyə cəhd edib
Marixuana nümunələri, arxiv şəkli

Şəkidə 1 tondan artıq narkotik tərkibli bitki məhv edilib

5
(Yenilənib 21:22 27.05.2020)
Rayonun İkinci Biləcik kəndi ərazisində ümumi çəkisi 1 ton 172 kq yabanı halda bitən 7321 ədəd narkotik tərkibli çətənə bitkiləri aşkar edilib.

BAKI, 27 may — Sputnik. “Xaş–xaş 2020” əməliyyat-axtarış və profilaktiki tədbirlər planına uyğun olaraq Şəki Şəhər Rayon Polis Şöbəsinin əməkdaşları tərəfindən yabanı halda bitmiş narkotik tərkibli bitkilərin aşkar olunaraq məhv edilməsi istiqamətində əməliyyat tədbiri keçirilib.

Daxili İşlər Nazirliyinin Mətbuat Xidmətinin Şəki regional qrupundan Sputnik Azərbaycan-a verilən məlumata görə, rayonun İkinci Biləcik kəndi ərazisində ümumi çəkisi 1 ton 172 kq yabanı halda bitən 7321 ədəd narkotik tərkibli çətənə bitkiləri aşkar edilib. Həmin bitkilər kökündən çıxarılıb və yandırılaraq məhv edilib.

5
İt döyüşü

İtləri bir-birlərinə yedirdənlərin kimliyi məlum oldu

38
(Yenilənib 19:53 27.05.2020)
Onların törətdikləri əmələ müvafiq olaraq hüquqi qiymət verilməsi və məsuliyyətə cəlb olunmaları istiqamətində araşdırmalar davam etdirilir

BAKI, 27 may — Sputnik. Sumqayıt şəhərində it döyüşləri təşkil edənlərin kimliyi bəlli olub.

Sputnik Azərbaycan-ın məlumatına görə, Daxili İşlər Nazirliyinin mətbuat katibi, polis polkovniki Ehsan Zahidov bildirib ki, sosial şəbəkələrdə yayılan videogörüntülərdəki şəxslərin kimliyi müəyyənləşdirilib: "Araşdırmalar davam etdirilir. Həmin adamların izahatları alınıb. Hazırda onların əməlinə hüquqi qiymət verilməsi və məsuliyyətə cəlb olunmaları istiqamətində araşdırma davam etdirilir. Onların törətdikləri əmələ müvafiq olaraq hüquqi qiymət verilməsi və məsuliyyətə cəlb olunmaları istiqamətində araşdırmalar davam etdirilir. Yekun qərar olduqda ictimaiyyətə ətraflı məlumat veriləcək”.

E.Zahidov deyib ki, it döyüşləri təşkil edən şəxslərin 6 nəfər olduğu müəyyən edilib. 

Xatırladaq ki, yayılan məlumatlarda Sumqayıt şəhərində Mətləb adlı şəxsin “Pitbull” fermasında it döyüşləri təşkil etdiyi bildirilirdi. İddiaya görə, itlərə narkotik vurub, ölənə qədər döyüşdürürlər. Qeyd edilir ki, hətta küçədən adi itləri tutub, döyüşçü itlərin önünə atırlar. “Pitbull” küçə itini öldürdükdən sonra isə onun cəsədi doğranılır və cavan döyüş itlərinə yedizdirilir.

38

Azərbaycanlılar ADR-in yaranmasının 102-ci ildönümünü qeyd edirlər

0
(Yenilənib 11:06 28.05.2020)
Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və islam dünyasında ilk parlamentli respublika, ilk demokratik, hüquqi və dünyəvi dövlət nümunəsi idi.
İnfoqrafika: 28 may
© Sputnik / Elnur Salayev

28 may 1918-ci il müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yarandığı gündür. 1991-ci ildə Azərbaycan öz müstəqilliyini bərpa edəndən sonra hər il 28 may Respublika günü kimi qeyd olunur.

Azərbaycan xalqı bu il mayın 28-də onun ən şərəfli tarixinin bir hissəsi olan Demokratik Respublikanın qurulmasının 102-ci ildönümünü qeyd edir.

Prezident İlham Əliyev
© Official website of President of Azerbaijan Republic

1917-ci ildə Rusiyada baş vermiş Fevral inqilabı nəticəsində Rusiyada Çar İmperiyası devrildi. Ölkədə çarizmin məzlum vəziyyətə saldığı xalqların milli hərəkatı başlandı. 1918-ci il mayın 28-də Məhəmməd Əmin Rəsulzadənin başçılığı altında Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradıldı.

Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və islam dünyasında ilk parlamentli respublika, ilk demokratik, hüquqi və dünyəvi dövlət nümunəsi idi.

Azərbaycan müvəqqəti hökumətinin ilk başçısı isə Fətəli Xan Xoyski idi. 10 gün Milli Şura Tiflisdə işlədikdən sonra Gəncəyə köçürülüb. Yalnız 1918-ci ilin sentyabrında Türkiyə ordusunun rəhbərliyi ilə – Bakı daşnak-rus qüvvələrdən təmizləndikdən sonra milli hökumət Gəncədən Bakıya köçüb.

Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə edib. Müsəlman Şərqində ilk dəfə, eləcə də ABŞ və bir sıra Avropa ölkələrindən daha əvvəl qadınlara seçim hüququ tanıyan və qadın–kişi bərabərliyini təmin edən cümhuriyyət, milli ordu, milli pul, milli bankın yaradılması, azad seçkilər, beynəlxalq əlaqələr və beynəlxalq ictimaiyyət tərəfindən Azərbaycan istiqlalının rəsmən tanınması, Azərbaycanın bütövlüyünün təmin edilməsi, iqtisadi islahatlar və digər uğurlara imza atmışdı.

Azərbaycan Demokratik Respublikasını rəsmi surətdə tanıyan ilk dövlət Osmanlı olub. Həmin tarixi hadisə 4 iyun 1918-ci ildə baş verib.

1918-ci il 9 noyabr tarixində M.Ə.Rəsulzadənin təklifi əsasında Azərbaycan Demokratik Respublikasının üç rəngli bayrağı qəbul edilib.

Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bilib. Təəssüf ki, müstəqil Azərbaycan Cümhuriyyəti iki yaşına dolmadan bolşeviklərin hücumuna məruz qalıb və müvəqqəti olaraq devrilib. Sovetlər Birliyi Azərbaycanı məcburi surətdə öz tərkibinə daxil edib. Bolşeviklər tərəfindən devrilməsinə baxmayaraq, istiqlal ideyası yenilməyib və 1991-ci ildə Sovet İmperiyasının dağılması ilə Azərbaycan yenidən öz müstəqilliyini elan edib.

Azərbaycan Xalq Cümhuriyyəti ilə bağlı daha ətraflı məlumatla Sputnik Azərbaycan-ın hazırladığı infoqrafikada tanış ola bilərsiniz.

0