Seismograph

Azərbaycanda 7 bal gücündə zəlzələ olub

388
(Yenilənib 11:39 04.09.2015)
AMEA Respublika Seysmoloji Xidmət Mərkəzindən verilən məlumata görə, bu gün saat 09.49-da Şəki arazisində zəlzələ qeydə alınıb.

BAKI, 4 sen — Sputnik. Bu səhər Azərbaycanın bir sıra rayonlarında zəlzələ olub. Bu gün saat 09.49-da Şəki arazisində zəlzələ qeydə alınıb.

Zəlzələ episentrində 7 bal olduğundan bu respublikanının əksər ərazilərində hiss olunub. Çünki Azərbaycan ərazisi elə də kiçik olmadığından güclü zəlzələ respublikanın böyük bir ərazisində hiss olunması labüddür. Bu barədə Sputnik-ə Milli Elmlər Akademiyası nəzdindəki Respublika Seysmologiya Xidmət Mərkəzindən verilib.

Zəlzələ 13 km dərinlikdə baş verib.

Həmçinin saat 09.51 radələrində Ucar, Göyçay, Ağdaş, Şamaxı, Zaqatala, Balakən, Şəki, Qəbələ, İsmayıllı, Tovuz, Salyan, Sabirabad rayonlarında, Şirvan və Mingəçevir şəhərlərində zəlzələ qeydə alınıb.

Yadınıza salın 2014-cü ildə Hacıqabulda olan zəlzələ demək olar ki, bütün respublika ərazisində hiss olundu. Bu gün baş verən zəlzələ əsasən respublikanın şimal-qərb, şimal-şərq, mərkəzi aran  rayonlarında hiss olunub. Hələlik zəlzələnin  təsir və əhatə dairəsi öyrənilir və bu bardədə vaxtaşırı məlumat veriləcək.

Dağıntılara gəldikdə isə bu barədə Seysmologiya Mərkəzində məlumat yoxdu və bu seysmologiya Mərkəzinin səlahiyyətinə aid olan məsələ deyil. Bu işlə hazırda Fövqəladə Hallar Nazirliyinin yerlərdəki komissiyaları məşğul olur. Qeyd edək ki, bu gün yerli vaxtla saat 09:49:36-da Şəkidən 29km cənub-şərqdə Şəki ərazisində zəlzələ qeydə alınıb. Zəlzələ episentrdə 7 bal, ətraf rayonlarda 6-5 bala qədər hiss olunub.

388
Teqlər:
Şəkidə zəlzələ, Azərbaycanda zəlzələ, zəlzələ, Respublika Seysmologiya Xidmət Mərkəzi, Seysmologiya Mərkəzi, Milli Elmlər Akademiyası, Azərbaycan
Çingiz Rəsulzadə, arxiv şəkli

Azərbaycanlı rejissor bağ evində vəfat edib

944
(Yenilənib 14:57 22.06.2021)
İcraçı direktorun sözlərinə görə, mərhum bağ evlərində tək evində yaşayırmış. Onun hansı səbəbdən vəfat etdiyi hələlik məlum deyil. O, Ç.Rəsulzadənin bu gün Şağan qəsəbəsində yerləşən qəbiristanlıqda dəfn ediləcəyini deyib.

BAKI, 22 iyun — Sputnik. Kinorejissor, dramaturq Çingiz Rəsulzadə vəfat edib. Bu barədə Sputnik Azərbaycan-a "ButaFilm"in icraçı direktoru Vidadi Rüstəmov məlumat verib. İcraçı direktorun sözlərinə görə, mərhum bağ evlərində tək evində yaşayırmış. Onun hansı səbəbdən vəfat etdiyi hələlik məlum deyil.

O, Ç.Rəsulzadənin bu gün Şağan qəsəbəsində yerləşən qəbiristanlıqda dəfn ediləcəyini deyib.

Məlumat üçün bildirək ki, Ç.Rəsulzadə Bakıda anadan olub. Ə.Əzimzadə adına Azərbaycan Dövlət Rəssamlıq Texnikumunda (1992), Azərbaycan Dövlət Mədəniyyət və İncəsənət Universitetinin qrafik-rəssam ixtisasında, Ümumrusiya Dövlət Kinematoqrafiya İnstitutunun kinorejissorluq ixtisasında (A.Eşpay, S.Miroşniçenko və V.Fençenkonun kursu) təhsil alıb.

