Vaksinasiya, arxiv şəkli

İki məşhur vaksinin müqayisəli ölüm göstəriciləri: etibarı düzəltmək istəyirdi...

869
(Yenilənib 01:27 27.05.2021)
Şirkət bəyan edir ki, hay-küydən tək o deyil, digər vaksin istehsalçıları da zərər görür, insanların peyvənd olunmaq həvəsləri sönür. 

BAKI, 27 may - Sputnik. Koronavirus əleyhinə Pfizer vaksininin tətbiqindən sonra altı Avropa ölkəsində ölüm halları AstraZeneca ilə peyvənddən sonrakı ölüm faktlarından xeyli çoxdur. 

Sputnik Azərbaycan bildirir ki, bu barədə RİA Novosti İsveç-Britaniya əczaçılıq şirkətinin hesabatına istinadən yazır. 

Şirkətin Moskva nümayəndəliyindən RİA Novosti-yə sənədin həqiqiliyini təsdiq edərək bildiriblər ki, o, geniş yayılmaq üçün nəzərdə tutulmamışdı.

"COVID-19 əleyhinə vaksinlərə etibarın bərpası və tənzimləyicilər, tibb xidmətləri və əczaçılıq şirkətləri arasında əməkdaşlığın yaxşılaşdırılması - fəaliyyətə çağırış" adlı 12 səhifəlik hesabatda göstərilir ki, Fransa, Almaniya, Britaniya, Norveç, Avstriya və İtaliyada hər milyon doza vaksin qarşılığında ölüm sayı Pfizer-də AstraZeneca-dan təxminən 3 dəfə çoxdur.

 

Ölkələr Hər milyon doza qarşılığında ölüm sayı
Pfizer AstraZeneca
Fransa 45.3 17.9
Almaniya 29.9 6.5
Britaniya 20.7 24.2
Norveç 164.3

44.6

Avstriya 47.5 7.5
İtaliya 10.9 7.3

Qeyd olunur ki, Britaniyada AstraZeneca kütləvi surətdə tətbiq olunur və bir sıra pasiyent kateqoriyaları üçün əsas peyvənddir. Mayın 26-na olan məlumata görə, vaksinin bir dozasını həddi-büluğa çatmış əhalinin 72,7, iki dozasını 44.8%-i alıb. 

Bir sıra Avropa ölkələrinin AstraZeneca vaksininin təhlükəli olması barədə bəyanatları və ondan imtinasına rəğmən, AstraZeneca şirkətinin hesabatında qeyd olunur ki, Pfizer-in preparatı ilə peyvınd olunanlar üçün risk daha yüksəkdir. Şirkət bəyan edir ki, hay-küydən tək o deyil, digər vaksin istehsalçıları da zərər görür, insanların peyvənd olunmaq həvəsləri sönür. 

"Bir vaksin barədə qəbul edilmiş qərar (istifadəsindən imtina) əhalinin digər vaksinlərə olan etibarını da potensial olaraq aşağı sala bilər. Kifayət qədər geniş olmayan vaksinasiya isə pandemiyanı uzadacaq", - sənəddə yazılıb.

AstraZeneca xatırladıb ki, Britaniya tənzimləyicisi və alimlər dəfələrlə deyiblər ki, koronavirusa yoluxmaq riski peyvəndin ciddi yan təsir risklərini qat-qat üstələyir. Şirkət tam şəffaflıq şəraitində vaksinasiyanın təhlükəsizliyinin təmin olunması üçün istənilən elmi qurumla əməkdaşlıq etməyə razı olduğunu bildirib.

 

Eləcə də oxuyun: 

  • İdman, səyahət, toy - Hamının "səbəb"lərinə bir qərar təkan verdi - REPORTAJ

  • Hər kəsi indi bu sual düşündürür: COVID pasportunu necə əldə edək?

  • COVID əleyhinə vaksinin üçüncü dozası: o kimlərə vurula bilər?

