* AZƏRBAYCAN *
Qoz, arxiv şəkli

Azərbaycanlı loğman zobu sadə üsullarla yox etməyin qaydalarını açıqladı

20
(Yenilənib 00:28 16.05.2021)
"Qoz ağacda noxuddan bir qədər böyük olduqda ondan 10 ədəd yığıb ya günaşırı, ya da ki elə ardıcıl 10 gün, gündə bir dəfə olmaqla daxilə qəbul etmək lazımdır. Onu çeynəmək, əzmək olmaz, bütöv şəkildə udmaq lazımdır"

Nigar İsgəndərova, Sputnik Azərbaycan

BAKI, 15 may — Sputnik. Son illərdə dünyada endokrinoloji xəstəliklərdən əziyyət çəkənlərin sayı artıb. Şəkər xəstələri ilə yanaşı zob xəstələrinin də sayı artmaqdadır. Maraqlıdır, bu xəstəliyin birdəfəlik müalicəsi varmı?

Bakının Mərkəzi Nəbatat Bağında min bir dərdin dərmanı olan bitkilər var. Uzun illər burada çalışan, bağın "Nadir və nəsli kəsilməkdə olan bitkilər" laboratoriyasının müdiri, elmi işçi Yusif Zeynalov Sputnik Azərbaycan-a açıqlamasında bu haqda danışıb:

"Zobu birdəfəlik sağaltmaq mümkündür. Bunun üçün 500 qoz ləpəsini götürüb onların aralarındakı pərdələri çıxararaq bir bankaya yığmaq, üzərinə tam dolanadək 70 faizlik spirti tökərək 22 gün qaranlıq bir yerdə saxlamaq lazımdır. Bundan sonra o yaxşı süzülməli, gündə azı 1 dəfə, yaxud da 2 dəfə çay qaşığı ilə içilməlidir. Ağır xəstələr onu gündə 3 dəfə də içə bilərlər. Məsləhətdir ki, bu məhlul yeməkdən sonra qəbul olunsun".

"Zobu birdəfəlik sağaltmaq üçün digər üsul daha asandır. Belə ki, qoz ağacda noxuddan bir qədər böyük olduqda ondan 10 ədəd yığıb ya günaşırı, ya da ki elə ardıcıl 10 gün, gündə bir dəfə olmaqla daxilə qəbul etmək lazımdır. Onu çeynəmək, əzmək olmaz, bütöv şəkildə udmaq lazımdır. Belə olan halda zob bir illik yox olur", - deyə loğman əlavə edib.

Həmsöhbətimiz deyir 3-4 il ildə bir dəfə olmaqla bu üsulu davam etdirdikdən sonra zob tamamilə yox olur. 

Zobun yaranma səbəbi isə uşaq yaşlarından yetərli qədər yodun qəbul edilməməsidir. Loğman daha çox dəniz havası, yod tərkibli dərmanlar, yodlu duz qəbul etməyi tövsiyə edir.

20
Koronavirus testləri, arxiv şəkli

Azərbaycanda koronavirusa yoluxanların sayı yenə artdı

964
(Yenilənib 17:02 23.06.2021)
Azərbaycanda koronavirusa yoluxma statistikası açıqlanıb. Ölkə üzrə yoluxma və ölüm sayında artım qeydə alınıb.

Azərbaycan Respublikasında koronavirus (COVID-19) infeksiyasına 57 yeni yoluxma faktı qeydə alınıb, 84 nəfər müalicə olunaraq sağalıb və evə buraxılıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib. Azərbaycanda indiyədək ümumilikdə 335625 nəfər koronavirus infeksiyasına yoluxub. Onlardan 329794 nəfər müalicə olunaraq sağalıb, 4965 nəfər vəfat edib, aktiv xəstə sayı 866 nəfərdir. Ölkədə son sutka ərzində 7948, hazırkı dövrədək isə 3698172 test aparılıb.