Rusiya istehsalı olan "Həyat haqqında mimlər" (2002) qısametrajlı bədii filminin və "Jestlər.. Barışıq" (2005) sənədli filminin rejissoru və ssenari müəllifi, "İkinci" qısametrajlı bədii filminin ssenari müəllifi, o cümlədən "Kuklalar" (2009) filminin quruluşçu rejissorudur.

944
Bakıda tozlu hava, arxiv şəkli

Havada toz dumanı qədər vaxta qədər davam edəcək? Rəsmi

9
(Yenilənib 13:48 22.06.2021)
Artıq üçüncü gündür ki, havada toz dumanı müşahidə olunur. Bu havanın həftə sonuna qədər davam edəcəyi açıqlanıb.

BAKI, 22 iyun — Sputnik. Bakıda və Abşeron yarımadasında anomal isti, günün bəzi saatlarında durğun hava şəraiti, cənub-şərq istiqamətli küləklərin üstünlük təşkil etməsi ölkə ərazisinə transsərhəd daxil olmuş toz dumanının havada uzun müddət qalmasına səbəb olub. Milli Hidrometeorologiya Xidmətindən Sputnik Azərbaycan-a verilən məlumata görə, toz dumanının meteoroloji şəraitdən asılı olaraq həftənin sonuna qədər davam edəcəyi proqnozlaşdırılır.

Avtomatik stansiyalardan əldə edilən məlumatlara əsasən, Bakı şəhərində dispers toz hissəciklərinin konsentrasiyası normadan 1.7, azot 4-oksid isə 3.3 dəfə yüksək qeydə alınıb.

Qeyd edək ki, iyunun 20-i səhər saatlarından başlayaraq, Bakı və Abşeron yarımadasında cənub-şərq istiqamətli hava kütlələri vasitəsilə ölkəmizə daxil olan toz-dumanı müşahidə olunur. Milli Hidrometeorologiya Xidməti belə tozlu havanın iki gün ərzində davam edəcəyinin gözlənildiyini açıqlamışdı.

9
Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı

Vüsal Qasımlı: “Rusiya hər üç Cənubi Qafqaz ölkəsi üçün əsas ticarət partnyorudur”

0
(Yenilənib 16:46 22.06.2021)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyir ki, “3+3” formatında ölkələrin ümumi iqtisadiyyatı 3 trilyon dollara yaxındır
Vüsal Qasımlı: “Yeni format iqtisadi baxımdan böyük potensial vəd edir”

““3+3” formatı ölkələrinin kəsişmə coğrafiyası Cənubi Qafqaz, kənar həlqəsi isə Rusiya, Türkiyə və İrandır”. Sputnik Azərbaycan xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

O bildirib ki, Azərbaycan Cənubi Qafqazın siyasi, iqtisadi və hərbi cəhətdən lideri olmaqla bu formatın həm özəyində, həm də kənar həlqəsində həlledici mövqeyə malikdir: “Azərbaycan Qarabağ konfliktini uğurla həll etməklə, Cənubi Qafqazda sülh, təhlükəsizlik və inkişaf üçün zəmin hazırlayıb və “3+3” formatına əsaslar yaradıb.  “3+3” formatında ölkələrin ümumi iqtisadiyyatı 3 trilyon dollara yaxındır ki, bu da ABŞ, Çin, Yaponiya və Almaniyadan sonra dünyanın 5-ci ən böyük iqtisadiyyatı deməkdir: Bu miqyaslar onu göstərir ki, yeni format təkcə siyasi və təhlükəsizlik deyil, həm də iqtisadi baxımdan böyük potensial vəd edir. Cənubi Qafqaz ölkələri Avropa İttifaqı ilə Avrasiya İttifaqı bazarlarına oriyentasiya götürüblər, amma regional identiklik zəifdir. Hansı ki, regional ticarətin inkişafı da iqtisadi artım üçün əsaslar yarada bilər. Rusiya hər üç Cənubi Qafqaz ölkəsi üçün əsas ticarət partnyorudur, Gürcüstan və Azərbaycan üçün ikinci ən böyük ticarət partnyoru Türkiyədir. “3+3” formatı təkcə Cənubi Qafqazda regional ticarətə deyil, həm də Türkiyə, Rusiya və İranın da öz aralarında ticarət həcminə təsir göstərə bilər”.

Vüsal Qasımlının fikirlərinə audiofaylda qulaq asa bilərsiniz

 

0