  • Ümumdünya Peyvənd Konqresi: COVID-19 əleyhinə ən yaxşı vaksin "Moderna"dır

  • Sovet vaxtının peyvəndi koronavirusa qalib gəlmək gücündədir - iddia

869
Teqlər:
AstraZeneca, Pfizer, ölüm, vaksinasiya, vaksin, Koronavirus, epidemiya, COVID-19
Mövzu:
Yeni tip koronavirus pandemiyası (701)
TƏBİB avtomobili, arxiv şəkli

TƏBİB-in səyyar briqadaları iri ticarət mərkəzlərində peyvəndləmə aparırlar

7
Səyyar vaksinasiyada yalnız Çin istehsalı olan "Sinovac" peyvəndindən istifadə olunur. Vətəndaşlar, həmçinin müvafiq saytda onlayn qeydiyyatdan keçərək də vaksinasiyada iştirak etmək şansı əldə edə bilərlər.

BAKI, 24 iyun — Sputnik. İyunun 24-də Tibbi Ərazi Bölmələrini İdarəetmə Birliyi (TƏBİB) tərəfindən vaksinasiya prosesinin sürətləndirilməsi məqsədilə səyyar briqadalar təşkil edilib.

Sputnik Azərbaycan xəbər verir ki, yeni növ koronavirus (COVID-19) pandemiyası əleyhinə mübarizə tədbirləri istiqamətində vətəndaşların peyvəndləməsi ölkəmizdə uğurla davam etdirilir.

Tələbatdan asılı olaraq səyyar briqadaların fəaliyyət müddəti uzadıla bilər

TƏBİB-in İctimaiyyətlə əlaqələr şöbəsinin əməkdaşı Elnarə Baxış bildirib ki, bu günə qədər səyyar briqadalar vasitəsilə ümumilikdə 52 min 826 doza peyvənd vurulub. Onlardan 36 min 925-i birinci doza, 16 min 902-si isə ikinci doza üçün istifadə edilib. Hazırda səyyar briqadalar "Əhmədli" və "Koroğlu" metro stansiyaları yaxınlığındakı "Bravo" hipermarketlərində, həmçinin "Dəniz Mall" və "28 Mall"da təşkil edilib. Tələbatdan asılı olaraq səyyar briqadaların fəaliyyət müddəti uzadıla bilər.

TƏBİB-in əməkdaşının sözlərinə görə, səyyar vaksinasiyada yalnız Çin istehsalı olan "Sinovac" peyvəndindən istifadə olunur. Vətəndaşlar, həmçinin müvafiq saytda onlayn qeydiyyatdan keçərək də vaksinasiyada iştirak etmək şansı əldə edə bilərlər. Səyyar briqadalar tibb məntəqələrində sıxlığın qarşısının alınması, vaksinasiya prosesinin daha da sürətləndirilməsi məqsədilə aprelin 2-dən etibarən fəaliyyətə başlayıb.

Məlumata əsasən, bu günə qədər səyyar briqadanın ünvanına yüzlərlə dövlət və özəl müəssisələrindən və idarələrdən vaksinasiya ilə bağlı müraciətlər daxil olub.

Ölkəmizdə koronavirus əleyhinə peyvəndləmə aksiyasına 2021-ci il yanvarın 18-də start verilib

Xatırladaq ki, ölkəmizdə koronavirus əleyhinə peyvəndləmə aksiyasına 2021-ci il yanvarın 18-də start verilib. Vaksinasiya Strategiyasına uyğun olaraq, ilk növbədə, səhiyyə işçilərinin peyvəndlənməsinə başlanılıb. Fevralın 8-dən 65 yaşdan yuxarı vətəndaşlar, fevralın 17-dən etibarən isə yaşı 50 və yuxarı şəxslər vaksinasiya olunublar. Martın 22-dən 40 yaşdan yuxarı, mayın 10-dan isə 18 yaşdan yuxarı vətəndaşların vaksinasiyası həyata keçirilir.

Qeyd edək ki, koronavirus infeksiyasına qarşı mübarizə məqsədilə əhalinin peyvənd olunması prosesinin yüksək keyfiyyətlə təşkil edilməsi üçün bütün zəruri tədbirlər görülür.

Hazırkı dövrədək ölkəmizdə vurulan vaksin dozalarının ümumi sayı 3 milyon 80 min 340-a bərabərdir. Birinci mərhələ üzrə vaksin vurduranların sayı 1 milyon 993 min 612, ikinci mərhələ üzrə peyvənd olunanların sayı 1 milyon 82 min 728 nəfərdir.

