Akademik M.Ə.Mirqasımov adına Respublika Klinik Xəstəxanasının polikilinikası

Xəstəxanalardakı canlı növbələr təhlükə mənbəyidir

3436
(Yenilənib 18:36 21.04.2021)
"Yəni 100 adamın birdən gəlib USM-i gözləməsi, xüsusən də belə bir şəraitdə düzgün deyil" - Adil Qeybulla.

Nigar İsgəndərova, Sputnik Azərbaycan

BAKI, 21 aprel — Sputnik. Xəstəxanalarda otaqların qarşısının dolu olması hər zaman xəstələr tərəfindən narazılıqla qarşılanıb. Səhər tezdən gəlib saatlarla növbə gözləyib həkimin qəbuluna düşmədən qayıdanlar da var. Sıxlıq, xəstəxana dəhlizlərinin havasızlığı isə vəziyyəti daha da acınacaqlı bir hala gətirir.

Həkim-ekspert Adil Qeybulla Sputnik Azərbaycan-a canlı növbənin ciddi fəsadlar törətdiyini bildirib. O qeyd edib ki, pandemiyanın olduğu bir vaxtda istənilən bir yerdə sıralamanın olması vacibdir. Xüsusən də xəstəxanalarda növbəlilik olmalı və sosial məsafə gözlənilməlidir.

"Bu səbəbdən növbələr onlayn olmalıdır ki, hər kəs lazım olan vaxtda gəlsin. Yəni 100 adamın birdən gəlib USM-i gözləməsi, xüsusən də belə bir şəraitdə düzgün deyil"- deyə Adil Qeybulla əlavə edib. 

Azərbaycan Tibb Universitetinin dosenti Ədalət Rüstəm də qısa zamanda xəstəxanalarda onlayn növbələrin təşkilinin vacibliyini qeyd edib.

"Xəstələr poliklinikaya gələnədək avtobusda sıxlıqda olurlar. Yəni, həm də bu səbəbə görə xəstəxanalarda sıxlıqlar çox təhlükəlidir. Virusun bu cür ərazilərdə alovlanmasının qarşısını almaq üçün təcili olaraq onlayn növbəyə keçilməlidir. Xüsusilə də Bakıda, Sumqayıtda, Gəncədə buna daha çox ehtiyac var. Çünki xəsətələrin əksəriyyəti Bakıya üz tutur və sonradan bu virusu rayonlara daşıya bilirlər", - deyə Ə.Rüstəm bildirib.

Qeyd edək ki, pandemiya dövründə nə dövlət, nə də özəl xəstəxanalar onlayn növbə rejiminə keçid etməyiblər. Hər gün xəstəxanaların qarşısında və dəhlizlərində yüzlərlə adamın canlı şəkildə həkim növbəsini gözlədiyinin şahidi ola bilərik. Ən acınacaqlı hal isə Milli Onkologiya Mərkəzində müşahidə edilir. Xüsusi risk qrupunda olan onkoloji xəstələr bu xəstəxananın koridorlarında saatlarla növbə gözləyirlər. Onları yaxınları da müşayiət edir. Bu zaman sosial məsafəyə və maskadan düzgün istifadəyə heç bir riayət olunmur.     

 

3436
Koronavirus testi, arxiv şəkli

Azərbaycanda COVID-19: bütün pis göstəricilərdə azalma var

9
İndiyədək ölkədə ümumilikdə 325 407 nəfərin koronavirus infeksiyasına yoluxması faktı müəyyən edilib, onlardan 302 860 nəfər müalicə olunaraq sağalıb, 4 650 nəfər vəfat edib.

BAKI, 7 may - Sputnik. Azərbaycan Respublikasında koronavirus (COVID-19) infeksiyasına son sutkada 722 yeni yoluxma faktı qeydə alınıb, 1854 nəfər müalicə olunaraq sağalıb.
Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 15 nəfər vəfat edib.

İndiyədək ölkədə ümumilikdə 325 407 nəfərin koronavirus infeksiyasına yoluxması faktı müəyyən edilib, onlardan 302 860 nəfər müalicə olunaraq sağalıb, 4 650 nəfər vəfat edib. 17 897 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 10 686, bu günə qədər isə ümumilikdə 3 311 267 test icra olunub.

9
Mövzu:
Azərbaycanda koronavirus: son xəbərlər

Azərbaycanlılar icbari tibbi sığortaya necə münasibət göstərirlər

11
(Yenilənib 14:36 07.05.2021)
Tibbi sığorta sistemi ilə bağlı ictimai rəy sorğusunun nəticələri haqqında daha geniş məlumat Sputnik Azərbaycan-ın infoqrafikasında öz əksini tapıb.
İnfoqrafika: Azərbaycanda icbari tibbi sığorta
© Sputnik / Elnur Salayev

 

2021-ci il aprelin 1-dən Azərbaycanda vətəndaşların icbari tibbi sığorta sisteminin bütün ölkə üzrə tətbiqinə başlanılıb. Analitiklər cəmiyyətin səhiyyə sistemindəki islahatları necə qarşıladığını öyrənməyə çalışıblar.

Media Təhlil Mərkəzi (MTM) Azərbaycan üçün tamamilə yeni olan icbari tibbi sığorta sisteminə ictimaiyyətin rəyini öyrənmək məqsədilə 679 respondent arasında sorğu keçirib. Məlum olub ki, rəyi soruşulanların 16,2 faizi artıq sığorta sistemini sınaqdan keçirməyə fürsət tapıb.

Respondentlərin təxminən üçdə bir hissəsi (31,8%) əmindir ki, tibbi sığorta səhiyyə xidmətlərinin bütün vətəndaşlar üçün əlçatan olmasına imkan verir. Rəyi soruşulanların bir hissəsi maddi vəziyyətindən asılı olmayaraq tibbi xidmətlərin hər kəs üçün bərabər paylanacağına ümid edir.

Qeyd edək ki, Azərbaycanda icbari tibbi sığorta sistemi 2021-ci ilin aprel ayının 1-dən etibarən bütün ölkədə tətbiq olunmağa başlayıb.

Pasiyentlərin nə zaman və hansı həkimə müraciət etməli olduqları barədə ciddi qaydalar müəyyən edilib. Çünki bundan sonra əsassız yerə həkim məsləhəti almaq artıq pulsuz olmayacaq. Səhiyyədəki köklü dəyişikliklər insanların yeni sistemə münasibətinin çox fərqli olmasına gətirib çıxarıb. Tibbi sığorta sistemi ilə bağlı ictimai rəy sorğusunun nəticələri haqqında daha geniş məlumat Sputnik Azərbaycan-ın infoqrafikasında öz əksini tapıb.

11
Teqlər:
infoqrafika, münasibət, azərbaycanlılar, icbari tibbi sığorta

Bir zamanlar Avropada delikates hesab edilən qulançar

0
(Yenilənib 12:47 06.05.2021)
Qazax rayon sakini Allahverdi Musayev hər il yaz aylarında mütəmadi olaraq dağlara qulançar toplamağa çıxır - daha ətraflı Sputnik Azərbaycan-ın videosunda

Qazax rayon sakini Allahverdi Musayev müsahibəsində bildirib ki, mütəmadi olaraq dağlara qulançar toplamağa çıxır. Bu bitkini  toplamaq çətin olsa da, Allahverdi səbir və həvəslə qulançarları yığıb çöl şəraitində bişirməyə üstünlük verir.

Orta əsrlərdə qulançar çox faydalı olması və çətin tapılması səbəbindən Avropada delikates hesab edilib və “Kral yeməyi” adlandırılıb.

 

0