İdman, səyahət, toy - Hamının "səbəb"lərinə bir qərar təkan verdi - REPORTAJ

885
(Yenilənib 20:14 26.05.2021)
"Operativ Qərargahın dünən COVID-19 pasportu ilə idman zallarına girişə icazə veriləcəyi barədə qərarından sonra insanlarda daha çox aktivlik müşahidə olunur".

BAKI, 26 may — Sputnik, Zülfiyyə Quluyeva. İyunun 10-da fəaliyyətə başlayacaq idman zallarına ancaq COVID-19 pasportu olan şəxslərin daxil ola bilməsi ilə bağlı Operativ Qərargahın mayın 25-də açıqladığı qərar koronavirus əleyhinə peyvənd vurdurmaq istəyənlərin sayını artırıb.

Bu gün səhər saatları olmasına baxmayaraq Səbail rayonu 2 saylı Şəhər Poliklinikasında vaksin vurdurmaq üçün xeyli sayda insan növbə gözləyirdi. Poliklinikaya gələn şəxslərin əvvəlcə https://randevu.its.gov.az/ saytında vaksin üçün növbə götürüb-götürmədiyi dəqiqləşdirilir, daha sonra həmin şəxslər qeydiyyat bölməsinə göndərilirdi. Poliklinikada qeydiyyata düşdükdən sonra peyvənd zonasına daxil olan şəxslər müayinə edilir, vaksin vurulurdu. Poliklinikanın şöbə müdiri Gülxar Tağıyeva Sputnik Azərbaycan-a açıqlamasında bildirib ki, dünənki qərara qədər gündəlik vaksin vurduranların sayı 40-45 arası dəyişsə də, saat 11-ə qədər artıq 80 nəfərdən çox şəxs peyvənd olunub: "Dünənki qərar peyvəndə marağı daha da artırıb. İndiyədək koronavirus əleyhinə vaksin vurdurmağa tərəddüd edən şəxslər könüllü şəkildə bu gün gəlib peyvənd olunurlar".

© Sputnik / Zulfiyya Guluyeva
Səbail rayonu 2 saylı şəhər poliklinikasında vaksinasiyaya gələn vətəndaş

G.Tağıyeva deyir ki, vaksin üçün bu gün müraciət edənlər daha çox cavan yaşda, məşğul əhalidir: "Operativ Qərargahın dünən COVID-19 pasportu ilə idman zallarına girişə icazə veriləcəyi barədə qərarından sonra insanlarda daha çox aktivlik müşahidə olunur. Onlar da anlayırlar ki, peyvənddən sonra əvvəlki həyatımıza qayıda bilərik".

Şöbə müdiri vaksin olunmaq üçün poliklinikaya müraciətlərin artması səbəbindən iki operator və vaksin üçün iki həkimin və tibb bacısının ayrıldığını söyləyir. Onun sözlərinə görə, dünənə qədər vaksin məntəqəsində bir operator və bir həkim, tibb bacısı çalışırdı. G.Tağıyeva bildirir ki, bu gün peyvənd üçün poliklinikaya gələnlərin çoxu 20-30 yaş arası vətəndaşlardır.

Elə peyvənd üçün müraciət edən şəxslər də dünənki qərarın onları peyvənd olunmağa sövq etdiyini təsdiqləyirlər. Paytaxt sakini Vüsal Şirinov 37 yaşındadır. Pandemiyaya qədər həftədə üç dəfə idman zalına məşqə getdiyini söyləyən Vüsal idman zallarının yenidən açılmasına sevindiyini bildirir. Deyir ki, vaksini həm idman zalına gedə bilmək, həmçinin də gələcəkdə toylarda, konsertlərdə iştirak edə bilmək üçün vurdurur:

