Nəşrin təqdimat mərasimi

Miqrantlarla bağlı dəhşətli statistika açıqlandı

169
(Yenilənib 15:31 01.02.2016)
Dünyada miqrantların sayı 250 milyonu keçib, köçmələr zamanı son 16 ildə 40 mindən çox insan həlak olub

BAKI, 1 fev — Sputnik. "Azərbaycan yenicə müstəqillik əldə etdiyi bir vaxtda miqrasiyaya məruz qalıb. Avropaya miqrantların axını ilə Azərbaycan keçdiyi prosesi müqayisə etdikdə, bunun o zaman necə sivil qaydada həyata keçirildiyini görürük. Təbii ki, bu həm də beynəlxalq təşkilatların köməyi ilə edilib".

Miqrantlar
worldyouthalliance.wordpress.com

Sputnik xəbər verir ki, bu fikirləri Dövlət Miqrasiya Xidmətinin (DMX) rəis müavini Pərviz Musayev, bu gün Bakıda Avropa İnsan Haqları Məhkəməsi və Fundamental Hüquqlar üzrə Avropa Agentliyinin birgə hazırladığı "Sığınacaq, sərhəd və immiqrasiya məsələlərinə dair Avropa Qanunvericiliyi üzrə vəsait"in Azərbaycan dilində nəşrinin təqdimat mərasimində səsləndirib.

Vəsait Avropa Birliyinin maliyyə dəstəyi ilə BMT tərəfindən həyata keçirilən "Azərbaycanda miqrasiya və sərhəd idarəçiliyi üzrə potensialların gücləndirilməsi" layihəsi çərçivəsində 25 dilə tərcümə olunub. Tədbirdə Beynəlxalq Miqrasiya Təşkilatının Bakı nümayəndəliyinin rəhbəri Sərhan Aktoprak bildirib ki, hazırda dünyada analoqu olmayan yerdəyişmə prosesi gedir.

"Bu gün dünyada miqrantların sayı 250 milyonu keçib. Köçmələr zamanı son 16 ildə 40 mindən çox insan həlak olub", —deyə Aktoprak bildirib.

Onun sözlərinə görə, Beynəlxalq Miqrasiya təşkilatı hökumətlərin bu sahədəki fəaliyyətlərinə töhvə vermək üçün daim çalışır: "Ölkəniz də hər gün artan miqrant sayından öz töhvəsini alır. Azərbaycanın başqa ölkələrlə paylaşa biləcək yaxşı təcrübələri var".

DMX-nin rəis müavini Pərviz Musayev Azərbaycan torpaqlarının 20 faizinin işğalı nəticəsində 1 milyondan çox azərbaycanlının daxili miqrasiyaya məruz qaldığını deyib. Onun sözlərinə görə, ölkəmiz1 milyon qaçqını yerləşdirib, yatacaq, qida ilə təmin edib.

"Bu gün görürük ki, Avropa İttifaqı bu problemlərin içərisində qalıb. Hər üzv ölkə fərqli qərarlar verir. Miqtantlar da bundan əziyyət çəkir və narazı qalırlar. Bu sahədə Azərbaycanın təcrübəsini öyrənmək lazımdır", —deyə P. Musayev qeyd edib.

Avropa İttifaqının ölkəmizdəki səfiri Malena Mard, Azərbaycanda gördüyü uğurlu işlərin əməkdaşlıq üçün gözəl fundament olduğunu qeyd edib: "Aİ ilə Azərbaycan arasında uzun müddətdir miqrasiya məsələlərində ciddi əməkdaşlıq edilir və biz bunun daha da artırılmasını arzu edirik. Biz sərhədlərin idarə edilməsi, sığınacaq verilməsi istiqamətində işləri davam etdirəcəyik və etdirməliyik".

AŞPA-nın Azərbaycan ofisinin rəhbəri Draqana Filipoviç isə qeyd edib ki, Azərbaycan 90-cı illərdə ciddi miqrasiya problemi ilə üzləşsə də, hökumət bu problemin qarşısını uğurla alıb. Filipoviç, bu gün Avropanın ciddi miqrasiya problemi ilə üz-üzə qaldığını bildirib. O, Avropa Şurası ilə Azərbaycan arasında miqrasiya sahəsində əməkdaşlığın yüksək səviyyədə olduğunu yada salıb.

