BAKI, 30 okt — Sputnik. Bu gün 21 yaşlı qadın zəhərlənmə şikayəti ilə Ağcabədi Mərkəzi Rayon Xəstəxanasına çatdırılıb.
Xəstəxanaya yerləşdirilən Qasımova Nərmin Allahverdi qızının zəhərlənmə ilə yanaşı, döyüldüyü də müəyyənləşib. Atası Allahverdi Mustafayev APA-ya bildirib ki, qızı 7 ildir, rayonun Hindarx qəsəbəsinə gəlin köçüb. O, qızının dəfələrlə zorakılığa məruz qaldığını deyib: “Bizim qızımızı döyüblər və o da zəhər içərək intihara cəhd edib”.
N. Qasımovanın vəziyyəti orta-ağır qiymətləndirilir. Xəstəxanadan bildirilib ki, baş həkim Bakıdan mütəxəssislər dəvət edib.
N. Qasımovanın ailə üzvləri Ağcabədi rayon Polis Şöbəsinə və rayon Prokurorluğuna müraciət edib.
Faktla bağlı araşdırma aparılır.