"İndiyə qədər COVID-19 pasportunun olub-olmamasının elə bir əhəmiyyəti yox idi. Dünən açıqladılar ki, belə bir sertifikatı olanlar müxtəlif xidmətlərdən yararlana biləcəklər. Bundan məhrum olmaqdansa, vaksin etdirmək daha faydalıdır", - deyə müsahibimiz bildirir.
© Sputnik / Zulfiyya Guluyeva
Səbail rayonu 2 saylı şəhər poliklinikasının şöbə müdiri Gülxar Tağıyeva

Turanə Seyidova isə Bakıda restoranların birində aşpaz işləyir. Deyir ki, toylar olan dövrdə şadlıq evlərində də yemək hazırlayıb. Dünən məlum qərardan sonra restoranın rəhbəri onlara bildirib ki, işçilərin ən azı 30 faizi peyvənd olunmalıdır: "Bu gün 3 nəfərə icazə verib ki, peyvənd olunaq. Əgər iş yerlərindən də bu sənədi tələb edirlərsə, məcburuq ki, vaksin olunaq", - deyə T.Seyidova bildirir.

Raul Teyyubov 25 yaşlı gəncdir. Onun sözlərinə görə, vaksin olunmağa onu həm idman zallarından ancaq COVID-19 pasportu olanların istifadə etməsi ilə bağlı qərar, həmçinin də yayda səyahət etmək istəyi sövq edib. Həmsöhbətimiz deyir ki, xaricdə istirahət üçün də bu sənədin tələb oluna biləcəyindən ehtiyatlanıb, indidən peyvənd etdirir.

Poliklinikada həmsöhbət olduğumuz vətəndaşlar arasında gələcəkdə qızının, nəvəsinin toyunda iştirak etmək üçün peyvənd olunduğunu söyləyənlər də oldu. Kiçik müşahidələr göstərdi ki, Operativ Qərargahın COVID-19 pasportu olanlara verdiyi güzəştlər insanlar arasında vaksinə marağı artırıb.

  • Səbail rayonu 2 saylı şəhər poliklinikasında vaksinasiyaya gələn vətəndaşlar
    © Sputnik / Zulfiyya Guluyeva
  • Səbail rayonu 2 saylı şəhər poliklinikasında vaksinasiyaya gələn vətəndaş
    © Sputnik / Zulfiyya Guluyeva
  • Səbail rayonu 2 saylı şəhər poliklinikasında vətəndaşın COVİD-19 vaksinasiyası üzrə məlumat forması
    © Sputnik / Zulfiyya Guluyeva
1 / 3
© Sputnik / Zulfiyya Guluyeva
Səbail rayonu 2 saylı şəhər poliklinikasında vaksinasiyaya gələn vətəndaşlar

Xırdalan şəhər 5 nömrəli məktəbdə təşkil olunan vaksin məntəqəsində isə bu gün peyvənd üçün müraciət edənlərin sayı dünənkindən və əvvəlki günlərdən iki dəfə çoxdur. Bunu Sputnik Azərbaycan-a Abşeron Rayon Mərkəzi Xəstəxanasın vaksinasiya üzrə məsul işçisi Xatirə Quluyeva bildirib.

Onun sözlərinə görə, Operativ Qərargahın idman zallarına giriş üçün COVID-19 pasportu tələb olunması ilə bağlı qərarı insanlarda vaksinasiyaya marağı artırıb. X.Quliyeva günün birinci yarısında peyvənd üçün məntəqəyə gələnlərin sayının dünən gün ərzində vaksin olunanlardan iki dəfə çox olduğunu bildirir.

Paytaxtda yerləşən vaksin məntəqələrində apardığımız müşahidələr də Operativ Qərargahın son qərarının insanları vaksinasiyaya sövq etdiyini göstərdi.

Qeyd edək ki, TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva bildirib ki, 18 yanvardan mayın 25-nə qədər 2 milyona yaxın ölkə vətəndaşı peyvənd olunub: "Bu gün Azərbaycanda 850 mindən çox ikinci dozanı tamamlamış insanlar var. Azərbaycan dünyada nadir ölkələrin sırasındadır ki, əhalisinin sayına yetəcək qədər vaksin var. Hər birimizin seçim imkanı var".