Koronavirus bəlası

2019-cu ilin dekabr ayında Çinin Uhan şəhərində koronavirusun (COVID) yayılması dünyanın düzənini dəyişdi. 2020-ci il martın 11-də Ümumdünya Səhiyyə Təşkilatının (ÜST) yayılan virusu pandemiya elan etməsindən sonra dünya bu virusla mübarizəyə başladı. Dünyanın əksər ölkələrində koronavirus infeksiyasının yayılmasının qarşısını almaq məqsədilə bir sıra qadağaların tətbiqinə başlandı. Azərbaycanda COVID-19-la mübarizəyə 2020-ci ilin fevral ayının 27-dən başlandı.

Koronavirus pandemiyasının səbəb ola biləcəyi təhlükənin qarşısını almaq, profilaktik və təxirəsalınmaz tədbirlərin görülməsi üçün Nazirlər Kabineti yanında Operativ Qərargah yaradıldı. Fevralın 28-də ölkədə COVID-19-un ilk müsbət halı təsdiqləndi.

Hazırda ölkəmizdə koronavirus əleyhinə vaksinasiya uğurla davam etdirildiyindən ölkəmizdə karantin qaydalarının yumşaldılması davam edir. Bu il mayın 31-dən açıq havada maska qadağası yığışdırılıb, metronun fəaliyyətinə icazə verilib. İyunun 10-dan məscidlərə, idman zallarına, ticarət mərkəzlərinə, çimərliklərə qoyulan qadağalar müəyyən şərtlər əsasında götürülüb. İyulun 1-dən toy mərasimlərinin küçirilməsinə icazə veriləcək.

Eləcə də oxuyun:

  • Vaksinasiya prosesi epidemioloji vəziyyətə təsir edə biləcəkmi?- həkim şərhi

  • Koronavirusa qarşı hansı vaksini vurdurmaq daha yaxşıdır? Mütəxəssisdən faydalı fikirlər

  • Bu şəxslər vaksinasiyadan azaddırlar

  • Azərbaycan vaksinasiyada MDB lideridir

7
Teqlər:
səyyar, vaksinasiya, TƏBİB
Mövzu:
Azərbaycanda COVID-19 əleyhinə vaksinasiya
Bakıda XİN-nin binası, arxiv şəkli

Azərbaycan donor ölkəyə necə çevrildi? - XİN-in hesabatı

707
(Yenilənib 13:23 24.06.2021)
Azərbaycan XİN-in hesabatında bildirilir ki, ölkəmiz uğurlu siyasət nəticəsində yardım alan dövlətdən yardım edən donora çevrilib.

BAKI, 24 iyun — Sputnik. İqtisadi Əməkdaşlıq və İnkişaf Təşkilatı İnkişafa Yardım Komitəsinin (OECD DAC) rəsmi internet səhifəsində ölkəmizin xarici ölkələr və beynəlxalq təşkilatlara göstərdiyi yardımları barədə hesabatı dərc edilib.

Xarici İşlər Nazirliyinin Mətbuat xidməti idarəsindən Sputnik Azərbaycan-a verilən məlumata görə, hesabatda aparılmış uğurlu siyasət nəticəsində ölkəmizin yardım alan dövlətdən yardım edən donora çevrildiyi, beynəlxalq yardımların operativ və əlaqələndirilmiş şəkildə göstərilməsi üçün 2011-ci ildə Xarici İşlər Nazirliyi nəzdində Azərbaycan Respublikasının Beynəlxalq İnkişafa Yardım Agentliyinin (AIDA) təsis olunduğu vurğulanır. Beynəlxalq yardım siyasətində Dayanıqlı İnkişaf Məqsədlərini rəhbər tutan ölkəmizin qlobal donorluq missiyasında özünə məxsus yer tutduğu, dünyada yayılmış yeni növ koronavirus pandemiyasının qarşısının alınması məqsədilə Azərbaycan Respublikası tərəfindən 30-dan çox xarici ölkəyə və 3 beynəlxalq təşkilata yardım edildiyi qeyd edilir.

