Qan analizi, arxiv şəkli

Səkkizinci faktordan asılı olan adamlar: Onlar COVID-ə yoluxanda ağırlaşma olmur

89
(Yenilənib 15:38 16.04.2021)
"Təsəvvür edin, adi burun qanamasından insan dünyasını dəyişirdi. Təxminən ötən ilin ortalarınadək xəstəliyin yeganə müalicə ünvanı Bakıda idi".

Nigar İsgəndərova, Sputnik Azərbaycan

BAKI, 16 aprel — Sputnik. "2021-ci ildə Azərbaycanda hemofiliyalı xəstələrin sayı 1704 olub. İki il öncə isə bu rəqəm 1640 idi. Bu rəqəm hemofiliya ilə doğulan körpələrin hesabına iki il ərzində artıb. Ümumilikdə isə qeyd edim ki, hazırda ölkədə hemofiliyalı uşaqların sayı 300-dür. Bu xəstəliyin yaranmasında əsas faktorlardan biri qohum nikahlarıdır".

Hemofiliyalı Xəstələrin Respublika Assosiasiyasının sədri Ayaz Hüseynov bu barədə Sputnik Azərbaycan-ın Multimedia Mətbuat Mərkəzində onlayn çıxışı zamanı deyib.

© Sputnik / Murad Orujov
Hemofiliyalı Xəstələrin Respublika Assosiasiyasının sədri Ayaz Hüseynov

Assosiasiya sədri bildirib ki, irsi xəstəliklərin müəyyənləşdirilməsində mühüm rol oynayacaq tibbi genetik laboratoriyanın yaranması ilə rəqəmlərin artmasının qarşısı alınacaq. Yəni belə olan halda nikaha daxil olmaq istəyən şəxslər analizlər verərək genetik xəstəliklərini öyrənə biləcəklər ki, bu zaman da xəstəliyin artmasını əngəlləmək mümkün olacaq.

A.Hüseynov həmçinin bu xəstələrin COVID-19-a yoluxmasından da söz açıb:

"COVID-19 zamanı qan qatılaşır. Bu xəstəliyin daşıyıcısı olanlarda isə qan duru olur. Bu səbəbdən COVID-19 virusu bu xəstələr arasında xüsusi bir risk yaratmır. Yəni COVID-19-a yoluxan belə xəstələr arasında heç bir ağırlaşma olmur".

O son görülən işlərdən də danışıb: "2005-ci ilədək hemofiliyalı xəstələrin vəziyyəti ağır idi. Onlar üçün lazım olan dərman və preparatlar yox idi. Təsəvvür edin, adi burun qanamasından insan dünyasını dəyişirdi. Təxminən ötən ilin ortalarınadək xəstəliyin yeganə müalicə ünvanı Bakıda idi. Lakin biz ötən ilin əvvəlindən regional qan banklarının yaradılması üçün təkliflər irəli sürdük. Artıq hemofiliyalı xəstələrin Bakıya gəlməsinə ehtiyac qalmır. Onlar regional qan banklarına üz tutaraq lazım olan prosedurdan keçirlər".

"Elə dərman preparatları var ki, ayda bir dəfə vurulmaqla insan normal həyatını yaşaya bilir. Bu dərman və preparatlar qanda çatışmayan 8-ci faktoru bərpa edir. Yəni, ən ağır xəstələr bu dərman preparatını qəbul etməklə normal həyat tərzlərini yaşaya bilərlər. Əsas hədəfimiz xüsusən də ağır formalı uşaqları bu dərman preparatları ilə təmin etmək, onların sağlam böyüməsidir", - deyə sədr əlavə edib.

A.Hüseynov yaxın zamanlarda hemofiliyalı xəstələr üçün nəzərdə tutulan dərman və preparatların gələcəyini qeyd edib.

89
Teqlər:
uşaqlar, Azərbaycan, COVID-19, xəstə, hemofiliya

Bu gün 25 mindən çox insan vaksin vurdurub

5
Birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

BAKI, 9 may - Sputnik. Azərbaycanda bu gün 25 625 nəfər vaksinasiya olunub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 3 710, ikinci mərhələ üzrə vaksinasiya olunanların sayı 21 915 nəfər təşkil edib.

Azərbaycanda bu günə qədər vurulan vaksinlərin ümumi sayı 1 687 397, birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

5

Azərbaycanda son sutkada koronavirusa yoluxanların sayı açıqlandı

151
Son sutka ərzində yeni yoluxma hallarının müəyyənləşdirilməsi ilə əlaqədar 9 474, bu günə qədər isə ümumilikdə 3 330 985 test icra olunub.

