Diyarbəkirdə partlayışda şübhəli bilinən

Diyarbəkirdəki partlayışı törədən şəxs Kanada kəşfiyyatçısı çıxdı

64
(Yenilənib 12:08 11.06.2015)
İyunun 5-də Diyarbəkirdə HDP mitinqi ərəfəsində baş verən partlayışla bağlı Türkiyə milli kəşfiyyatı və polisinin birgə keçirdiyi əməliyyatda şok nəticələr ortaya çıxıb.

BAKI, 11 iyun – Sputnik. İyunun 5-də Diyarbəkirdə HDP mitinqi ərəfəsində baş verən partlayışla bağlı Türkiyə milli kəşfiyyatı və polisinin birgə keçirdiyi əməliyyatda şok nəticələr ortaya çıxıb. 

Hadisəni törədən Orhan G.-nin 13 oktyabr 2013-cü ildə Suriyaya keçərək İŞİD-ə qatıldığı və terrorçuların düşərgəsində bomba partlayış təlimi aldığı təsdiqlənib. 

Cinayətkarın daha sonra iyunun 4-də Diyarbəkirə gələrək oteldə qaldığı və mitinq günü, yəni 5 iyun saat 11:30-da içərisində bombalar olan çanta ilə oteldən çıxdığı kameralar tərəfindən görüntülənib. 

Hadisəni törətdikdən sonra Orhan G-nin yenidən otelə qayıtdığı,  tanınmamaq üçün saçını kəsdirdiyi və eynək taxdığı görülüb. Onu ələ verən isə həmin gün axşam Suriyaya etdiyi zənglər olub. Polis danışıq siqnallarını izləyərək qatilin yerini təsbit edib. 

Ən şok təfərrüatlar isə polis bölməsindəki sorğu-sual ərəfəsində üzə çıxıb. Orhan G. partlayış əmrini Suriyada İŞİD üzvü olan İlhan B. tərəfindən aldığını etiraf edib. 

Bu isə özlüyündə daha bir faktı üzə çıxarıb. 

Bu ilin mart ayında 3 ingilis qadının Türkiyəyə gəlib, daha sonra Suriyaya keçməsinə yardım edən suriyalı Əl Rəşid də həbs ediləndə, ona təlimat verən şəxsin İlhan B. olduğunu söyləmişdi. Suriyalı Əl Rəşid Kanada və İngiltərə kəşfiyyatı üçün işlədiyini etiraf etmişdi. 

Əl-Rəşidin Avropa ölkələrindən gələn döyüşçüləri Suriyaya keçirməklə vəzifəli olduğu üzə çıxmışdı.    

Əl-Rəşid İŞİD-in üzvü olan İlhan B.-nin də Kanada və İngiltərə kəşfiyyatı üçün işlədiyini söyləyib.

Diyarbəkirdəki istintaq tam başa çatdıqdan sonra Türkiyə, Kanada və İngiltərə arasında diplomatik kriz yaşana biləcəyi qeyd olunur.

64
Teqlər:
polis, döyüşçülər, fakt, kəşfiyyat, terrorçu, mitinq, danışıq, otel, Partlayış, İŞİD, HDP, Əl Rəşid, İlhan B, Orhan G, İngiltərə, Kanada, Avropa, Türkiyə, Suriya, Diyarbəkir
Əlaqədar
Türkiyədə kürd partiyasının mitinqində iki partlayış olub
HDP-yə çağırış: PKK-nı tərksilah edin
HDP-nin uğuru ərəb dünyasında geniş əks-səda doğurdu
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

27
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

27
Qəza, arxiv şəkli

Bakıda ağır yol-nəqliyyat hadisəsi baş verib

14
(Yenilənib 19:52 25.11.2020)
Bu barədə Bakı Nəqliyyat Agentliyinin mətbuat katibi Mais Ağayev bildirib. Onun sözlərinə görə, minik avtomobili ilə yük avtomobili toqquşub.

BAKI, 25 noyabr - Sputnik. Hava limanı şosesində (“Buta Palace” yaxınlığında şəhər mərkəzi istiqamətində) ağır yol-nəqliyyat hadisəsi baş verib.

Sputnik Azərbaycan xəbər verir ki, bu barədə Bakı Nəqliyyat Agentliyinin mətbuat katibi Mais Ağayev bildirib.

Onun sözlərinə görə, minik avtomobili ilə yük avtomobili toqquşub.

Hazırda yolda sıxlıq var.

14
Teqlər:
Bakı, qəza

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0