Hesabatda, həmçinin AIDA-nın fəaliyyətində qlobal sülh, təhlükəsizlik və insanların firavan həyatının təmin edilməsi prinsiplərini rəhbər tutduğu, daha çox təcrübə mübadiləsi, ictimai xidmətlərin inkişafı, təhsil, səhiyyə, əmək və əhalinin sosial müdafiəsi, gənclərin və qadınların cəmiyyətdə rolunun artırılması və digər mühüm sahələrdə inkişaf etməkdə olan ölkələrdə iki və çoxtərəfli əsasda həyata keçirilən təşəbbüslərə dəstəyin göstərildiyi bildirilir. Ölkəmiz tərəfindən göstərilmiş yardımların sektorlar üzrə bölgüsü və statistik rəqəmlərlə yardımları əks olunur.

Ölkəmizin donorluq fəaliyyətinə dair məlumatların beynəlxalq hesabatlarda dərc edilməsi, onun yardım siyasətinə, yüksək iqtisadi imkanlarına beynəlxalq ictimaiyyət tərəfindən qiymətin verilməsi, Azərbaycanın regionun aparıcı dövləti kimi qəbul olunması məhz Prezident İlham Əliyevin apardığı uğurlu daxili və xarici siyasətin nəticələridir.

Qeyd etmək istərdik ki, 1961-ci ildə fəaliyyətə başlamış nüfuzlu beynəlxalq təşkilat olan, yüksək iqtisadi göstəricilərə malik 40 donor dövləti öz ətrafında birləşdirən OECD dünyada həyat səviyyəsinin yüksəldilməsinə xidmət edən təşəbbüs və proqramları təbliğ etməkdədir. OECD-nin vacib komitələrindən biri olan DAC isə əsasən donor dövlət və beynəlxalq təşkilatlar arasında əməkdaşlığın effektivliyinin artırılması istiqamətində səmərəli fəaliyyət göstərir. Ölkəmiz sözügedən komitədə 2019-cu ildən etibarən iştirakçı statusu ilə təmsil olunur.

Eləcə də oxuyun:

  • İlham Əliyev vaksin məsələsində görməmişlik edənləri qınadı

  • Viktor Qasımov: “Sputnik V” yüksək effektliliyə malikdir”

  • "Azərbaycan əhalisinin 20 faizi peyvənd edilib" - İlham Əliyev

707
Teqlər:
yardım, donor, Koronavirus, COVID-19, hesabat, Azərbaycan XİN
Bakıda avtobus, arxiv şəkli

Bakıətrafı marşrutlar üzrə avtobuslar nağdsız ödənişə keçir

0
(Yenilənib 16:05 24.06.2021)
Marşrut xətlərinin də mərhələli şəkildə nağdsız ödəniş sisteminə inteqrasiyası davam edir. Sabahdan daha bir avtobusda gediş haqqı kartla ödəniləcək.

BAKI, 24 iyun — Sputnik. Sabahdan Bakıda 108B nömrəli marşrut xətti ("Azadlıq prospekti" metrostansiyası – Mehdiabad qəsəbəsi) üzrə hərəkət edən avtobuslarda da gediş haqqı "BakıKart" vasitəsilə ödəniləcək. Bu barədə Sputnik Azərbaycan-a Bakı Nəqliyyat Agentliyindən məlumat verilib. Xəbərdə bildirilir ki, iş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək.

Xatırladaq ki, dünəndən 204 nömrəli marşrut xətti üzrə ("Koroğlu" Nəqliyyat Mübadilə Mərkəzindən Bakının Sabunçu rayonunun Ramana qəsəbəsinin "Sovxoz" adlanan ərazisinə qədər) hərəkət edən avtobuslarda gediş haqqı "BakıKart" vasitəsilə ödənilməsinə başlanılıb. Məlumat üçün bildirək ki, indiyədək paytaxtın marşrut şəbəkəsində istismarda olan avtobusların 58%-i nağdsız ödəniş sisteminə inteqrasiya edilib. Hazırda gündəlik olaraq 780 min nəfərə yaxın sərnişin (ümumi sərnişinlərin 42%) nağdsız ödəmə sisteminin xidmətlərindən istifadə edir.

0