 

Eləcə də oxuyun:

Operativ Qərargahdan bütün Azərbaycanı sevindirəcək QƏRARLAR

* Hər kəsi indi bu sual düşündürür: COVID pasportunu necə əldə edək?

* Dərs olsun, bir də olmasın: Pandemiya əlimizdən nələri aldı

* Məscidlərdə 50 nəfər, işçilərin 80 faizi... NK-nın yeni qərarının detalları

* Dünən sevinmişdik, bu gün Nazirlər Kabineti yeni qərar verdi

885
Teqlər:
reportaj, qərar, Nazirlər Kabineti, Azərbaycan, COVID-19 pasportu, vaksinasiya, vaksin
Mövzu:
Azərbaycanda COVID-19 əleyhinə vaksinasiya (84)
Sinovac Biotech şirkətinin CoronaVac peyvəndi, arxiv şəkli

İki doza peyvənddən 6 ay sonra yenidən peyvənd vurulacaq? TƏBİB-dən izahat

424
(Yenilənib 21:41 18.06.2021)
TƏBİB-in infeksion xəstəliklər üzrə İşçi Qrupunun üzvü, infeksionist Nəzrin Mustafayeva əhalinin vaksinasiyası ilə bağlı mühüm məqamlara aydınlıq gətirib.

BAKI, 18 iyun — Sputnik. "AstraZeneca" peyvəndi məhdud sayda olduğuna görə yaşlı şəxslərə vurulur. Sputnik Azərbaycan-ın məlumatına görə, bu barədə bu gün Tibbi Ərazi Bölmələrini İdarəetmə Birliyinin (TƏBİB) İnfeksion xəstəliklər üzrə İşçi Qrupunun üzvü, infeksionist Nəzrin Mustafayeva məlumat verib.

O bildirib ki, hər şey strategiyaya uyğundur: "Hazırda Azərbaycanda 4 növ vaksinin tətbiqi həyata keçirilir. "AstraZeneca"nı çıxmaq şərtilə digər üçü 18 yaş üzəri şəxslərə şamil olunur. Strategiyada ilkin olaraq, risk qrupuna daxil olanlar, yaşlı vətəndaşların peyvəndlənməsi nəzərdə tutulduğundan, "AstraZeneca" yaşlı şəxslərə vurulur".

N.Mustafayeva həmçinin bildirib ki, seroloji testlərlə COVID-19 pasportu və ya COVID-19 sertifikatı verilmir. O deyib ki, məntəqələrdə peyvənd olunmamışdan əvvəl vətəndaşlar tibbi müayinədən keçirilir: "Vətəndaşın temperaturunun olub-olmaması yoxlanılır, virusun aktiv fazasında olub-olmaması aydınlaşdırılır, təzyiqi ölçülür. Bu müayinələr ödənişsizdir".

O, eyni zamanda, başqa xəstəliklərə qarşı istifadə edilən vaksinlərdə sonsuzluğa səbəb olan halların aşkarlanmadığını deyib və COVID-19 vaksinin yeni olduğunu diqqətə çatdırıb: "Bu halların müəyyənləşməsi üçün zaman lazımdır. Amma indiyədək praktikadan keçirilən digər xəstəliklərə qarşı istifadə edilən vaksinlərdə sonsuzluğa səbəb olan hallar müşahidə olunmayıb".

TƏBİB rəsmisi həmçinin iki doza peyvənddən 6 ay sonra yenidən peyvənd vurulması məsələsinə aydınlıq gətirib. O deyib ki, bu məsələ hələ ki, müzakirə mərhələsindədir. N.Mustafayevanın sözlərinə görə, bu barədə klinik çalışmaların nəticələri açıqlandıqdan sonra konkret fikir bildirmək mümkün olacaq: "Yəqin ki, nəticələr üçüncü rübdən sonra açıqlanacaq. Amma bu gün üçün belə bir qərar yoxdur".