BAKI, 9 may - Sputnik. Azərbaycanda koronavirus (COVID-19) infeksiyasına 660 yeni yoluxma faktı qeydə alınıb, 1 539 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 14 nəfər vəfat edib.

İndiyədək ölkədə ümumilikdə 326 716 nəfərin koronavirus infeksiyasına yoluxması faktı müəyyən edilib, onlardan 306 119 nəfər müalicə olunaraq sağalıb, 4 680 nəfər vəfat edib. 15 917 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 9 474, bu günə qədər isə ümumilikdə 3 330 985 test icra olunub.

151
Əfqanıstanda ABŞ hərbçiləri, arxiv şəkli

WSJ: Avropa ABŞ-dan Əfqanıstandan qoşunların çıxarılmasını ləngitməyi xahiş edir

0
Hazırda ABŞ və radikal "Taliban" hərəkatı arasında Əfqanıstandan amerikalı hərbçilərin çıxarılmasının iyulun əvvəlinə qədər sona çatdırılması imkanlarını müzakirə edirlər.

BAKI, 9 may — Sputnik. ABŞ-ın NATO üzrə müttəfiqləri Əfqanıstandan qoşunların çıxarılmasını ləngitməyi və alyansın digər üzvlərinə bu ölkədən çıxmaq üçün daha çox vaxt verilməsini israrla xahiş edirlər. Sputnik Azərbaycan Rusiya mediasına istinadən xəbər verir ki, bəzi ölkələr Əfqanıstandan qüvvələrini vaxtında çıxara bilməyəcəklərini və buna görə də, amerikalı hərbçiləri iyulun 4-dən sonra da Əfqanıstanda saxlamağı xahiş edirlər.

"Wall Street Journal"-da dərc olunmuş yazıda bildirilir ki, bir sıra ölkələr, konkret olaraq Almaniya, qoşunların tam çıxarılmasını iyulun 18-nə qədər təxirə salmağı xahiş ediblər. ABŞ hakim dairələri isə bildiriblər ki, müttəfiqlərin xahişini yerinə yetirmək üçün qoşunların çıxarılması iki həftə və ya daha çox müddətə təxirə salına bilər.

Bir müddət əvvəl "Tolo New" telekanalı adı çəkilməyən mənbəyə istinadən məlumat verib ki, hazırda ABŞ və radikal "Taliban" hərəkatı arasında Əfqanıstandan amerikalı hərbçilərin çıxarılmasının iyulun əvvəlinə qədər sona çatdırılması imkanlarını müzakirə edirlər.

Mənbənin bildirdiyinə görə, vəziyyətin qəlizliyi ondadır ki, uzun illər ərzində Kabul hava limanına təhlükəsizliyi təmin edən Türkiyə də ABŞ və NATO-ya öz qoşunlarını çıxara biləcəyini bildirib. Məlumata görə, türk qoşunlarının çıxarılması mümkünlüyü bir sıra Qərb ölkələrini Əfqanıstanda hətta ixtisar olunmuş tərkibdə diplomatik kontingentin saxlanması planlarına yenidən baxmağa sövq edə bilər. Hava limanında təhlükəsizliyin təmin olunması üçün alternativlərdən biri beynəlxalq muzdluların bu işə cəlb olunmasıdır, lakin onlar çətin ki, nizami qoşunlarsız orada qala bilsinlər.

Xatırladaq ki, ABŞ və NATO üzrə müttəfiqlərinin Əfqanıstanda əməliyyatları 2001-ci ildə başlanıb. Bu əməliyyatlar 11 sentyabr 2001-ci il terror aktına cavab olaraq təşkil olunmuş "Yenilməz azadlıq" kampaniyası çərçivəsində həyata keçirilib.

2014-cü ildə Əfqanıstan, ABŞ və NATO təhlükəsizlik barədə, müttəfiqlərə ölkə ərazisində məhdud sayda hərbçiləri saxlamağa imkan verən razılaşma imzalayıblar.

2020-ci ildə isə son 18 ildən çox müddət ərzində ABŞ və "Taliban" arasında artıq cari ilin may ayında zorakılığa son qoyulması şərti ilə əcnəbi qoşunların ölkədən çıxarılmasını nəzərdə tutan ilk saziş imzalanıb. Hazırda Əfqanıstanda on min nəfərdən bir qədər az sayda NATO və alyansın tərəfdaşı olan ölkələrin hərbçiləri, o cümlədən 2,5 min nəfər ABŞ hərbçisi var. Onların əsas vəzifəsi Əfqanıstan təhlükəsizlik qüvvələrinin öyrədilməsi və hazırlaşdırılmasıdır.

0