Qeyd edək ki, dünən Azərbaycan Respublikasında koronavirus (COVID-19) infeksiyasına 47 yeni yoluxma faktı qeydə alınmışdı, 111 nəfər müalicə olunaraq sağalmışdı. İyunun 22-də COVID-19-dan vəfat edən olmamışdı.

Azərbaycanda son sutkada 47824 nəfərə koronavirus (COVID-19) əleyhinə peyvənd vurulub. Nazirlər Kabineti yanında Operativ Qərargahdan verilən məlumata görə, birinci mərhələ üzrə vaksinasiyadan keçənlərin sayı 25682 nəfər, ikinci mərhələdə vaksinasiyadan keçənlərin sayı 22682 nəfərdir.

Peyvənd olunanların sayı da açıqlandı

Operativ Qərargah məlumatına görə, Azərbaycanda bu gün 47 824 nəfər vaksinasiya olunub. Gün ərzində birinci mərhələ üzrə vaksinasiya olunanların sayı 25 682, ikinci mərhələ üzrə vaksinasiya olunanların sayı 22 142 nəfər təşkil edib.

Azərbaycanda bu günə qədər vurulan vaksinlərin ümumi sayı 3 080 340, birinci mərhələ üzrə peyvənd olunanların ümumi sayı 1 997 612, ikinci mərhələ üzrə vaksinasiya edilənlərin sayı 1 082 728 nəfər təşkil edir.

964
Teqlər:
Koronavirus, epidemiya, COVID-19
Xəstəxana, arxiv şəkli

Bu özəl xəstəxanalarda da icbari tibbi sığortadan istifadə mümkün olacaq

21
(Yenilənib 23:20 22.06.2021)
İcbari tibbi sığortanın Xidmətlər Zərfi çərçivəsində vətəndaşlara tibbi xidmətlər Tibbi Ərazi Bölmələrini İdarəetmə Birliyinin (TƏBİB) tabeliyində olan dövlət tibb müəssisələrində göstərilir.

 

BAKI, 22 iyun — Sputnik. Xidmətlər Zərfinə daxil olan, dövlət tibb müəssisələrində göstərilməsi mümkün olmayan tibbi xidmətlərin göstərilməsi üçün İcbari Tibbi Sığorta üzrə Dövlət Agentliyinin müqavilə bağladığı tibb müəssisələrinin siyahısı açıqlanıb. Sputnik Azərbaycan-ın məlumatına görə, icbari tibbi sığortanın Xidmətlər Zərfi çərçivəsində vətəndaşlara tibbi xidmətlər Tibbi Ərazi Bölmələrini İdarəetmə Birliyinin (TƏBİB) tabeliyində olan dövlət tibb müəssisələrində göstərilir.

Vətəndaş qeydiyyatda olduğu ərazi üzrə dövlət tibb müəssisəsinə müraciət edir, həmin tibb müəssisəsində Xidmətlər Zərfi çərçivəsində ona lazım olan tibbi xidmətin göstərilməsi mümkün olmadıqda müqaviləli tibb müəssisəsinə göndəriş verilir.

Vətəndaş TƏBİB-in tabeliyindəki dövlət tibb müəssisəsi tərəfindən ona verilən göndəriş vərəqəsi əsasında müqaviləli tibb müəssisəsinə müraciət etdikdə Xidmətlər Zərfinə daxil olan tibbi xidmətlərdən ödənişsiz şəkildə yararlanır. Bu halda müvafiq tibbi xidmətin dəyəri müqaviləli tibb müəssisəsinə İcbari Tibbi Sığorta üzrə Dövlət Agentliyi tərəfindən ödənilir.

Vətəndaş göndəriş vərəqəsi olmadan birbaşa müqaviləli tibb müəssisəsinə müraciət edərsə, tibbi xidmətin dəyərini tam həcmdə öz vəsaiti hesabına ödəməlidir. Qeyd edək ki, müqaviləli tibb müəssisələrinin sayı mütəmadi olaraq yenilənir.