Nəzrin Mustafayeva bildirib ki, COVID-19-a yoluxub sağalmış şəxslər peyvənd oluna bilər. Bu, sağlamlıq üçün əks göstəriş deyil: "Xəstəliyi keçirmiş şəxslərə gücləndirmə məqsədilə 1 doza vaksin vurula bilər. Lakin bunun da tətbiqinə rəsmi olaraq icazə verilməyib".

O qeyd edib ki, yoluxmuş və peyvənd olunmuş şəxslərdə virusa qarşı yaranmış immunitetin nə qədər qalacağı bəlli deyil: "Bu 6 ay da ola bilər, 1 il də ola bilər, ömürlük də ola bilər. Ona görə də bu barədə konkret fikir bildirmək çox tezdir. Amma xəstələnib sağalan şəxsin peyvənd vurdurması hansısa patalogiyaya səbəb olmaz. Əksinə, həmin şəxsin təbii qazandığı immunitetin müddətini uzada bilər".

İnfeksionist eyni zamanda deyib ki, COVID-19 vaksini hamiləlik planlaması zamanı əks-göstəriş deyil: "Lakin bununla belə, vətəndaşlar ginekoloq müayinəsində olsa və onun tövsiyələrinə əsasən hərəkət etsə, daha yaxşıdır".

Xatırladaq ki, hazırda ölkəmizdə Çinin "Sinovac Biotech" (SVA.O) şirkəti tərəfindən istehsal olunan COVID-19-a qarşı "CoronaVac" peyvəndi, Oksford Universitetində İngiltərə və İsveç alimləri tərəfindən yaradılan "AztraZeneca" (Vaxzevria), Rusiyanın Qamaleya Universitetində yaradılan "Sputnik V" və "Pfizer" – Almaniya biotexnologiya şirkəti "BioNTech" tərəfindən Amerika Pfizer və Çinli Fosun Pharma ilə birlikdə hazırlanmış COVID-19 əleyhinə mRNT əsaslı peyvəndlər istifadə olunur.

"İki doza" tələbi Azərbaycanda tətbiq olunan bütün vaksinlərə ("CoronaVac", "AstraZeneca", "Sputnik V" və "Pfizer") aid edilir. Azərbaycan peyvəndləməyə başlayan ilk ölkələrdən biridir. Artıq ölkəmizdə 18 yaşdan yuxarı heç bir məhdudiyyət yoxdur, hər kəs peyvənd oluna bilər. Seçimə gəldikdə isə, vətəndaşın öz seçimidir. Vətəndaşlarımız hazırda ölkəmizdə tətbiq olunan 4 peyvənddən istədiyini seçə bilər.

Yanvar ayından başlanan peyvəndləmə prosesinə ilk günlər insanlar şübhə ilə yanaşsalar da, bu gün artıq hər kəs anlayır ki, istənilən vaksinin yeganə məqsədi – xəstəliyə qarşı orqanizmdə immunitet yaratmaqdır. Bu da COVID-19 virusunun səbəb olduğu və yaratdığı xəstəlikdən yeganə müdafiə yoludur.

Eləcə də oxuyun:

424
Koronavirusa qarşı peyvənd vurulmasında dair sənəd, arxiv şəkli

COVID-19-u gizli keçirənlər immunitet sertifikatı ala bilərlərmi? Əlac ancaq...

1018
(Yenilənib 17:55 18.06.2021)
Bu yaxınlarda Milli Məclisdə COVID-19-u gizli keçirən şəxslərin immunitet sertifikatı ala bilməməsi problemi qaldırılıb. Sputnik Azərbaycan-ın müxbiri həmin şəxslərin bu sənədi necə əldə edə bilməsi və onların vaksin olunmasının təhlükəli olub-olmadığını araşdırıb.

