AstraZeneca peyvəndi, arxiv şəkli

Azərbaycana bazar günü gətirmişdilər Koreya "AstraZeneca" ilə peyvəndləməni dayandırdı

393
(Yenilənib 16:28 07.04.2021)
Ümumilikdə mayın sonuna qədər Azərbaycana 432 000 doza "Vaxzevira" vaksininin idxalı nəzərdə tutulub.

BAKI, 7 aprel — Sputnik. Cənubi Koreya tromboz (qan laxtalanması) hallarına dair məlumatlar fonunda "AstraZeneca" preparatı ilə 60 yaşa qədər şəxslərin vaksinasiyanı müvəqqəti olaraq dayandırıb. Sputnik Azərbaycan xəbər verir ki, bu barədə Cənubi Koreyanın "Rönhap" agentliyi məlumat yayıb.

"Xüsusi və uşaq təhsil müəssisələrinin işçilərinin, məktəblərdə, əlillərə xidmət üzrə müəssisələrdə və uşaq bağçalarında tibb işçilərinin vaksinasiyası təxirə salınır. "AstraZeneca" preparatı ilə 60 yaşdan aşağı olan şəxslərdə aparılan vaksinasiya müvəqqəti olaraq dayandırılıb", - deyə məlumatda bildirilir.

Yuxarıda adı çəkilən qrupdan olan vətəndaşların vaksinasiyası bu həftə başlamalı idi.

Qeyd edək ki, aprelin 4-də Azərbaycanda koronavirus əleyhinə istifadə olunması üçün Cənubi Koreyadan 84 000 doza COVAX platforması çərçivəsində "Vaxzevira" (əvvəlki adı "AstraZeneca") vaksini gətirilib.

Vaksini TƏBİB, İcbari Tibbi Sığorta üzrə Dövlət Agentliyi, BMT, ÜST nümayəndələri qarşılayıb.

Qeyd edək ki, ümumilikdə mayın sonuna qədər Azərbaycana 432 000 doza "Vaxzevira" vaksininin idxalı nəzərdə tutulub. Peyvəndi İngiltərə-İsveç birgə şirkəti istehsal edib. Eləcə də 8 həftə ərzində Azərbaycana 218 790 doza "Pfizer-BioNTech" vaksini gətiriləcək.

Xatırladaq ki, yanvarın 18-dən Azərbaycanda Çinin "SinoVac" şirkətinin istehsal etdiyi "CoronoVAC" peyvəndi ilə COVID-19-a qarşı vaksinasiya prosesinə başlanılıb.

Nazirlər Kabineti yanında Operativ Qərargahın yaydığı məlumata əsasən, 1 milyona yaxın insan peyvəndlənmə prosesində iştirak edib. Peyvəndləmə könüllü və dövlət hesabına aparılır.

393
Teqlər:
Cənubi Koreya, AstraZeneca, vaksinasiya, vaksin
Gürcüstanda epdimioloji vəziyyət

Gürcüstanda COVID-19-un üçüncü dalğası başlayıb

7
Son sutka ərzində Gürcüstanda 707 nəfərdə koronavirus təsdiqlənib. Bununla da ölkədə COVID-19 xəstələrinin ümumi sayı 288 min 396-ya çatıb.

BAKI, 11 aprel - Sputnik. Gürcüstanda koronavirusun üçüncü dalğası başlayıb. Hökumət üçüncü dalğanın daha böyük fəsadlara səbəb olmaması və genişmiqyaslı epidemiyaya çevrilməməsi üçün tədbirlər görür.

AZƏRTAC xəbər verir ki, bu barədə Gürcüstanın Xəstəliklərə Nəzarət Milli Mərkəzinin rəhbəri, baş epidemioloq Amiran Qamkrelidze məlumat verib. Baş epidemioloq cəmiyyəti tətbiq olunan qaydalara riayət etməyə çağırıb.

Məlumat üçün qeyd edək ki, son sutka ərzində Gürcüstanda 707 nəfərdə koronavirus təsdiqlənib. Bununla da ölkədə COVID-19 xəstələrinin ümumi sayı 288 min 396-ya çatıb. Onların da 277 min 303-ü müalicə olunub. Koronavirusdan son sutka ərzində 8 nəfər dünyasını dəyişib.

7

Ölkədə COVID-19 əleyhinə peyvənd olunanların sayı açıqlanıb

11
(Yenilənib 20:22 11.04.2021)
Bir gündə birinci mərhələ üzrə vaksinasiya olunanların sayı 18 956, ikinci mərhələ üzrə vaksinasiya olunanların sayı 4 582 nəfərdir.

BAKI, 11 aprel - Sputnik. Azərbaycanda son sutkada koronavirus (COVID-19) əleyhinə 23 538 vaksin vurulub.

Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 18 956, ikinci mərhələ üzrə vaksinasiya olunanların sayı 4 582 nəfərdir.

Ölkədə vurulan vaksinlərin ümumi sayı 1 177 087, birinci mərhələ üzrə vaksinasiya olunanların ümumi sayı 758 275, ikinci mərhələ üzrə vaksinasiya olunanların sayı isə 418 812 təşkil edir.

11
Milli Televiziya və Radio Şurası

Milli Televiziya Radio Şurasının üzvü vəfat edib

0
(Yenilənib 11:14 12.04.2021)
Milli Televiziya və Radio Şurasının üzvü Cəfərov Məmməd Hüseyn oğlu 12 aprel 2021-ci il tarixdə gecə saatlarında ürək tutmasından dünyasını dəyişib.

BAKI, 12 aprel - Sputnik. Azərbaycan Respublikası Milli Televiziya və Radio Şurasının üzvü Cəfərov Məmməd Hüseyn oğlu 12 aprel 2021-ci il tarixdə gecə saatlarında ürək tutmasından vəfat edib.

Bu barədə məlumat Sputnik Azərbaycan-a MTRŞ-dan verilib. Məmməd Cəfərov bu gün torpağa veriləcək. 

0