Müqaviləli tibb müəssisələrinin siyahısı:

1. Bakı Sağlamlıq Mərkəzi Publik hüquqi şəxs

2. Mərkəzi Klinik Xəstəxana

3. Caspian International Hospital

4. Respublika Diaqnostika Mərkəzi

5. Gəncə Müalicə-Diaqnostika Mərkəzi

6. Gəncə Beynəlxalq Xəstəxanası

7. Azərbaycan Tibb Universiteti Tədris Cərrahiyyə Klinikası

8. Mərkəzi Neftçilər Xəstəxanası

9. Azərbaycan Respublikası Dövlət Təhlükəsizliyi Xidmətinin Hərbi-tibb baş idarəsi

10. EGE Hospital

11. Sumqayıt Hospital

12. Avrasiya Hospital

13. Xüsusi Müalicə Sağlamlıq Kompleksi

İcbari tibbi sığortanın tətbiqi

Qeyd edək ki, bu ilin aprelin 1-dən etibarən icbari tibbi sığorta ölkə üzrə tam tətbiq olunmağa başlayıb. Həmin tarixdən Bakı və Sumqayıt şəhərlərində, Abşeron rayonunda rəsmi qeydiyyatda olan əhali də icbari tibbi sığortanın Xidmətlər Zərfinə daxil olan 2550 sayda tibbi xidmətdən istifadə etmək imkanı əldə edib. Əlavə olaraq bildirək ki, təcili və təxirəsalınmaz tibbi yardım istisna olmaqla, vətəndaşlar səhhətində yaranan narahatlıqla bağlı ilk növbədə ailə həkiminə müraciət etməlidir. İlkin səhiyyə müəssisələrinə poliklinika, Ailə Sağlamlıq Mərkəzi və kənd həkim məntəqəsi aiddir. Burada vətəndaşlar ərizə dolduraraq ailə həkimini seçməlidir. Ailə həkimini seçərək vətəndaş tibb müəssisəsinə təhkim olunur. Ailə həkiminin müayinə və müalicəsindən sonra ixtisaslı tibbi yardıma ehtiyac olarsa, ailə həkimi tərəfindən ixtisaslı həkimə göndəriş verilir. Göndəriş əsasında tibb müəssisəsinə müraciət edən vətəndaş icbari tibbi sığortanın Xidmətlər Zərfindən yararlana bilir.

Eləcə də oxuyun: 

  • İcbari Tibbi Sığorta üzrə Dövlət Agentliyinin səlahiyyətləri artırıldı

  • Əlilliyin hansı hallarda ömürlük müəyyən olunacağı açıqlanıb

  • COVID-19-u gizli keçirənlər immunitet sertifikatı ala bilərlərmi? Əlac ancaq...

21
Эмблема ЕВРО-2020

AVRO-2020-nin 1/8 finalının bütün cütlükləri məlum olub

2
(Yenilənib 01:35 24.06.2021)
Futbol üzrə Avropa çempionatının pley-off mərhələsinin birinci raundu şənbə günü, iyunun 26-da start götürür.

11 şəhərdə keçirilən futbol üzrə Avropa çempionatının 1/8 final mərhələsinin bütün qarşılaşmaları məlum olub.

İyunun 23-də AVRO-2020-nin qrup mərhələsi başa çatıb. 1/8 final Amsterdamda Danimarka-Uels və Londonda İtaliya-Avstriya oyunları ilə start götürür.

Avropa çempionatının 1/8 finalının digər cütlükləri belədir:

27 iyun

Niderland - Çexiya (Budapeşt)

Belçika - Portuqaliya (Sevilya)

28 iyun

Xorvatiya - İspaniya (Kopenhagen)

Fransa - İsveçrə (Buxarest)

29 iyun

İngiltərə - Almaniya (London)

İsveç - Ukrayna (Qlazqo)

2