BAKI, 18 iyun — Sputnik. Azərbaycanda COVID-19-u gizli keçirən şəxslər immunitet sertifikatı ala bilmirlər. Sputnik Azərbaycan-ın məlumatına görə, bu barədə Milli Məclisin iclasında deputat Naqif Həmzəyev bildirib. Deputat deyib ki, vətəndaşların bir qismi COVID-19-u gizli keçiriblər. Onlar indi immunitet sertifikatı ala bilmirlər.

Sputnik Azərbaycan COVID-19-u gizli keçirən şəxslərin immunitet sertifikatını necə əldə edə bilməsi və bu şəxslərin vaksin olunmasının təhlükəli olub-olmadığını araşdırıb.

İnfeksionist Vüqar Cavadzadə Sputnik Azərbaycan-a açıqlamasında bildirib ki, əslində COVID-19-u gizli keçirən şəxslərin də immunitet sertifikatı əldə etməsi təmin edilməlidir. Amma infeksionist bununla bağlı bəzi problemlərin olduğunu söyləyir:

"Əslində COVID-19-u gizli keçirənlərdə də immunitet formalaşdığından onlar COVID pasportu əldə etməlidirlər. Amma çox təəssüf ki, bu gün qaydalarda COVID-19-u gizli keçirənlərin bu sənədi əldə etməsi mümkün deyil. Hazırkı qaydalarla COVID-19-a görə immunitet sertifikatı ancaq adı e-tabib sisteminə düşənlərə verilir.

Yəni, koronavirus xəstəsi kimi rəsmi qeydiyyata düşənlərə. Bu xəstəliyi gizli keçirənlərin isə COVID-19-a nə vaxt yoluxduğunu müəyyən etmək mümkün deyil. Hətta qandan analiz antitel müəyyən etsə də, həmin şəxsin bu virusa nə vaxt yoluxduğunu dəqiqləşdirmək olmur. Ona görə də, çıxış yolu COVID-19-u gizli keçirənlərin koronavirus əleyhinə vaksin olunmasıdır", -  deyə infeksionist bildirir.

V.Cavadzadə deyir ki, əgər COVID-19-u gizli keçirənlərə immunitet sertifikatı verilsə, bu sənəd altı ay qüvvədə olmalıdır. Çünki immunitet sertifikatı sənədi bu virusa yoluxmuş şəxslərə virus qeydə alınan gündən altı ay müddətinə verilir. Gizli COVID-19 xəstələrinə isə bu sənəd altı aylıq verilə bilməz: "Çünki antitellə biz həmin şəxsin nə vaxtdan bu virusa yoluxduğunu, immunitetinin nə vaxta qədər davam edəcəyini müəyyən edə bilmirik. Ola bilər ki, COVID-19-a gizli yoluxan şəxsə immunitet sertifikatı verilsin. İki aydan sonra həmin şəxsin bədənində immunitet olmasın. Ona görə də ən yaxşısı COVID-19-u gizli keçirənlərin də peyvənd olunmasıdır".

İnfeksionist deyir ki, COVID-19-u gizli keçirənlərin vaksin olunmasında heç bir təhlükə yoxdur.

Milli Məclisin Səhiyyə Komitəsinin üzvü Müşfiq Məmmədli Sputnik Azərbaycan-a açıqlamasında bildirib ki, müəyyən olunmuş qaydalara görə, hazırda immunitet sertifikatı yalnız COVID-19 xəstəsi kimi qeydiyyata düşən şəxslərə verilir. Deputat bildirir ki, antitelin müəyyən olunması bu prosesi müəyyənləşdirmək üçün tam əsas vermir:

"Əgər şəxs koronavirusa yoluxub sağalıbsa, o, peyvənd olunmaqla normal həyatına qayıda bilər. Çünki bu gün rəsmi koronavirus xəstəsi kimi qeydiyyata düşən şəxslər də vaksin olunur. İmmunitet sertifikatı altı aylıq müddətə verilir. Bu gün elmi əsaslarla da sübut olunub ki, COVID-19-u gizli keçirənlərin peyvənd olunmasında heç bir təhlükə yoxdur. Ən ideal variant COVID-19-u gizli keçirənlərin peyvənd olunmasıdır".