Tədbirin sonunda çıxış edən Azərbaycan Respublikası Ombudsman Aparatının rəhbəri Aydın Səfixanlı, təmsil etdiyi qurumun Beynəlxalq Miqrasiya Təşkilatı ilə yaxşı əlaqələr yaratdığını və əlaqələrin daha da güclənəcəyinə inandığını qeyd edib.

169
Teqlər:
Draqana Filipoviç, Sərhan Aktoprak, Beynəlxalq Miqrasiya Təşkilatı, Fundamental Hüquqlar üzrə Avropa Agentliyi, Pərviz Musayev, Dövlət Miqrasiya Xidməti, miqrasiya, Avropa İnsan Haqları Məhkəməsi, miqrant
Əlaqədar
Avropalılar AB-nin daha inkişaf etmiş ölkələrinə miqrasiya edir
Asim Mollazadə: Avropanın miqrantlarla bağlı vahid siyasəti yoxdur
2 min 800 miqrant qaçaq yolla Avropaya gedərkən dənizdə boğulub
Yenə miqrantları daşıyan gəmi batdı: bu dəfə Malayziyada
Avropadakı miqrant faciəsinin qiymətini tarix verəcək
 Azərbaycan hərbçisi, arxiv şəkli

Korpus komandirinin müavini, polkovnik Babək Səmidli həlak olub

75
(Yenilənib 19:27 23.11.2020)
Korpus komandirinin müavini, polkovnik Səmidli Babək Mətləb oğlu bu gün Suqovuşan qəsəbəsi ərazisində minaya düşüb.

BAKI, 23 noyabr — Sputnik. Qarabağın erməni işğalından azad olunmasında qəhrəmanlıq göstərən polkovnik Babək Səmidli şəhid olub.

APA-nın məlumatına görə, korpus komandirinin müavini, polkovnik Səmidli Babək Mətləb oğlu bu gün Suqovuşan qəsəbəsi ərazisində minaya düşüb.

Şəhid polkovnik sabah Göyçayda dəfn olunacaq.

Allah rəhmət eləsin!

75
Teqlər:
polkovnik, şəhid, mina
Polis əməkdaşı, arxiv şəkli

Polisə müqavimət göstərən şəxs saxlanılıb

11
(Yenilənib 15:47 23.11.2020)
Faktla bağlı Goranboy rayon prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

BAKI, 23 noyabr — Sputnik. Noyabrın 22-də saat 18 radələrində Goranboy rayon polis şöbəsinin əməkdaşlarına qarşı zor tətbiq olunması ilə bağlı rayon prokurorluğuna məlumat daxil olub.

Sputnik Azərbaycan Goranboy rayon prokurorluğunun məlumatına istinadla xəbər verir ki, araşdırmalarla Goranboy rayonu ərazisində oğurluqla əlaqədar daxil olmuş operativ məlumat əsasında Goranboy rayon Polis Şöbəsinin Cinayət Axtarış Bölməsinin baş əməliyyat müvəkkili Emin Şirinov və həmin bölmənin əməliyyat müvəkkili Elgün Teymurzadə hadisə yerinə çıxmaqla xidməti vəzifələrini icra edərkən rayon sakini Bevdalı Alışanovun onlara qarşı zor tətbiq etməklə müqavimət göstərməsinə əsaslı şübhələr müəyyən edilib.

Faktla bağlı Goranboy rayon prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib. Bevdalı Alışanov şübhəli şəxs qismində tutularaq istintaqa cəlb olunub.  Cinayət işi üzrə zəruri istintaq tədbirləri davam etdirilir.

11
Teqlər:
Goranboy, müqavimət, oğurluq, sakin, polis
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

8
(Yenilənib 21:04 23.11.2020)
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

8
Teqlər:
Prezident İlham Əliyev, Birinci vitse-prezident Mehriban Əliyeva, Cümə məscidi, Üçtərəfli bəyanat, Azərbaycan bayrağı, Ağdamın azad olunması