Deputat deyir ki, COVID-19-u gizli keçirənlərə immunitet sertifikatının verilməsi vəziyyəti daha xaotik vəziyyətə gətirib çıxarda, sui-istifadə hallarına yol aça bilər: "Bu, peyvənd strategiyasında da müəyyən pozuntulara gətirib çıxarda bilər. Ona görə də hazırda sağlamlıqları imkan verən şəxslər peyvənd olunmalıdır. Dünya ölkələrinin praktikasında da vaksinasiyanın daha geniş kütləni əhatə etməsi əsas götürülür," - deyə M.Məmmədli bildirib.

TƏBİB-dən isə Sputnik Azərbaycan-a bildirilib ki, hazırda immunitet sertifikatı ancaq COVID-19 xəstəsi kimi rəsmi qeydiyyata düşənlərə verilir. COVID-19-u gizli keçirənlərin immunitet sertifikatını antitel əsasında əldə etməsi qaydası yoxdur".

Peyvənd və karantin qaydalarının yumşaldılması

Qeyd edək ki, mayın 16-dan etibarən Azərbaycanda sərtləşdirilmiş karantin qaydalarının yumşaldılması barədə Operativ Qərargah tərəfindən qərar verilib. İyun ayının 10-dan etibarən isə bir sıra sahələrdə fəaliyyətə COVID-19 pasportu və immunitet sertifikatının tətbiqi şərtilə icazə verilib. İyunun 10-dan etibarən yaşı 18-dən aşağı olan şəxslərdən başqa, idman və sağlamlıq-bərpa obyektlərindən yalnız COVID-19 pasportu (COVID-19-a qarşı peyvənd sertifikatına malik olan) və ya COVID-19-a qarşı immunitet sertifikatı (COVID-19-dan sağalaraq immunitetə malik olan) olan şəxslər istifadə edə bilərlər. Həmin qərarla yalnız COVID-19 pasportuna (peyvənd vurulmasına dair və ya immunitet sertifikatına) malik olan şəxslərin ibadət yerlərində dini ayinlərin icrasında iştirakına icazə verilir. Məscid və digər ibadət yerlərinə gələn şəxslər mütləq COVID-19 pasportunu (peyvənd vurulmasına dair və ya immunitet sertifikatını) təqdim etməli, tibbi maska taxmalı, antiseptik məhluldan istifadə etməli, əl ilə görüşməməlidir.

Həmçinin Nazirlər Kabinetinin iyulun 5-də qəbul etdiyi 162 saylı qərarla 10 iyun tarixindən etibarən hava nəqliyyatı vasitəsilə Rusiya Federasiyasının və Türkiyə Respublikasının vətəndaşlarının Azərbaycana giriş-çıxışına icazə verilir. Belə ki, yaşı 18-dən yuxarı olan şəxslər bu ölkələrdən Azərbaycana yalnız COVID-19 pasportu (COVID-19-a qarşı tam peyvənd olunmasını və ya COVID-19-dan sağalaraq immunitetə malik olmasını təsdiq edən sənəd) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən sənəd əsasında buraxılırlar.

COVID-19 pasportunun iki növü var

Məlumat üçün bildirək ki, COVID-19 pasportunun iki növü var: "COVID-19 vaksin sertifikatı" və "COVID-19 immunitet sertifikatı". "COVID-19 vaksin sertifikatı" COVID-19 xəstəliyi əleyhinə vaksinasiya olunanlara (iki dozada), "COVID-19 immunitet sertifikatı" isə xəstəliyə yoluxub sağalmış şəxslərə verilir. Sözügedən sertifikatları əldə etmək üçün İcbari Tibbi Sığorta üzrə Dövlət Agentliyinin rəsmi internet səhifəsində E-xidmətlər bölməsinin "Şəxsi Kabinetə giriş" (https://kabinet.its.gov.az/az/index) altbölməsi seçilməlidir. Bu bölmə "MyGov" portalına da inteqrasiya edilmişdir. Burada "ASAN Login" sisteminə istifadəçi FİN-i, "Asan İmza", Elektron imza və ya BSXM (Bank Sertifikat Xidmətləri Mərkəzi) imzası ilə qeydiyyatdan keçmək lazımdır.

Qeydiyyatdan keçdikdən sonra açılan pəncərədə "Digər xidmətlər" bölməsi seçilməlidir. "Digər xidmətlər" bölməsi seçildikdə ekranda "COVID-19 vaksin sertifikatı" və ya "COVID-19 immunitet sertifikatı" seçimləri əks olunur. Əgər vətəndaş vaksin olunubsa, "COVID-19 vaksin sertifikatı" seçimini etməlidir. Xəstəliyə yoluxub sağalmış şəxs isə "COVID-19 immunitet sertifikatı" seçimini etməlidir. Bu zaman təqdim olunan COVID-19 pasportunu elektron formatda yükləmək, eləcə də çap versiyada əldə etmək olar. Qeyd edək ki, COVID-19 pasportunun doğruluğunun sənəddə əks olunan "QR Code" vasitəsi ilə yoxlanılması da mümkündür. Əlavə olaraq bildirək ki, vətəndaşlar COVID-19 pasportunu "E-Təbib" mobil tətbiqi vasitəsilə də əldə edə bilərlər.

Koronavirus bəlası

Xatırladaq ki, 2019-cu ilin dekabr ayında Çinin Uhan şəhərində koronavirusun (COVID) yayılması dünyanın düzənini dəyişdi. 2020-ci il martın 11-də Ümumdünya Səhiyyə Təşkilatının (ÜST) yayılan virusu pandemiya elan etməsindən sonra dünya bu virusla mübarizəyə başladı. Dünyanın əksər ölkələrində koronavirus infeksiyasının yayılmasının qarşısını almaq məqsədilə bir sıra qadağaların tətbiqinə başlandı. Hər ölkə bu gözəgörünməz virus kabusundan yaxa qurtarmaq üçün müxtəlif məhdudiyyətlər həyata keçirdi. Koronavirus pandemiyası Azərbaycanda da həyatın axarını dəyişdi. Azərbaycanda COVID-19-la mübarizəyə 2020-ci ilin fevral ayının 27-dən başlandı.

Koronavirus pandemiyasının səbəb ola biləcəyi təhlükənin qarşısını almaq, profilaktik və təxirəsalınmaz tədbirlərin görülməsi üçün Nazirlər Kabineti yanında Operativ Qərargah yaradıldı. Fevralın 28-də ölkədə COVID-19-un ilk müsbət halı təsdiqləndi. Hazırda ölkəmizdə koronavirus əleyhinə vaksinasiya uğurla davam etdirildiyindən ölkəmizdə karantin qaydalarının yumşaldılması davam edir.

Eləcə də oxuyun:

1018
Teqlər:
vaksinasiya, vaksin, Azərbaycan, gizli, xəstə, sertifikat, immunitet, COVID-19 pasportu, Koronavirus, COVID-19
Приморский парк в Баку

Bazar günü 40 dərəcəyədək isti olacaq

0
Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

 

BAKI, 19 iyun — Sputnik. Azərbaycanda iyunun 20-də gözlənilən hava şəraiti açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Bakıda və Abşeron yarımadasında sabah hava şəraitinin günəşli keçəcəyi gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 23-25 isti, gündüz 30-35 isti, Bakıda gecə 23-25 isti, gündüz 32-34 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

Abşeron çimərliklərində şimal-şərq küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 22-23° isti, cənub çimərliklərində: (Türkan, Hövsan, Sahil, Şıx) 23-24° isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq. Şərq küləyi əsəcək. Havanın temperaturu gecə 20-25 isti, gündüz 35-40 isti, dağlarda gecə 13-18 isti, gündüz 22-27 dərəcə isti olacaq.

0